لغز لاشلت عينه حله ابن ثعلي
 

...السلام عليكم..،،..وبسم الله نبدأ...

انشدك عن رجال ،، لاشلت عينه
ما بحت به ،،،، لمبيِّحين الكنيني

حالن يحول بحال ،،، بيني وبينه
مثل الحجاز اللي ثبت من سنيني

لكن انا المقصود،، ما شفت شينه
هو غايتي،،ومشاهد أحباب عيني

يابو فيصل رمعته بالكشاف واختفت الرمعه؟ ماادري انت حذفتها

هلا بابوعبدالرحمن. الرمعه ماصابت

ابداً ماشفت على اللغز مشاركه..
لكن اللي حصل تكرر اللغز بالخطأ تقنياَّ وحذفته كلياً

طيب ما شفت شينه ويش تعني هو شين والا ماهو شين؟ وهل العين الحرف الاوسط الكلمه؟

عندي رمعة يابو فيصل ويش رايك في الحوظ اذا شلت الواو صار حظ والحظ ماينباح به وهو يغير من حال الى حال

[quote=إبن ثعلي;1269158]طيب ما شفت شينه ويش تعني هو شين والا ماهو شين؟ وهل العين الحرف الاوسط الكلمه؟[/quote]
عينه في وسطه ولا هو شين .
اي استفسار آخر ؟ ☺

[quote=إبن ثعلي;1269159]عندي رمعة يابو فيصل ويش رايك في الحوظ اذا شلت الواو صار حظ والحظ ماينباح به وهو يغير من حال الى حال[/quote]

مالك لوا


.

وعليكم السلام

صح لسانك ياصاحب الألغاز الجميله
الله العالم انه السفر وممكن الشعر( القصيد )وممكن ولا وحده
هههههههههه

اهلا وحياك الله عهود مشكوره
يؤسفنا ولا وحده 🙄

ويش رايك يابو فيصل في السفر اذا شلت العين يكون سر ماينباح به والسفر ماهو شين وتشوف احباب عينك اذا سافرت لهم

[quote=إبن ثعلي;1269169]ويش رايك يابو فيصل في السفر اذا شلت العين يكون سر ماينباح به والسفر ماهو شين وتشوف احباب عينك اذا سافرت لهم[/quote]
رمعه مسبوقه ولكن
مالكم لوا

من اللي سبقني؟

[quote=عهود;1269162]وعليكم السلام

صح لسانك ياصاحب الألغاز الجميله
الله العالم انه السفر وممكن الشعر( القصيد )وممكن ولا وحده
هههههههههه[/quote]

رمعة عهود يابوعبدالرحمن والرمعه بعيده

ههههه والله ما شفتها لكن الرمعه جيده والا لا؟

رمعه جديده يابو فيصل ويش رايك في النظر نظر اذا شلت عينه بصبح نر يعني هروب والهروب ما ينتبيح به والنظر هو اللي تشاهد به احباب عينك

نر .. مالك لواا هههه
اللي في عين المطلوب كذلك حرف عين

مادام يابو فيصل وضحت ان عينه هي حرف العين فهو سعد اذا شلت العين صار سد بمعنى سر ما بنباح به وفي حال ثاني سد فاصل وطبعاً السعد بمعنى الفرح والإبتهاج هو غاية كل شخص

صح فكرك لاهنت نعم سعد وشرحك وافي 👍

ترددت واجد أقول الحل الصحيح سعد ..
الله يسعدكم يا اخواني

👏👏👏👏👏
ماشاء الله عليك يا ابن ثعلي تستاهل