**رحلة ضـياع بلا حصــيل**
 

هذه اول مشاركه لي في المنتدى
وعسى ان تنال اعجابكم..

يا صـاحبي محـبـتـك رحلة ضـياع بلا حصــيل .. ونهـايـتي عنــدك ماسي فــوق تصــوير الخيــال
جيـتك وانا كـلي امــل ما كان عندي مستحـــيل .. من أخـــر الدنيــا لفيـت مع الـهبـايب والرمـــــال
رسمـت مع وجــه الطريق اللي معذبنــي دليـل .. وعمرالمساري فالخلاء ما تضعف عزوم الرجال
سجت الديار بحكمتــي ولا مالت الدنيـا تميـــل .. وصبرت صبرن ما يـطـاق ولا تحــمــله الجمـال
حتى وصلت ولا دريـــت اني وصلتك ياجمــيل .. واستســـلمت روحـي لروحـك من لهيب الانفعـال
وانا بدوي ولاعرفــت الا دلالي والصميـــــل .. مســـمر وجهي من تعب هــم المواشـــي والحلال
كل المهـالك جـيـتها ابحـث عن مرافق خـلــيـل .. واحسبك لامن جيت لك بتقـول لي وينك تـعـــــال
لكن لقيــتـك بالمواصل والوفـاء طبعـك بخـيـل .. واحـترت احـدد موقفـــ(ن) جـزاه حـل بأرتـحــال
ضاع الأمل من الحيــــاه ولا بقى غيــر القلـيل .. ورفضت لأعيشك تعب يوم الهناء صعب المحال
ورجـعت ألـعـن رحـلتي على وفاك المستحيـل .. والدمع من صعب الموادع هـلت أمزونه وســـال
روحـ(ن) سنين أستعمرت اليوم نادت بالرحيل .. كـل المشـاعر داخـلي ترفض وجــود الأحـتــلال
خــذ ماتبيـــه، وفكــني ما عاد ابي رد الجميـل .. لا عــادها الله ســاعتــ(ن) يمـك عزمنا بالرحــال
أخترت موتـي بالشــرف أفضل ولا عيشة ذليل .. اخـيــر مـن دنيــا زهــيــده خاتـمــتهــا للــــزوال
أكــيد موتي لو حصـل ينهي متـاهـات الرحـيـل .. ويـــنه؟ نهــايه رحـلتي زادت على كــل أحتمــال

تحياتي لكم’

عتيبي الافتخار صح لسانك على هذه القصيده الجزله 000

ابوشامه..

صح بدنك اخوي وشاكرين لك مرورك...

اخوي افتخر اني عتيبي صح لسانك وتسلم على القصيدة الرائعه

برقاوي هواوي..

صــح بدنك اخوي

ويشرفنا مرورك واشرافك

خالص تحياتي لك،

صح لسانك اخوي افتخر اني عتيبي


وبيض الله وجهك يا الغالي



ولا تحرمنا من جديدك


اخوي ابي انقل الموضوع إلى قسمه الصحيح قسم قصائد الاعضاء



تحياتي لك ،،،،

وانا بدوي ولاعرفــت الا دلالي والصميـــــل .. مســـمر وجهي من تعب هــم المواشـــي والحلال
ونعم00
صح لسانك اخوي على هذه القصيده الجميله 00

الله عليك ياعتيبي قصيدة ولا اروع منها صح السانك ولاهنت
تحياتي

النايف..

تسلم على مرورك

ويعطيك العافيه

وانقل الموضوع للقسم المناسب

ولك تحياتي

عتيبيه وافتخر..

ونعم بحالك وصح بدنك

وتسلمين على مرورك

تحياتي لك..

بن ثعلي..

صح بدنك والاروع مرورك..

ويعطيك العاقيه

تحياتي لك

" افتخر إني عتيبي"
صح لســـــــــــانك على هذه القصيدة الرائعه

مخاوي النشامى

صح بدنــك والاروع مروركم يا مخاوي

تحياتي لك