***حرب النجــــــوم****
 

قصيده وصلتني على الايميل بهذا الشكل
وهي لشاعر حربي لا يحضرني اسمه الان واوعدكم بذكراسمه في القريب العاجل
وعسى ان تعجبكم..
[url=http://sss2.com/][img]http://sss2.com/uploads/e23ddb6ea7.jpg[/img][/url]
[poem=font="Simplified Arabic,5,black,bold,normal" bkcolor="transparent" bkimage="backgrounds/19.gif" border="ridge,4,black" type=1 line=0 align=center use=ex num="0,black"]
حرب النجوم وحرب تسليط الاقمار=
وسلاح ناسـا بالزمـان الصناعي
وخطة برامج حرب تدميـر الاقطـار=
اللي بها ضاعت جميـع المساعـي
وش عاد مهما تحرق الناس بالنـار=
كلش ولا حرب العيـون الوساعـي
سود العيون اللي بها العقـل يحتـار=
منهن وفيهن مستمـر(ن) صراعـي
بين الظواهر والبواهـر والاسـرار=
حاولت اعرف اسباب حق انتفاعـي
ويوم طعنتني بالهدب والشذى ثـار=
سلمت وانهـارت وسائـل دفاعـي
قالت علامك شـارد الفكـر محتـار=
قلت انتظر تفسيـر سـر انطباعـي
والله مدري ياسناء البدر وش صار=
في حالة اللاوعي لو كنـت واعـي
اشعر ولا اشعر والمشاعر والاشعار=
ضاعت وضعت ومن عيونك ضياعي
طمن عيونك قبل الاعصـاب تنهـار=
واقصر نظرها واستمـع لاتراعـي
لاتنزع الخافق تـرى خافقـي طـار=
بين الظلام وبيـن حـد الشعاعـي
نظرات وحكايات واظهـار واضمـار=
واسرار وستنكار من غيـر داعـي
ذبنا وغدينا شمع وقت اللقاء الحـار=
وطاح الشماغ وطاح معـه القناعـي
انت اندفاعي بس انا كنـت صبـار=
والا اللقاء صـار اندفاعـا جماعـي
تبغى الكلام اللي وراء حـد الانكـار=
انا الذي من يدك صـرت اندفاعـي
والله ماذكـر لـك تفاصيـل مـادار=
الا يمينـك يـوم تلـوي ذراعــي
مجرم ومع سبق الترصد والاصـرار=
رغم انك اكبر عاطفـي واجتماعـي
حلم(ن)بقى مع طلعة الشمس تذكـار=
والحمـد الله كنـت قـد امتناعـي
صار اللقاء اللي صار في حكم الاقدار=
وطويت من عقب المتاعب شراعـي
جيتك بعد صبر وغرابيـل واسفـار=
ولقيـت غايـة رغبتـي واقتناعـي
وش هالجمال اللي تقاسيمه اطـوار=
ماله مع اهل الكون غير انت راعـي
المفـردات تغـادره سـر وجهـار=
والصمت يلقى فيـه كـل الدواعـي
حدثت به للشمس والماء والازهـار=
والريح ونجوم الفضـاء والمراعـي
وابلغت فيه الخمس واعطيتها اقرار=
واعلنت له فصل(ن)جديـد بنزاعـي
سلمت تسليـم المهاجـر للانصـار=
فيماتـراه وقــدر مايستطـاعـي[/poem]

الشاعر/جوهر الحربي
تحياتي لكم

الغالي


أفتخر إني عتيبي



سلمت على النقل الرائع ولإجتهاد الموفق والمثمر....



وصح لسان الشاعر جوهر الحربي...


شاعر القصيده....


ودمت ودام نشاطك...

صح لسانك اخوي أفتخر إني عتيبي
ولسان قائلها
وأرجو المعذرة على تنسيق القصيدة
الله يعطيك العافيه

ناصر بن سعدي

تشكر يالغالي على مرورك وعلى ذكر اسم الشاعر..

تحيـــــــاتي وجزيل شكري لك

مخاوي النشامى

اشكرك على مرورك ويعطيك العافيه
والف شكر على التنسيق.

تحيــــــاتي لك

صح لسانك يا افتخر اي عتيبي

شاكر لك نقلك المميز للقصيده وكان ودي تشيل صورة المبرقعه من الموضوع

تسلم أخوي افتخر اني عتيبي وصح لسان قايلها

عبدالله الحافي ..شكرا لك على مرورك

تحياتي لك

برقاوي هواوي تسلم على مرورك

تحياتي لك

صح لسانك اخوي افتخر اني عتيبي


وصح لسان الشاعر جوهر الحربي


وبيض الله وجهك يا الغالي


على هذا الاختيار الرائع


تحياتي لك ،،،،

الله على الذوق الرفيع ياعتيبي وافتخر اختيار موفق وقصيده رائعه ارشحها لمنتدى المواضيع المميزه وارغب رأي اثنين او ثلاثه من المشرفين في ذلك
تحياتي

بن ثعلي

شاكرين مرورك وترشيحك للقصيده

تحياتي لك