هذه الطفله بنت من ياترى.....!
 

السلام عليكم ورحمة الله وبركاته



وأسعد الله صباحكم بكل خير






إعذروني عن الإنقطاع في الفتره الماضيه





وتقبلوا هذا النص للشاعر /محمد القثامي











[frame="1 80"]


يوم اسْألتني قالت من انت ومنيـن
دار الحديث وطال معهـا نقاشـي
وناظرت فيها نظرة العين للعيـن
واخفيت عنها حيرتي واندهاشـي
طفله بعد ماتمّمت عشـرة سْنيـن
منطوقها يروي الكبود العطاشـي
في وجهها بدرٍ جمع ورد مع تيـن
منور حـلاه ولاغشـاه الغباشـي
والشعر ليل ٍ لافترق صار ليليـن
مسترسل ٍ مابـان فيـه انكماشـي
والعين عين اللي كفخ بالجناحيـن
عين اشقر ٍ ماطاوع لكف لاشـي
قلت اسمعيني يـاورود الرياحيـن
أنا غريب ولاظلم الليـل ماشـي
أنا بدوي ٍ يعشـق البـل والظيـن
وبماكر اهل العز باسـط فراشـي
أسوق ركبي مع رجـال ٍ وفييـن
وانا لربعي مثـل فـي الغواشـي
في لازمي يابنت ماقلـت بعديـن
وبلازمـي يابنـت ياقـو جاشـي
ماني خوي اللي عن الحق غاوين
أهل الخنا واهل العلوم الهشاشـي
وان عذربوا فيني من القل واشين
ماجيت اساير كـل نمّـام واشـي
الفقر ماعذرب رجـالٍ عزيزيـن
لو يسكنون خيـام والا عشاشـي
والمال مايرفـع نفـوس الردييـن
لو مالهم يمـلا كبـار الخياشـي
قالت وفيت وقلت ابسألك ذلحيـن
منهم خوالك ؟ والا اقلك .. بلاشي
قالت بقول مثمـن العلـم تثميـن
خالي فـلان وعجلـت بارْتباشـي
قلت اكتفيـت وعقبهـا لاتقوليـن
على عيوني مثل حـوم الفراشـي
واقفيت مثل اللي غلط بالعناويـن
يبغـا يكحلهـا وصابـه طماشـي
واللي تبيّن لـي ولاحتـاج تبييـن
شي (ن)ٍ قديم وكنت عنه متحاشي
البنت هذي واظمن العلم تظميـن
بنت الهنوف اللي بها الفكر طاشي
اللـي أشبههـا بـورد البساتيـن
من عطرها الباهي يزيد انتعاشـي
واللي خطاويها على العرف والدين
واللي طرفهـا بالغـدر مايناشـي
واللي غلاها ساكن ٍ بين ضلعيـن
واللي بطاريهـا يزيـد ارتعاشـي
عنها حدوني جامعيـن الملاييـن
وانا خذلني فـي هواهـا معاشـي
قفّوبها عني ضحى يـوم الاثنيـن
وانا دموعي مثل وبل الرشاشـي
وحسبي على اللي فرقوا بين قلبين
حتى غشا قلبي من الهـم غاشـي



[/frame]







لكم كل التقدير

قصيدة متميزة...تحكي قصة من نسج الواقع....وكثير من هذه الامور تحدث لبعض الناس....
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ما كل ما يتمنى المرء يدركه= تجري الرياح بمالاتشتهي السفن[/poem]
صح لسان القائل والناقل وياهلاااااااا

[color=#0066FF][size=4]ولد العم سلمان الذيابي

مشكور ولاهنت على القصيدة الجزلة
صح لسانك ولسان قائلها

دمت بخير[/size][/color]

قصيده جميله اخي الغالي مشكور كل الشكر

كل الشكر


لك اخي


سلمان الذيابي

صح السانك والسان القثامي

تحياااااااااااااااااااااااااااااااتي

ابو سعد


هلا وغلا اخوي











شاكر لمرورك

حسام هوازن

الرعد

لكم كل الشكر

بإنارتكم لمتصفحي





لاعدمتكم

جراح العتيبي


الدلبحي




لاخلا ولاعدم اخواني










كل التقدير لكم

صح السانك والسان شاعرها

الله يعطيك العافيه ولاهنت

صح لسانك اخوي سلمان الذيابي


وصح لسان الشاعر محمد القثامي


وبيض الله وجهك

على هذا الاختيار


تحياتي لك ،،،،

تسلم ياسلمان على نقل هذه القصيدة الرائعه وصح السان شاعرها محمد القثامي
تحياتي