جـبـت الـذيـب من ذيـلـة ( معانقة بعد غياب )
 

[font=Verdana][color=#990099][size=4][align=center]أخواني الكرام

عودة بعد غياب .. ولكن هذه المرّة

I come with a new poem

anyway it called

( وجبت الذيب من ذيله )


[poem=font="Simplified Arabic,6,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صباح الخير يا مزعل هواي بكلمته بالحيل=صباحٍ يستميح العذر من باقي غرابيله

يقول الحب ما يحتاج يا راعي الهوى تاويل=يبان فنظرة العاشق و يشرح لك تفاصيله

صباح الشوق والآهات و الزفرات و الترتيل=مزج كل التناقض و العواطف في مواويله

ترى ما أفسدك يابو رمش غير الشعر و التدليل=و أنا مغنيني الله عن هواك اللي تنادي له

عدا ذلك تحرس سهيل لين الله يجيب السيل=ربيع العمر عقب الوسم ما تمطر هماليله

نويت أبعد علشانك و أبدّل عالمي تبديل=و أتوب من الهوى توبة شجيع ٍ شاف تنكيله

أبصحى من صباح الله و أبسهر لين نصّ الليل=و أسلّم "عقلي" الراية و أصفّق له و أغني له

و أعيش اليوم حرية خفوقٍ ما بقا له حيل=صمد مثل الجبل لكن ما أحد فالناس ياويله

إذا كلمه و هي" كلمه" تلافاها تقول بخيل=وش اللي تعتقد برجيه من حبك و تحصيله

تحرّفها عن المعنى سواة محرّف الإنجيل=و أنا أجهل وش ورا هالفعل وش سرّه و تعليله

عموماً وفّر دموعك و خلّ اللعب و التمثيل=هذا اللي تزرعه بيديك شف هذي محاصيله

و إذا الدعوة حكاية دمعتين بحرقة و منديل=ترى "شارون" يومه صاح ، قلت : الله يا حليله

يكون الوقت غير الوقت و الدّكة بشط النيل=و قلبي منّسدح مبسوط مع بشكة مهابيله

أفكّر بعدها فـعنيك و الإجراء و التعديل=و ابقرأ عذرك و رغبتك في كفّي و تقبيله

أبـ ابدأ من طريقٍ ما يبي له بالحكي تطويل=تعال و قلّ وش عندك إذا باقي معك حيله

و أبزعم والله العالم بأنّي مفرد بهالجيل=و بأنّي صرت وش ودّي ، و جبت الذيب من ذيله[/poem]

أخوكم

جمال الناصر العبيريد

الرياض
14 - 7 - 1427 هـ[/align][/size][/color][/font]

صح لسانك يا العربيد على هذه القصيده الرائعه والمميزه

تنقل الى قسم قصائد الاعضاء

صح لسانك


قصيده في غاية الروعه



اتمنى ان تستمر معنا



سلمت اخي الكريم

صح السان ياجمال ومشكور على اتحافنا بهذه القصيدة الجميله
تحياتي

جمال

صح لسانك

وسلم بنانك

قصيده

طيبه من طيب

تحيتي

صح لسانك ياجمال

على القصيده الرائعه

إحترامي

العبيريد
صح لسانك وبيض الله وجهك على القصيدة

[color=#990099][font=Verdana][size=4][align=center]مخاوي النشامى
ابن مسلم
عبدالله المرشدي
بن ثعلي
جراح العتيبي
عبد الله الحافي


مشكورين يا غالين .. و صح بدنكم

و لا عدمنا تواجدكم معنا ..

و اتمنى ان اكون عند حسن ظن الجميع في منتديات قبيلتي الحبيبة

اخوكم

جمال العبيريد [/align][/size][/font][/color]

اخوي/جمال العبيريد

صح الله لسانك والقصيده أكثرأكثرأكثر من رائعه
ومن اجمل القصائد اللي قريتها
الله يعطيك العافيه ولا تحرمنا من مشاركاتك وخاصة القصائد
اختكم شيهانه

[size=5][color=#FF0000]صح لسانك اخوي الغالي جمال ناصر بن عبيريد

وبيض الله وجهك يا الغالي

على هذه القصيده الرائعه

ولا تحرمنا من جديدك يا الغالي

تحياتي لك ،،،،[/color][/size]