ياسلام الله بقافن فيه قوه بيلوجيه
 

الاخوان الشعار

مساكم الله بالخير

طاروق لا اكثر ولا اقل اتمنى ان لا يسجل ضدي ،، لان قبيلة عتيبه عزيزه علي ...



[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياسلام الله بقافن فيه قوه بيلوجيه = تعدم العتبان برقا جنب روق فربع ساعه

هب ياكثر المشاكل هب ياكبر القضيه = حاصلن بين الجماعه هوشتن تبغى فراعه[/poem]

الله يمسيك بالنور والرضا

وانت كذلك عزيز وغالي يالبناخي ولكن استلم
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مرحبا ترحيب مايحتاج قوه عسكريه=ياخذ الحربي بعرقوبه ويربط له كراعه
والجماعه ماشكت لك لا كثير ولا بليه=والتدخل شيمة اللي مالهم عز ومناعه[/poem]

حياك الله يا تركي ومساك الله بلنور

جاك الرد قوي من شاعر روق الله يعطيه العافيه هذي عوايده

ابو عابد

يسعدني وجود اسمك في متصفحي لاعدمتك

تقديري

حييت يابو سعود

ههههههههههههههه رد منتاز جدا

استلم ياخال

يالعتيبي لو نعود في زمان الجاهليه = كان لا شفت الك حربي قلت له سمعٍ وطاعه

ياخوالي حلكم عندي وجاهز في يديه = مار شاعر روق هذا مايجوز اعن اللكاعه

عبد الله الحافي

راس البقا يالغالي

وشاعر روق الله يخارجنا منه

الله يبقيك في محلك يباو عبد العزيز واستلم

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لو رجعنا قرن كامل للمواقيف القويه=يمكن انك تهجر الروقي وتعلن بالقطاعه
واحتفظ بالحل عندك لا تجينا بالاذيه=عندنا قاضي عدال وعندنا فكر وقناعه[/poem]

اسف على التاخير

ابلشني الجوال

دل دربك يالعتيبي واعرف ان النار حيه = لاتوطى جمرها والنار في راس السراعه

انت فاهمنى غلط والشيخ مايرضى الزريه = اركد الله لايهينك واحصدوا بعد الزراعه

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مانذمك والطريق يمين يااهل الشاذليه=وان بغيتو درب ثاني لايجي في القلب راعه
والحذاري لا تجينا يالبناخي بالخطيه=ثم غير موجة الرادي وتلقى الفين اشاعه[/poem]

جاتكم مني عزيمه وافيه حسب البغيه = في محلات الحروب اهل الكرم واهل الشجاعه

وانتظركم لي ثلاث اشهور من بعد الدعيه = كيف تنسون العزيمه كيف تنسون الوداعه

الله يعطيكم العافيه وتراني متابعكم من اول ما بديتوا

الله يسعدكم مثل ما اسعدتونا

هههههههههه
استلم استلم

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جيتكم ياحرب مااحدٍ لد بالعينين فيه=ثم جلست ولا لقيت الا شدادي والمجاعه
عقبها شلت الشداد الزين في ظهر العبيه=ثم ر حت لديرتي عل وعسى نلقى بضاعه[/poem]

الله يسعد ايامك يابو عابد

وشهادتك من تواضعك عسانا مانعدمك

تقديري

استلم ياخال

مالقيتك ياعميل الخير في ريع الثنيه = والوجوب انك تنب امعزبك قبل الجماعه

وانت ياراع الشداد اللي على وسق المطيه = خابرين انك ردوف وحجتك فيها زعاعه

المشرف العام / عبد الله الحافي

لاعدمتك والله لايهينك ومتابعتك شرف لنا طال عمرك

والله يسعدك دنيا واخره

تقبل تحياتي وتقديري

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وابك انا جيتك ولا حصلت قدامي سريه= مالقبت الا ثنين جنود مافيهم طماعه
حشّم معزبك ياتركي قبل يكويك كيه=ثم تكره يومك المذكور والديد ورضاعه[/poem]

[QUOTE=شاعر روق][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وابك انا جيتك ولا حصلت قدامي سريه= مالقبت الا ثنين جنود مافيهم طماعه
حشّم معزبك ياتركي قبل يكويك كيه=ثم تكره يومك المذكور والديد ورضاعه[/poem][/QUOTE]


[color=#0000FF][align=center] شاعر روق

أنت وتركي

وباقي الأخوان

مساكم الله بالخير . وصحت السنتكم
والمعذره على التاخير توني دريت هالحين .
لاكن مايهمك يابن روق أزهل الصف وانا أبن عمك ليلنا سروي

تحياتي [/align][/color]

تسلم يابن مسلم ولا يسلم ردي العزايم

وجودك وحضورك ينومس لاعدمناك

تقديري

شاعر روق

انا استاذن يابو سعود وان شاء لنا لقاء غداً وانكمل الطاروق

في امان الكريم وحفظه وعلى خير نلتقي

اخوك

الأخ شاعر روق تشكر على الرد الجزل وإلى الأمام كما لا يفوتني أن أشكرالشاعر تركي الشيخ على بدعه القوي وهذا من باب إعطاء كل ذي حق حقه ودمنا ودمتم في رعاية الله وحفظه

مشكور ياتركي الشيخ وياشاعر روق والاخوه الذين تفاعلوا مع المحاوره فعلا محاوره راقيه تستحق من يتابعها
تحياتي

من افضل المحاورات اللي سمعتها في هذا الشهر على النت

وبالصراحه ياتركي الشيخ ابدعت واثبت ّ لنا انك شاعر من الطراز الاول ولاتحرمنا مشاركاتك وتواجدك


وشاعر روق شاعر روق :)