ليـــــــــــــــــــه جيــــــتيــــــــــــــــني
 

ارجعت عقب الغياب وقلت وش ردِّك عليّـه
ليه جيتي توقظين الجـرح ياغلطـة زمانـي

ليه جيتي وانتي اشْبـه بالعصـور الجاهليـه
ظالمه ماترحمين ابْداخلـك شخـصٍ أنانـي

ليه جيتي ارحلي في صمـت والذمّـه بريـه
ارحلي كافي خداع وْكافـي اوهـام وْامانـي

قالت اتْكابر وانا اللي خابرتـك تمـوت فيـه
مااظن انّك نسيـت ولابعـد قلبـك نسانـي

قلت يكفي ماحصلّي منك من ذنـب وْخطيّـه
والخفوق اللي عِشقك اليوم صاير شكل ثانـي

والله انّه مابقا للعشـق فـي صـدري بقيّـه
جزت عن ذاك الطريق اللي على مثلك حداني

كنت احبك يوم كانت روحي بروحـك شقيّـه
في زمانٍ فيك وهقني وفـي ظلمـك رمانـي

كنت اقول انّك غرامي واجملُ وْ أغلى هديّـه
كنت اشوفك حلم عمـرٍ مايفارقنـي ثوانـي

لكن اليومُ وْبعد غبتي ونـار الشـوق حيّـه
شفت فيك اللي حرام تْعيش في غمرة حنانـي

مسرفه في حب نفسـك مافْتكرتينـي بجيّـه
لين شفتيني أموت من العذاب اللـي طوانـي

وجيتي ابْنظـرة شماتـه تلعبيـن السامريـه
فوق جرحٍ مـن سبايبـك ابتليتـه وابتلانـي

ودامك انتي ماعرفتي قدْر نفـسٍ لـك وفيّـه
ارحلي عنّي ترا يكفيني اللـي منـك جانـي


منقول

قصيده رائعه

مشكور على نقلها يا برقاوي

الله يعطيك العاااااااااااااااااافيه

رايعه يالبرقاوي مشـــــــــــــــــــــــــــــــكور

صح السانك والسان شاعرها

الله يعطيك العافيه
لاخلاولاعدم

الله يعافيك أخوي عبدالله والله لا يهينك على المرور

الله يسلمك أخوي ابن زعام ولاهنت على الرد والمرور

صح بدنك أخوي فواز وتسلم على المرور

صح لسانك أخوي برقاوي
وصح لسان قائلها

ودامك انتي ماعرفتي قدْر نفـسٍ لـك وفيّـه
ارحلي عنّي ترا يكفيني اللـي منـك جانـي

صح السانك اخوي برقاوي هواوي واختيار موفق يعطيك العافيه...

صح بدنك أخوي مخاوي النشامى

الله يعافيك أختي بنت الهواجر وصح بدنك

صح لسانك اخوي برقاوي هواوي


وصح لسان شاعرها


وبيض الله وجهك يا الغالي


على هذا الاختيار


تحياتي لك ،،،،

صــح بدنك وتسلم على المرور