هــذي طبــوعي
 

قصيده اخرى من قصائد الشاعر وصل بن عطيان المقاطي ارجوا ان تعجبكم


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

هذي طبوعي كل ما عسعس الليل
أصلّـح الدلـة وأجـر اللحونـي
بريـةٍ موزونـة البـنّ والهـيـل
والماء بوزن وحيّ هاك الوزونـي
منهـا تكيّفنـي ثلاثـة فناجـيـل
وأرتاح ويطير النعس من عيونـي
وأراجع الذكرى وأجـرّ المواويـل
والذكريـات بكـلّ شكـلٍ ولونـي
البعض منها يشرح الصدر بالحيل
والبعض لا والله يجـدد طعونـي
وأرجع وأفكّر في الليال المقابيـل
لعل وقتـي مـا يخيّـب ظنونـي
وأدخل على الله من حياة الغرابيـل
حيث إن همّي ما تشيلـه متونـي
كنّك مفصّل فوقي الهـمّ تفصيـل
لين إلتبسني مثل لبـس الجنونـي
حالي كما حال القلوب المشاغيـل
اللي من أطرف شـيء يتأثّرونـي
لو يشتكون الغبن والجور والميـل
للغيظ وسط صدورهـم يكتمونـي
فكّرت الا الموضوع يحتاج تحليـل
وفنّ الدراسة واحـدٍ مـن فنونـي
عرفت وش عكّر مزاج المشاكيـل
يوم إنهم مـن وقتهـم يشتكونـي
أول سبب: نقالـة القـال والقيـل
الطغمة اللـي جعلهـم يذهبونـي
قلوبهـم بالحقـد سـودٍ مغاليـل
ومن طبعهم بالمشكلة يفرحونـي
وثاني سبب: ناسٍ على مثل ما قيل
لا يقطعـون الشّـر ولا ينفعونـي
والله ما يرفع ضغطك إلا المهابيـل
العالم اللي في النحـر ينشبونـي
وثالث سبب: ناسٍ سوات المخاييل
على سلوم الطّيب ما يحرصونـي
خلّو سلوم أجدادهم رغو مع سيـل
وفي عالم التقليد جو يركضونـي
طشّوا عمايمهم ولبسـوا بناطيـل
والموس فال أشنابهـم والدقونـي
وأرقابهم ما سلمت من السلاسيـل
تطبّعوا بطبـوع هيـم البطونـي
في ذمتي ماعـاد باقـي رياجيـل
إلا القليـل وجعلهـم يثبتـونـي
صفّة بعد صفّة وجيلٍ بعـد جيـل
كلٍ من اللي قبله أنقص وأدونـي
هذي هي الأسباب من دون تفصيل
شرحت روس أقلام بس أعذرونـي
واللي يبي تفصيل بالحيل بالحيـل
يقـدر يكلمنـي علـى تيلفونـي[/poem]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هذي طبوعي كل ما عسعس الليل =أصلّـح الدلـة وأجـر اللحونـي[/poem]
شكرا لك وهذا البيت من ارقى مافي القصيدة صح لسان القائل والناقل وياهلاااااااااا

والله ما يرفع ضغطك إلا المهابيل ###### العالم اللي فـي النحـر ينشبونـي


صح لسان وصل العطياني وسلم الناقل


مشكورة ما قصرتي

ذمتي ماعاد باقي رياجيل الا القليل وجعلهم يثبتوني


تسلمين على هالاختيار

مشكوره على نقل القصيده الرااااااائعه

الله يعطيكم العااااافيه

ابوسعد
طيب الفال
راكان
تسلمووون على المروور

تسلم اخ عبدالله ومشكور على المرور

صح لسان وصل العطياني وسلم الناقل

تحياااااااااااااااااااااااااااااااتي

هذي طبوعي كل ما عسعس الليل
أصلّـح الدلـة وأجـر اللحونـي
مشكوره على القصيده الرائعه
تحياتي
أمير المنتدى

الدلبحي
*
*وليد الزراقي

***الف شكر على المرور***

مشكوره اختي عتيبيه والفخر

على هذا الاختيار

وصح لسان الشاعر وصل المقاطي

تحياتي لك ،،،،

العفو اخ النايف
الف شكر عالمرووور 00

مشكوووووووووره اختي
دمتي بود