مبروك على السيدات سوف يسوقوا سياراتهم
 

ينقاش اليوم مجلس الشورى المؤقر مشروع نظام سواقة المرئة في المملكة وظوابطه القانونية والتشريعية .. واشناء الله سوف يسمح لهم بالسواقة قريبا لانه ليس هناك اي نص ديني يمنع الحريم من سواقة السيارة ... وفقهم الله واعانهم على الانتصار على التخلف الاجتماعي ..

وش تخلفه يالسعار ..

الحرمه لاساقت مشكله صدقني بتكثر البلاوي ..

لا الله لايقوله ..

كذا احنا مرتاحين ..

بعدين تروحبلحالها لاماكن بعيده ويحجرون عليها شباب ..

مو زين مو زين ابد ..

ولو وافقوا انا بقعد مانيب متعلمه عاد تخيلوا شكل الحرمه وهي تسوق ..

يلعن نكته من جد نكته ..

لا يالسعار السوااقه شينه ..

ما عليها ليا طقت البرقع المرتوب وصارت عيونها وراء الدركسون مثل عيون الشيهانه
تحياتي

بصراحة انا ودي ان كل الحريم يسوقون لانهم بكل بساطة بشر مثلهم مثل الرجال .. والفاسد فاسد سواء من الرجال او من النساء .. ومن التخلف أن المرأة تستخدم الرجل كعبد عندها أو سائق تمشيه على كيفها .. هذا هو قمة التخلف يجب أن المرأة تدير شئونها بنفسها وتترك التواكل على الرجل الذي يعتبرها نصف انسان .. اما المرأة اللي تبي تعطي الشباب فرصة طبعا سوف يوذونها وهي السبب.. اما المرأة المتزنه فلن يتعرض لها الا مجنون .. وشوفوا بنات البدو في الخليان يسوقون ولا احد تعرض لهم .. هل المدينة اقل امان من البرية؟؟ لمذا نراء الاشياء بالمقلوب؟.. واللي ماتبي تسوق فلا أحد يجبرها على ذلك.. وهي حرة ولكن الحكم على الجميع اعتقد ان فيه ظلم.

مشكور يابن ثعلي على المداخلة الجميلة.

لاحول ولا قوة الا بالله

يالسعار عليك ان تاخذ الامور بالقياس ياخوي هذي فتنه وانا استغرب من اعضاء مجلس الشورى مناقشه مثل هذه المواضيع اذا كان هؤلاء الكبار يناقشون فتنه صريحه قل على الدنيا السلام

الله لايجيب اليوم اللي يسوقون فيه

آمين ياعيد الجماعه كلامك هو عين الصواب

يعجبني تفكيرك اخوي عيد

ماهو العيب في سياقة المرأة
العيب في السايق الأن وهو المحرم شرعاً حيث يعتبر خلوة شرعية
وألا الهندي ماهو زي الرجال
سبحان الله نحن شعباً نهول الامور وناخذ الجانب السلبي قبل الأيجابي
العلم الي يجمد على الشنب القرااااااااااااااار صااااااااااااادر ويبقى موافقة مجلس الوزراء
مع تحيات الساحر

اصلا الرجال اذا ايد هذا الشي ..

معناته يتنصل من المسؤليه بدليل كلامك ..

[quote].. ومن التخلف أن المرأة تستخدم الرجل كعبد عندها أو سائق تمشيه على كيفها .. هذا هو قمة التخلف يجب أن المرأة تدير شئونها بنفسها وتترك التواكل على الرجل الذي يعتبرها نصف انسان .. [/quote]

طيب هذا هو دور الرجل .. واكثر الرجال الحين مخلين كل شي على الحرمه يعني هو رجال بالاسم .. ولعلمك ما فيه رجال يودي حرمته هالايام الله يخلي السواقين يعني لا تخاف محد قايل لك يا سواق ..

وبعدين كلمة عبد هذي مو مناسبه واذا الولد او الزوج كان مسؤول عن حرمته ما يكون عبد لها ابد ..

ومدام هذا تفكيرك .. اجل الحرمه بعد ميب عبده عندك تسوي لك الغدا وتغسل ملابسك ولا حتى تجيب لك عيال سو هالامور كلها بنفسك لأنه راح زمن التخلف اللي فيه الحرمه تسوي كل شي يجب أن الرجل يدير شئونه بنفسه ويترك التواكل على المرأه التي تعتبره سندها ..

اذا كان هالشي يعجبك ..

طيب خذ العلم اللي يجمد على الشارب يالساحر انت والسعار


لن يناقش هذا الامر في مجلس الشورى

وهذا هو املنا في ولاة الامور

فلا تكثرون من بلبلتكم

وهذه الامور حلها وعقدها عند اولاة الامر