اول قصيدة من كتابتي وعن عتيبة
 

السلام عليكم ورحمه الله وبركاته
هذا اول مشاركة في المنتدى باسمي

اخواني لا اعلم كيف ابدي الكلام..
ولكن خير الكلام ما قل ودل..
والله العظيم اني كنت متردد في كتابة هذه الحروف والابيات كنت اتحاشى الدخول في هذا الموضوع لما فيه من لغواً زاد عن حده مع احترامي لجميع الموجودين ويعلم الله اني من مشاركتي الاولى في هذا المنتدى وانا احس اني بين اهلي واخواني وكل ما قرأت رد على مواضيعي وفــي اخر رد ابن عمك فلان الفلاني العتيبي اسعد كثيرا .
وهذه القصيده رداًُ على كل جاهل لا يعي ما يقول....
وشكراً


[poem=font="Simplified Arabic,6,white,bold,normal" bkcolor="transparent" bkimage="backgrounds/28.gif" border="none,4,gray" type=2 line=0 align=center use=ex num="0,black"]
ياجاهلٍ بالناس نعطيك تزويد=
تزويد في علمٍ يفك النشابه
حنا عتيبه ما علينا مناقيد=
سقم المعادي لابغاها طلابه
اعيال رجلٍ ما يبي منك تأكيد=
رجلٍ عتيبي من قبيلة عتابه
حرٍ حكيمٍ ورّد العز توريــد=
طيّب ولا سكّر عن الضيف بابه
يشهد لنا كل الرجال الصناديد=
احرار وعيال الذيابه ذيابه
ولا انت تشهد في كلام المياليد=
يالجاهل اللي ما حسبنا حسابه
ماهمنا في ما يقول الحواسيد=
الحر بيّن والذبابه ذبابه
وان كان تسمع ماحكى زيد واعبيد=
البعد ما يلغي صلاة القرابه
حنا عتيبه طايلين السواعيد=
حنا الذي تفخر بنا كل لابه
حنا الشجاعه والوفا والتقاليد=
حنا الكرم والجود حنا زهابه
حنا الجبال الشامخات الجلاميد=
حنا نجومٍ فوق هام السحابه
وانا ولد من هو يصون المواعيد=
انا عتيبي ما نفتني شبابه
انا كبيرٍ من كبار الحماميد=
شاعر وعالم في علوم الخطابه
اعير سمعي للذي يطري البيد=
ذكر البدو ولاّ بذكر الصحابه
وادري زماني فيه ناسٍ حواقيد=
وافعالهم تشبه لفعل العصابه
يوم الورق اصبح كبير الشواهيد=
يشهد لغيري بالاصل وانتسابه
ماماتوا اللي يعرفون الاجاويد=
حتى ولو كشّر لنا الوقت نابه
انخى بن ربيعان وانخى بن احميد=
اللي لهم بين الاوادم مهابه
شيوخ قومٍ شوفهم يجلب العيد=
نفخر بهم في سلم ولاّ حرابه
وجهٍ به المعروف مابه تجاعيد=
للقلب يجلي ضيقته واكتئابه
اشكي لهم حالي وكلي تناهيد=
والحر لايمكن يغيّر ثيابه
حطوا على وضعي من الضيق تقييد=
حرٍ ولكن ما وصلت السحابه
ودي اطير لشوفكم دون تحديد=
واشرح لكم جرحٍ يزيد التهابه
جرحٍ من ضروف الزمن دايم يزيد=
ونفسٍ يضيق ابها الفضا والرحابه
وقفاتكم فخرٍ وللجرح تضميد=
نخيتكم والقلب ينزف صوابــه[/poem]
الشاعر فهد مطلق المقاطي

حنا عتيبه طايلين السواعيد
***حنا الذي تفخر بنا كل لابه
حنا الشجاعه والوفا والتقاليد
***حنا الكرم والجود حنا زهابه

اخي مرات

صح السانك على القصيده الجزله

الله يعطيك العافيه ولاهنت

شكرا يامرات وابيات في محلها ونرحب بك عضوا في منتدى الهيلاااااااااا وان شاء الله تفيد وتستفيد وياهلاااااااااااااااااااااااااااااوسهلااااااااااااااااااااااااااااااااااااااااااااااااااااااااااا

صح السان الشاعر فهد مطلق المقاطي
تحياتي

صح السانك والله يحييك ونعم والله

تفتخر بعتيبه وحنا لنا الفخر فيك وفي قصيدتك

اسمح لي على التنسيق

تحياااااااااااااااااااااااااااااااااااااااااتي

[حنـا عتيبـه مـا علينـا مناقيـد
سقـم المعـادي لابغاهـا طـلابـه]


صح لسانك



دمت لعتيبه



بنت السلاطين

حنا الجبال الشامخـات الجلاميـد
حنا نجـومٍ فـوق هـام السحابـه



لاهنتى اختى سلطانه


(يــــــــــــــــــــــــــــــــــــــــــــا بــــــــنـــــــــــــــــــــــت الســـــــــــــــــــــــــــــــــــــلاطــــــــــــــــــــــــــــــــــــين)

ولك تحياتى

فــــــــــــهـــــــد نــــــــــــــجــــــــد

مرات شكرا لكن لدي ملاحظه وهي:

انا كبير من كبار الحماميد

وقولك الشاعر/فهد مطلق المقاطي؟

كيف الجمع بينهما


وانا اشهد بالله انها قصيده

لكن فيها رموز

اتمنى ايضاحها

حيه وحي ما جابه
صح السانك على القصيده الجزله

الله يعطيك العافيه ولاهنت
تحياتي

صح لسانك اخوي

الله يعطيك العاااااافيه على القصيده الرائعه

ياسيد فهد مطلق المقاطي



اعتقد مصخت السالفه



كل يوم تدخل بأسم جديد



انت ومن هم على شاكلتك



عسى ماشر وانا اخوك



تبي قصيد نعطيك ومانقول انه لنا


بس لاتسرقني عينك عينك



اتمنى من المشرفين الانتباه قليلا



هذي القصيده لي انا جراح مناحي الحمادي العتيبي


والدليل على ذلك قولي انا كبيرن من كبار الحماميد


ومن يعرف جراح الحمادي العتيبي


يعرف ان هذي القصيده لي


وقد قلتها او بمعنى اصح كتبتها


في موضوع

هذا الرابط
[url]http://www.otaiby.com/vb/showthread.php?t=5224[/url]

ياخي والله عيب للعم انا اقدر احذف الموضوع

بس ودي المشرفين والاعضاء ينتبهون وماينغشون بأي واحد


وانا متأكد ان هذا الاسم ماهوبسمك الصحيح

لانك لو كنت من هالحموله كما تزعم ماكانت هذي فعايلك


الله يصلح ويهديك

شكرا لك جراح والدليل انه الله هداه لم يرد ولا على اي عضو من الاعضاء وبعد ملاحظتك قراءت مقدمته فوجدتها هزيله لا تدل على شاعريه شاعر....السرقات في عالم الانترنت كثيره....ويمكنك رفع قضية عليه وخل العدالة تأخذ مجراها وياهلاااااااااااااااااااااااااااااااااا

صح لسانك اخوي مرات


وبيض الله وجهك يا الغالي


ولا تحرمنا من جديدك



تحياتي لك ،،،،،