ذياب مطلــــــــــوب
 

مسيت بالخير يابن العم ودام انك موجود ودنا بطاروق معك واستلم لاهنت

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلامي سلامٍ كما السيف محدود=على ذياب اسله ويقرا سلامي
حرامي حرامٍ من الكيف لا ازود=تحت ناب اخله ويبرا حرامي[/poem]

صح لسانك ياشاعر روق وصح لسان ذياب مقدما

بس قلي اللحن كيف قايل والله انه غريب علي كنه مطعج

تحياتي لكما

صح لسانك يابو سعود

وننتظر ذياااااب


مالومك يابو عبدالرحمن القاف مدري كيف هو قايل

الصراحه قلبته ماعرفت له مار خلنا نشوف الربع

[color=#0000FF][align=center]شاعر روق

صح لسانك

ولسان ذياب مقدماً

واللحن ماهوب صعب يالطوفان على ذياب

يجيب أصعب منه ماهوب عاجز عنه إبن غانم

وأنا في صفه وتشوف[/align][/color]

الله يخليك لي يابو حمود انا طالب ذياب
وبعدين مارديت رد على نفس الاسلوب واللحن

تقديري

الله يمسيكم بالخير جميع منتداكم اليوم تقول مخترق

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نظامي نظامٍ من الطيف موجود=ومن هاب ادله والاثرا نظامي

مقامي مقامٍ وأنا ظيف محمود=ومن جاب احله ويشرا مقامي[/poem]

الله يمسك بالنور ولي ملاحظات على بعض معاني المفردات من اي قاموس وبعدين مارحبت الله يهداك:)

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كلامي كلامٍ عن الزيف مردود=ومن غاب قله ليا اطرا كلامي
وسامي وسامٍ بعد شيف معدود=ولاصاب خله وانا ادرا وسامي [/poem]

ارحب يابو عبدالرحمن وجودك نور للصفحه

تقديري

ابو رشيد ارحب وحاول انت وابو عبدالرحمن تعرفون اللحن الى الان
باقي مااحد وصله

تقديري

مرحبا يابن مسلم

اسعدنا وجودك وحضورك النور

تقديري

ابو حمود ياهلا وغلا
وجودك مهم

تقديري

صح السنتكم ياشعار واصلوا وحنا متابعين والله يعطيكم العافيه

ههههههههههههههههههههههههههههههههه

الله يرج ابليسك يابو سعود والله انك قاصد تعسيرتها مار الله يلوم اللي يلوم ذياب

تكفى ياذياب حورفها منا ومنا والله يعينك

تحياتي

ههههههههههههههههههههههههههههههههه

ويش ذا يا بو سعود

صح لسانك هذا مثومن يصدع الراس عساني ما اطيح فيك


ذياب صح لسانك وننتظر ردك بفارغ الصبر


تحياتي للجميع

[color=#FF0000][align=center]
شاعرروق أنت والربع اللي موجودين معكم

مساكم الله بالخير

الليله ويشلونكم عقب أبومحش الله يحش رقبته

وترى الظاهر أن ذياب راد ردن صح بس اللي اكل بعض المفردات أبومحش مار وريتكم فيه ماجيتكم لين سجنته وأخذت عليه كفيل غارم مايتعودها والله يكفيناشره

هههههههههههههههههههههههه[/align][/color]

هلا بحبيبي شاعر روق انا اتكلم بالعربيه الفصحاء ولاني ملزم باهل الاردو افهمهم:p
ومن ناحيت الترحيب انت شاعر علم عطني معناك فالبيت وارد علاك فالبيت
بس الله يهديك عسرت نفسك بهالطروق ورحت تكلمني كتابتاً:)



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هيامي هيامٍ وفالريف جرهود=وشراب دله وغبرا هيامي

حزامي حزامٍ ماهو ليف في عود=ولن طاب كله لا يعرا حزامي[/poem]

[QUOTE=الطوفان]ههههههههههههههههههههههههههههههههه

الله يرج ابليسك يابو سعود والله انك قاصد تعسيرتها مار الله يلوم اللي يلوم ذياب

تكفى ياذياب حورفها منا ومنا والله يعينك

تحياتي[/QUOTE]


[size=4]هلا يالله حيها علومك يابو عبدالرحمن

خل الطواريق تراها ماتكلف على اخوك

[/size]

[QUOTE=ذيب الشيباني]صح السنتكم ياشعار واصلوا وحنا متابعين والله يعطيكم العافيه[/QUOTE]





[size=4]يالله حي ذيب هاذي الساعه المباركه اللي شفناك فيها

تكاتفت على اخوك قرية مسيحه مير بيرق العز مايطيح

يصفق على العمود[/size]

[color=#FF0000][align=center]
الله يهديك يابوسعود


حركت علينا حركان مار لايروح لين يتسحر ترى رمضا ن على الابواب


ولا .لا يابوعبدالرحمن ههههههههههههههه[/align][/color]

بس اباك تفسر والاثراء ويشرا ماعمري سمعت
بها ولا عمري سمعت عتيبي ولا غيره يقولها بس يمكن قاموسك غير ماشا الله علاك واللي يفسر معناه مثل اللي يمشي قدم الناس بدون هدوم

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حسامي حسامٍ ياحرّيف مجرود=للارقاب عله ولا ازرا حسامي
مرامي مرامٍ بتصنيف وجهود=ولا خاب والله والاحرا مرامي[/poem]

الجميع بلااستثنا اتركوا ذياب في حاله يمكن الرجال
خلاه القاف يعصب وخرج عن اطار المحاوره لقصد حذفها
لكن الزموا اماكنكم واتركوه يعبر عن شعوره النبيله
اللي تدل عليها الفاظه

[quote=الطوفان]ههههههههههههههههههههههههههههههههه

الله يرج ابليسك يابو سعود والله انك قاصد (((تعسيرتها))) مار الله يلوم اللي يلوم ذياب

تكفى ياذياب حورفها منا ومنا والله يعينك

تحياتي[/quote]

شف بعيونك ياعبدالكريم من اللي بداء بالخطا خارج اطار المحاوره

والمفروض منه يشجع مايخطي واذا عنده كلام

يبدع ونرد عليه اما اذا كنت مشرف ولا تعطي حق ولا تاخذ حق

ماحنا ملزومين فيك بنرد على الخطا بخطا عرفت والا باقي ماعرفت

وابي منك رد قبل لا اكمل المحاوره معك على الخاص ولا العام

[QUOTE=شاعر روق]الجميع بلااستثنا اتركوا ذياب في حاله يمكن الرجال
خلاه القاف يعصب وخرج عن اطار المحاوره لقصد حذفها
لكن الزموا اماكنكم واتركوه يعبر عن شعوره النبيله
اللي تدل عليها الفاظه[/QUOTE]

[size=5][color=#FF0000][align=center]
سم ياعم


تأمر أمر وحاضرين

غالي والطلب رخيص يابوسعود سمعت يابوعبدالرحمن هدؤهدؤ[/align][/color][/size]

[QUOTE=ذياب][size=4]هلا يالله حيها علومك يابو عبدالرحمن

خل الطواريق تراها ماتكلف على اخوك

يمسح على روسها وتمشي له طوع[/size][/QUOTE]


افااااااااااااا ياذياب علومي علامها

وانا خابر انك كفو ولا لحقني فيك شك

تحياتي

صح السان الشاعرين وعاشوا المتابعين
تحياتي

جاوبك الطوفان بنفسه ولا اعتقد ان في كلامه شي

ياشاعر روق كأن المحاوره خرجت عن اطارها الصحيح بتأثير من المشجعين وأرى ان تشاورالأخ ذياب في حذفها لأن الهدف هو اظهار المواهب وليس اظهار العيوب والغمز واللمز
تحياتي

اضم صوتي لصوتك يابن ثعلي محاوره لاترتقي للمأمول

الراي لك يابو عبد الرحمن وانا حررت جميع الردود الا ردين
كي تبقى حجه واظن اخونا ذياب فعل مايريد لانه اراد حذفها باسلوبه
والكلام واضح امام الجميع والبادي اظلم انا بدعت و ذياب خرج عن الجاده بتعليقات

مالها اي داعي والمعاير ماهو من شيم الرجال

يالربع الطاروق فيه شي فيه كلام غير لائق
قولولي اما اذا كان معجزه فانا مابغيت اعجز احد

واما اذا كان قصدك يامحمد الردود الجانبيه فااعتقد ان التحرير يكفي وانتم وشوركم

المحاوره مافيها شيء ابداع واظهار مواهب

بس ياليت اللي يتفرجون يلزمون الصمت والحياد افضل

الدعوى كلها تسليه ولعب وبعض الكلام ماله داعي مره