يامحمد ماتوصى في خوانك
 

[frame="1 70"][poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ماتوصى يامحمـد في خــوانـــك
دام جنحان العقاب اللي تشــله
هم عضودك لاتهاون بك زمانك
يثبتون وغيرهــم يخلي محــله
من تهاون في مقام اخوك هانك
لو يعـزك من يحقـر اخـوك ذله
ومن يخون بهم على ماقيل خانك
دونهم لاتجـعل الاقـصين اخـله
حاجــتك منهم تجيك اليا مكانك
كنهـم لك ظل ظلعــان مــطله
انت بالنسبه لهم ياعـظم شــانك
انت مثل حجاب بيت وهم(لخله)
لين الجانب لهم والجم حصانك
الجفا كثره على الصاحب ممله
ومدهم بالعون كان الله عــانك
غيث غيرك شاربك ماهو يبــله
واهدهم للـدين يوم الدين زانك
ومن جهل منهم طريق الخيردله
لين الجانب وعطهم من حنانك
واستـمع منهــم وما يلهيك خله
انت عقلك بك وفي راسك عنانك
قد صقرتك لين صدت الصيد كله
شايفن لظفك وتكسيني حسانك
ماتغيــرك الليـــالي والاهله
بارك الله بك وفي باقي خوانك
كلــكم من ساسكم ســله ودله[/poem][/frame]


الشاعر / حمد بن فطيس المري

صح لسانك اخوي محمد العتيبي

وصح لسان الشاعرحمد المري

وبيض الله وجهك يا الغالي

على هذا الاختيار الرائع

تحياتي لك ،،،،

تسلم يمينك أخوي محمد على النقل الرااااااائع والجزل

لاهنت اخوي النايف على مرورك

ومن قال يسلم اخوي عبدالرحمن

صح لسانك وصح لسان شاعرها

مشكور يامحمد على نقل هذه القصيدة والتي هي بمثلبة نصيحه بالبر للاخوان
تحياتي

صح لسانك اخوي محمد العتيبي
وصح لسان قائلها حمد المري
ولاهنت على الإختيار الرائع

العريدي صح بدنك ولاهنت على مرورك

ابن ثعلى شاكر لك مرورك وتعليقك
تحياتي

مخاوي النشامى صح بدنك ولاهنت على المرور
تحياتي