:::.....::: الــمــرجــلــه :::.....:::
 

[size=4]السلام عليكم ورحمة الله وبركاته

هذه القصيده وجدتها في جريدة الجزيره في عددٍ قديم ... وكنت أسمع بالبيت الأول

ولم أكن أعرف من شاعر أو شاعرة هذه القصيده ...

وحبيت أنقلها لكم لتشاركوني الرآي فيها .... وهي للشاعره نوف بنت شطيط العتيبي ..



تقول نوف :

[poem=font="Simplified Arabic,4,black,normal,normal" bkcolor="transparent" bkimage="backgrounds/16.gif" border="double,4,black" type=0 line=0 align=center use=ex num="0,black"]
إذا المراجل لبسة شماغ وعقال=قل للعذارى يلبسن العمايم
ماعاد يفرق زول حرمه ورجال=دام الفعايل تشبه البعض دايم
المرجله ماهيب كلمه وتنقال=وتروح ماراحت هبوب النسايم
وإلا خشونة صوت أو رفع الأثقال=أو رزة صدور وفعل الزلايم
ولاهي بعد مفتاح موتر وجوال=وإلا ردي لسانٍ حديثه شتايم
المرجله شيمه عن القيل والقال=رفيع نفسٍ حر بالجو حايم
المرجله عقل وزن وزنه جبال=ودون العقل وش فرقنا والبهايم
يامسندي لو مايل الوقت بي مال=ياولد أبويه ياعظيم العزايم
يامعرب الجدين من العم والخال=يانخوة المفزوع وقت الهزايم
المرجله ياخوي هي طولة البال=هي العزم هي الصبر فالظلايم
فيها الكرم عزه دله وفنجال=فيها الكرامه عن ردى الطبع شايم
والدين لامنّه خذا القلب منزال=مشى طريق الحق وإبليس نايم
ومن لاعرف به في طيب الحال=لابد وقت الضيق بالهم هايم
حتى صلاتك مع جماعات ورجال=في خيرها ياخوي نعم الغنايم
ولامن نصف ليلك قم صفِي البال=ياعظم أجرك بين ساجد وقايم
ولامن رفع ربي له كل الأعمال=حسن الذكر لاقالوا فلان صايم
وخلك شريف القصد ياطيب الفال=سوء المقاصد في البيوت الهدايم
وإحذر تبيع النفس في درب الأنذال=وتتبع خوي إبليس راع النمايم
النفس خيلٍ لك إن كنت خيال=ومن لاقوى نفسه قوته الهزايم
ولاصرت ماتدري لوش أنت رجال=والله خساره فيك ذبح التمايم[/poem]


أتمنى أنّ تكون قد نالت إستحسانكم



تحيات الغريب[/size]

صح السان الشاعره بنت شطيط

ولاهنت يالغريب وتسلم يمينك يالقرم

اختياار ولا اروع

الى الامام دائماا

دمت كما تحب

صح لسانها ان كان هي حيه و لاهنت يالغريب

ما تجيب الا الطيب يالطيب ...وعندي سؤال وش قدم العدد؟؟؟؟

اختيار موفق وبصراحة تجسيد فعلي للمراجل

راس حربه


شرفني مرورك يالغالي


وياهلا بك

ولا أنت يالحصان


وأسعدني مرورك يالغالي

ابو سعد


هــــــلا بك .. وشهاده أعتز بها وخصوصاً أنها منك ..

لم أفهم مغزى السؤال يابو سعد


لكن أضن ان المصدر يكفي

لأن اللي موجود عندي قصاصه منها ولايوجد بها تاريخ أو رقم العدد


وياهلا بك وبمرورك

ضاري


شرفني مرورك يابن العم

يعطيك العافيه يالغريب

صحيح راع الطيب كل فعوله طيبه ولو سكت

اخوك/ غريق

مشاركه
 

إبداع متناهي ومفردات روعه

دائما متميز في الاختيار لاهنت الغريب



تحياتي لك

شكرا لك يالغريب وهذه من المشكلات الكبار عند رصد المعلومة فكثير من الكتاب لايهتمون بتاريخ ولابعدد...وعندما اشرت بارك الله فيك قلت انه قديم..ومسألة القديم مختلف فيها هل هي ايام شهور او سنين..عموما لك التحية على ايراد القصيدة

[color=#9999CC][size=5]
المرجله شيمه عن القيـل والقـال ** رفيع نفـسٍ حـر بالجـو حايـم


صح لسان الشاعرة.


وتسلم يا الغريب على ها الابيات[/size][/color].

قصيده رائعه جدا صح لسان الشاعره

مشكور وما قصرت يالغريب

صح لسانك يالغريب ولسانها

ولا هنت على النقل

تحياتي

غريق ماضي


هــــلا بك ياشاعرنا

وأيضاً الطيب ماتسمع منه إلا الكلمه الطيبه مثلك ...

شاكر لك المرور ياغالي

نــــــوف

الذي ميز المشاركه هو مرورك ..

هــــــلا بك أختي وبمرورك ....

هــــــلا بك أخي ابوسعد

أنا معك في ماتفضلت .. وصدقني لو كان رقم او تاريخ العدد

موجود عندي لما تأخرت به لكن كل اللي موجود قصاصه منها ..

ولو لم يكن شعار الجزيره موجود في الخلف لما عرفت أنها

جريدة الجزيره ...

أختي بنت عتيبه


ياهــــــلا بك وبمرورك الذي أضاء هذه الصفحه

عاشق نجد

العفو أخوي

وشاكر لك مرورك الكريم

ولا أنت يابوفيصل

وصح بدنك يالغالي


وشاكرلك مرورك الكريم

[align=center]تسلم يمينك على النقله والاختيار اللي في محله
يعطيك العافيه اخوي الغريب[/align]

صح لسان الشاعره
وتسلم يمينك على هالنقل الحلوووو

بيض الله وجهك يا الغريب


على هذه الاختيار


تحياتي لك ،،،،

مشكور يالغريب على حسن الاختيار
تحياتي

[size=4] محمد البرقاوي

الله يعافيك أخوي

وشاكر لك مرورك الكريم[/size]

[size=4] أبو نايف

ويمينك أخوي

وشاكر لك مرورك الكريم [/size]

[size=4] النايف

ووجهك أبيض

وشاكر لك مرورك الكريم[/size]

[size=4] بن ثعلي

العفو أخوي

وشاكر لك مرورك الكريم[/size]

لاهنت على نقلها يالغريب

ولاأنت ياطالع

ونورت الصفحه بمرورك يالغالي

صح لسانك والسان شاعرتها
وعزالله انك عرفت تختار
وبيض الله وجهك على النقل
اخوك الصغير خالد

صح بدنك ياخالد

ووجهك أبيض

وشاكر لك إضاءة هذه الصفحه بمرورك الكريم