ماكل من يــــضحك من النــــاس مرتــاح........!
 

ماكل من يضحك من الناس مرتاح

............بعض البشر فـ قلوبها يجلس الضيق

سهران طول الليل .. والفجر مالاح

......والعين ... واحساسي وقلبي ... مشافيق

من راح عن عيني وانا كلي جراح

.............آونست حر الياس وسط المعاليق

الهم يطويني كما طي مسباح

...........وانا الذي من جيت بين الشواهيق

وش حيلتي والقلب بالحب نضـّـاح

...........ماخنت يوم الغير خاان المواثيق

لا لي رسـول ٍ يبدل الحزن بافراح

........والظن والريبه لفكري ... مسابيق

غرقت في بحره وانا كنت سبـّـاح

........وان قلت مرساه النخل فـ المعاذيق

مدري صدى عشقي غدا منهل رماح

............ولا العواذل غربها بالمشاريق

حتى الخيانه وان بدا عطرها فاح

.........شميته خزامى وعطر المعاشيق

وش حيلتي والهم فـ القلب مجتاح

.....عسكر لي الضيقه جيوش ومرافيق

اركى عليْ النار لين الصبر ساااح

.........وابدا لي حموله وشلته ولاطيق

ياعاذلي والقلب ان طاح ماراح

.......شفني ثلاث سنين بين الطواريق

ذكرى تهب وصوتها ينطح صياح

......العقل ساق القلب دونه ولاسيق

باقي على ميثاق والسد ما باح

....والناس تجبرني على فكة الريق





تحيـــــاتي لـــــكم

صح لسانك يا بنت الهواجر بس بعدين انتبهي للموضوع هذا المثبت في اعلا الصفحه

[url]http://www.otaiby.com/vb/showthread.php?t=9542[/url]

صح لسانك اختي بنت الهواجر


وصح لسان شاعرها


ومشكوره على هذا الاختيار



تحياتي لك ،،،،،

مشكوره يابنت الهواجر وصح السانك وانتبهي لكلام المشرف عبد الله
تحياتي

بنت الهواجر

وش حيلتي والهم فـ القلب مجتاح
عسكر لي الضيقه جيوش ومرافيق

اركى عليْ النار لين الصبر ساااح
وابدا لي حموله وشلته ولاطيق

صح لسانك..
تحياتي

ينت الهواجر


تشكرين على الأختيار الجيد...


وصح لسان شاعر وبإنتظارك..


ومن خلال البحث إتضح مايلي...

[url]http://www.romnce.net/dewan/show.php?lessid=5[/url]
ربما يكون غير ذلك..


وتقبلي تحياتي

تسلمين أختي على الخاطرة

صح لسانك اختي بنت الهواجر
ولسان قائلها
ارجو الإنتباه لكلام مشرفنا الغالي عبدالله
بانتظار جديدك وروائعك

تسلمين يابنت الهواجر على النقل الرائع

صح بدنك اخوي عبدالله وانا اسفه اني ماكتبت اسم الشاعر لاني ما اعرفه بس راح ابحث وهو موضوع منقول ولا تزعل يا مشرفنا العام ولا يصير خاطرك الا طيب وان كانك بتلغيه الغيه ولا احد بيزعل والله انسى

شاكرتلك مرورك

تحياتي لك...

صح بدنك اخوي النايف والعفو
شاكرتلك مرورك...

تحياتي لك...

العفو اخوي بن ثعلي

تحياتي لك...

صح بدنك اخوي افتخر

تحياتي لك...

العفو اخوي ناصر وربما هذا اسم الشاعر بس انا ما اعرفه على العموم مشكور ويعطيك العافيه تعبناك معانا..

تحياتي لك....

الله يسلمس اختي نفيعيه ومشكوره على المرور

تحياتي لس...

صح بدنك اخوي مخاوي
تحياتي لك...

الله يسلمك اخوي برقاوي هواوي

تحياتي لك...

صح لسان الشاعر

وصح يمنا الناقل