منتديات عتيبه - { أبــــــــن الــــبـــــدو }

[poem=font="Simplified Arabic,5,black,bold,normal" bkcolor="transparent" bkimage="../backgrounds/17.gif" border="groove,4,gray" type=0 line=0 align=center use=ex num="0,black"]

={ أبــــــــن الــــبـــــدو }
انا الليله حزين وضايقٍ صدري ولادري ليـه = اشوف الحزن قدامي واشوف الهـم يبرالـي
سرى ليلي وانا سهران واشيل القلم والقيـه = اطشه لاعجز يكتـب هواجيـسٍ علـى بالـي
هواجيسي تلف الكون من قاصيـه لاقاصيـه = وانا في مجلسي مابين ضـو النـار وادلالـي
دلالي راس مالـي لاريـال ولاكنـزت جنيـه = ابديها على حاجات نفسي وارخـص الغالـي
ولاجيت اتصنـع والتصنـع خاسـرٍ راعيـه = ورثت الطيب من جدي وابوي وعمي وخالـي
يقر لنـا الكريـم وكـل حـرٍ صـادقٍ نزيـه = ويجحدنا الجبـان المستهـان وكـل محتالـي
انا ابن البدو بيت السدو كنت ابنيه واسكن فيه = احب المنزل الخالي واحـب المرقـب العالـي
ومنازلنـا البيـان ولا نزلنـا منـزلٍ نخفيـه = وارباع بيوتنا يوم القسى للضيـف مدهالـي
نجوب الارض طول وعرض براق الحيا نتليه = لجل عرب البكار اللي يسلي شوفهـا الجالـي
لنا التاريخ معها ناصعٍ مـا يقبـل التشويـه = حميناها بحـد السيـف يـوم الـدم شلالـي
وعجزنا عن علفها يوم جات وجيه دون وجيه = صدفنـا مـا صدفنـا فالليالـي والله الوالـي
وخذوها اهل الفلوس ولابقي شياً بها نرجيـه = ماغير نشوفهـا بعيوننـا مـا عـاد نحتالـي
كلامٍ يحزن ابطال الرجـال ويضحـك السفيـه = وعادات السفيه يقول وليـا قـال مـا طالـي
وسيع الصدر نا قص قدر يضحك والغبا معميه = لوأنك قلت له (ياهم الالـي) قـال يـا لالـي
اسالك يا كريمٍ من طلب منـه الفـرج ينجيـه = تجير القلب من جور الهموم الي برت حالـي
عيوني تسهر الّيل الطويل ولا قدرت اسريـه = وكـم دربٍ ليامنـي نويتـه مــا تهيـالـي
تقيدنـا لوازمنـا مثـل مـن قيـدوا رجليـه = قيادٍ من حديد ومـن وراه ابـواب واقفالـي
وليا ضاعت مراميع الحكيـم وفطنـة النبيـه = نزحت بهاجسي وامسيت في جو الخلا الخالي
واسج مع الكـلام الـي يكمـل بينـه خافيـه = على الميزان ما ينقص عن المطلوب مثقالـي
ولا والله كتبت الشعر حتـى يمدحـه قاريـه = ولاهاجمـت نقـادي ولاطاوعـت عـذالـي
ولادقيت باب الشهرة اللي مـا ربـح ناصيـه = ولاجيتـه ولاتعبـت لـه خطـي ومرسالـي
لقيت من الشدايد مالقىغيـري مـن الترفيـه = شباب بعقل شايب مدركٍ فـي كـل الاحوالـي
ارافق كل طيـب والـردي لامرنـي طاريـه = طلبـت الله يباعـد بيـن منزالـه ومنزالـي
يطول الشرح في بعض العلوم واما بديت انهيه = بذكر اللي فلق بحره لموسى واغـرق التالـي

=مــحـــمـــد الــســمــيــري

[/poem]