لغزن لكم يا هلي حلُّوه ،،
رجال بالعرف معروفي ،،

أصحابه اللي مضو ملوه
خلوه فالجال مرصوفي

بالعرف والمعرفه دلَّوه ،،
يِعرف بوجهه وموصوفي ،،

السلام عليكم ورحمة الله وبركاته

اللغز في معناه حسي وملموس
بنتٍ تعارك بنت من مشكلتها

لامن تلاقَن صار في وضعهن حوس
جاها شقاها والشقا بحركتها

لكن بلاها اللي بلا درع ولْبُوس
شنَّت عليها معركه واتركتها

رغمٍ لها تأثير حسي ومحسوس
أم المعارك ماتْشابه معركتها

✋🏻

أنشدك عن ثنتين مامثلهن زين ،،
يقوله اللي طاغي الحسن مطغيه ..

فيهن تباهَاَ بكلمةٍ ردها شين ،،
وماطاش طيش ألا وشانت تواليه ،،

اثنين لاصكَّو بشيِّن حسبته ،،
شيٍّ تبسم وانرسم ببتسامتك ،،

نفس الشبه في موضعن ما حجبته ،،
يلفت نظرك لْشي وانت وفهامتك ،،

ان جاد به عرفك تراني كتبته ،،
واللغز حسب العرف تم وسلامتك ،

اللغز فيه المثل قد راح مضمونها
وين اللي عنده على زين المثايل شغف

بنتن فنا سرها مع موت مأمونها
تسببت له بعد ما جاد بعرف وشرف

أنشدك عن رجَّال قبل يتوارا
مكتوب من رجلين غير البناتي

رجلن يمين ورجل مثله يسارا
من بينهم بنتين متشابهاتي

رجلن بالأربع من حروفه يسما ..
وأخ العرب نصه طلع عندنا حرف ..

حرفين جات بكامل اسمه وتما ..
ياعارفين اسمه على النحو والصرف ..

ياويش بنتن فالبلد جالها اختين
تاجد لهن بالدار رسم ومقري

تفوقت بالزين لو مااسمها بزين
هات اسمها من غير بحث وتحري

ويش الذي يشتال شيٍّ مايشال
لاكن على كبره يشيل الفاخره

لاشلت راسه صار وصفن له يقال
أوسط حروفه حرف يشابه آخره

ياويش عذرن واضحه مابها دس
يحسب لها الرجَّال رغم الكلافه

يعرف مداها وين ويعسها عس
ويشوفها بالدرب ماهي خلافه

يشوفها قدام عينه بها مس
مس وقرينن لاقترن فيه آفه

لغزن تساوَا عندي معناه ومبناه
عن شيخةالزينات في مستواها

لو مبتداها موت محدن تمناه
تلقى حياة الخلق في منتهاها

بنتن لها مع ناس رابط عقيده
عقيدتن ترمز لأهلها وعدها

حرصن على الميعاد وقت الوعيده
لارافقت شخصن وهو معتقدها

من ماضي الأيام ماهي جديده
واليوم راحت ماحدن يعتمدها

لغزي سرى بمقربات البعايد
سهلن على فكّاك صعب الشرابيك

أربع على أربعه رجالن ضدايد
هذا وذيك أضداد مع ذا وهاذيك

شغلاتهم لجل اللي وقت الشدايد
وَردوا عليها إفزوع مدري مداريك

سبعن لهن بالوقت شنه ورنه
جملة بناتن قالهن ذايع الصيت

راح بذبيل إكحيل تالي مغنه
تنعاه بصروف الليالي نواعيت

هن من تسببن له يوم اذبحنه
وعلومهن عند الرجال االنعاتيت

انشدك عن رجال كلن يهابه
والناس من سطوات باسه تروده

ترتيبه الثالث ومعنى جوابه
ناسن على قل الحلول محدوده

ياويش رجلن بين الأجواد رايج
لا حل في صبحك و لافالمسا حل

له بالثلاث حروف وصف وبهايج
أوسط حروفه بحر من دون ساحل

انشدك عن بنتن تجيب الصمرقع
خلت شجيع القوم يخشى مجيها

مخفيةٍ من غير غطوه وبرقع
لاشلت منها الراس، يقضي عليها

[QUOTE=وطن بلا مخالف;47504816]

الطير في جو السماء كفاخ
يكفخ وغيره بالذرى ممسي

لاكن من حط الحمول وناخ
يطيح حمله والتعب منسي

[/QUOTE]

[QUOTE=ألراقي;47505079]
لو شوّلتً فالذيل أظنه فاخ
عامين لو هي تصفق الخمسي

وشعيل مايذكر مع المايباخ
بين الزمان اليوم والأمسيً[/QUOTE]

[QUOTE=وطن بلا مخالف;47505139]
أظنها تِكوى بعشر اصياخ
من ماتحسه ماتبي لمسي

ماينذكر عشبٍٍ نبَت بصباخ
ولاعاد توحي للقطا رمسي

:[/QUOTE]

[QUOTE=ألراقي;47505311]
قبل القضيه لا تصير أفخاخ
وتكدر أهل الخاطر العمسي

والطبخه اللي في يد الطباخ
ماتنحرق لو تنحمس حمسي
[/QUOTE]

[QUOTE=وطن بلا مخالف;47505394]

للصدر اِعلاج وعندنا بخاخ
وان ضاق صدرك عندنا ونسي

لن ماحطيت السمن ماش إفراخ
منتب من ناس اِخشومها فنسي

[/QUOTE]

[QUOTE=ألراقي;47505429]

كوره ولا تحتاج للمنفاخ
ولا كل من يلعب مثل مسي

طاروق لأنه شاب قافه شاخ
لو الحقيقه طمسها طمسي

[/QUOTE]
[QUOTE=وطن بلا مخالف;47505462]
ياشيخ مابالروس صمخ اصماخ
ومصامخ ن. بالروس والكرسي

لو تنشد الأفغاني... قال إرتاخ
سِفْن البحر وسط البحر ترسي

[/QUOTE]

....................

لغزي الليله مثل ريح العبير
أوله ماني معلمكم انا

نصفه الثاني ترى جمعٍ غفير
من عرف حله يا عله بالهنا

ويش اللي لامن حل بالوقت مرصود
يردع خطاة اللي براسه شقايق

يضرب على الكايد ويضرب على الكود
ويبعد خطاة النذل عنك بدقايق

بنتٍ فقدها ورع ما جاوز الحلم
غابت عن الساحه وعن كل دوله

ما يفتقدها غير من يطلب العلم
في كل يوم وصبح يشعب ذلوله

يـاويـش رجـــلً عـانـــق الـشـمّـخ الـنـيـب
الْيا ســــرى فـي ليـْـل يضـــوي ســراجــه

سلّيـت سيفـي وأفنـا روس المحـــاديب
وهجــد بـ لــيـــلٍ مــثــل صــبــح انـبـلاجه

[QUOTE=ألراقي;47502014]
ياصاحبي لا تحسب السوق
للناس مكشوفه أوراقه

والشاوي اللي شرى له نوق
مايعرف الذود والناقه
[/QUOTE]

[QUOTE=وطن بلا مخالف;47502141]
ياصاحب المنصب المرموق
لا تحجب السوق ورواقه

البل على ورثنا المعشوق
من بيننا ود واعلاقه

[/QUOTE]

[QUOTE=ألراقي;47502156]
خل النظر ياصحيبي فوق
وخذ لك من الورد لو باقه

ولا عندنا شك فالمنطوق
ولا تقفل الباب والطاقه[/QUOTE]

[QUOTE=وطن بلا مخالف;47502222]
ماعن نظرنا كلام يروق
غير اللي يشري بلا فاقه

وأمهات التجزئه والبوق
اخذن من الخير وأرزاقه

[/QUOTE]

[QUOTE=ألراقي;47502240]
أعرفك فارس رفيع الذوق
الخير من نظرة أحداقه

لاتحسب ان الرجل مشنوق
وشهاب ساقط على ساقه
[/QUOTE]

[QUOTE=وطن بلا مخالف;47502304]
السوق لاطوَّقوْبه طوْق
أنصحك ياصاح بإغلاقه

اخاف موترك وانت تسوق
عند المطب يطلع إرباقه

:[/QUOTE]



[QUOTE=ألراقي;47502318]
مؤشره داخل الصندوق
والنور واضح بمشراقه

صاحبك ماهو ترى مطفوق
بالعز واقف على ساقه[/QUOTE]

[QUOTE=وطن بلا مخالف;47502334]
مؤشره يطرقه طاروق
بالمطرقه كثرت أفلاقه

والفقع في جانب الرقروق
ما يحتري غير نتاقه

[/QUOTE]


.................

رجَّال يفرض احترامه وجوده
وليا احترمته ياجب إنك تنبَّه

اللي درابه زين يلزم حدوده
واللي تمادا شاله فوق وضرب به

لغزي قبل يْباع ،، والاَّ ينشرى
بالمثل له حل وأقوال وفنون

ويش بنتٍِ معها بالزاد إخشرى
وإخشراها ، كلٌهن ملْياَ البطون

بنت ،، لا خلفه ولاهي بِعشرى
للصغار اللي توالِيها ،، حنون

[QUOTE=وطن بلا مخالف;47494032]

باحطلي صندوق والبنك صندوق
حتى تشوف احسن أدائه وأدائي

اما غلبناهم وجاك الذهب، حوْق
والاَّ فرضنا فيه حكم ن. جزائي

:[/QUOTE]

[QUOTE=ألراقي;47494332]
شفناك قبل شهور تشكي من السوق
وتقول مالي راح عند الكسائي

ولا كل مطرود ترى اليوم ملحوق
روَّح زمن ماجد وعلْي ابن دائي[/QUOTE]

[QUOTE=وطن بلا مخالف;47494607]
أزهم وانادي يوم أحذِّرك من فوق
ألو.. ألو.. ما عاد تسمع ندائي

والحين مافالقلب ياصاحبي شوق
العله في دواي ماهوب دائي

.[/QUOTE]

[QUOTE=ألراقي;47494672]

الحمدلله أخذ الربح مطبوق
مادام رب الكون حقق رجائي

ياللي لبست الثوب والبشت مشقوق
حتى لو إني قلت كاتب روائي[/QUOTE]

[QUOTE=وطن بلا مخالف;47494774]
الله على اللي تأخذه وانت مرزوق
والرزق ياتي وانت منتب فدائي

أخشى عليك يجيك صكات وفلوق
تصبح صويب وشاشكم من رِدائي

[/QUOTE]

[QUOTE=ألراقي;47494809]
مادمت متعود على كل زاروق
سهم ن يصل منا ومرسل فضائي

لا تخاف لو الباب مدرك ومغلوق
أصبر على الصكات لا تصير نائي[/QUOTE]

[QUOTE=وطن بلا مخالف;47494848]
من لايشوف الأرض وديان وعروق
ما شاف بالثلثين يابس ومائي

ومن لا تعلم واقتطف كل زملوق
يرجع يشوف الدرس صف ابتدائي

:[/QUOTE]

[QUOTE=ألراقي;47494933]
الدرس واضح مايبي شرح مخلوق
تسجيل ماهو بث حي وهوائي

وصواع يوسف لو لقيناه مسروق
اللي بخرج شعيل ماهو وعائي
[/QUOTE]

[QUOTE=وطن بلا مخالف;47495004]

الأرض فيها من مطباتها عوق
وبه مطب ن. ماتشوفه هوائي

العلم بالطباخ والطبخ مسلوق
مير احتساكم وانت تعرف حسائي

.[/QUOTE]

[QUOTE=ألراقي;47495060]
شهاب مع دوجي ورجال مشنوق
ياصاحبي من بعد شمعة فدائي

واللي طبخ للسم لابده يذوق
حتى لو إنه حي ماهو حيائي[/QUOTE]
.............

ياويش رجلٍ عاش ميّت وهو حي
ميّـت وهــو مــازال حــي وتـوفّـا

وقـتٍ مضـى مـرٍّ يسـنّـد وينْـحـي
ويشيل حتفـه فـوق كتفـه وشلْفـا

لاغافـيً بالنـوم واقــول يصـحـي
والمـوت مايخشـاه لـو قيـل قـفّـا

لغزن بنيته، بنية الدار بالطوب
أدراه وأحصن معانيه تحصين

على لسان الطفل ويردده نوب
تلقاه وسط اللغز وقريِّب العين

انشدك عن رجلن مقدر ومحشوم
بنته معه ومجمله من جماله

ميقافها في جنب ابوها ومعلوم
لولاها ما يعرف لأبوها دلاله

ويش الذي بالوقت دايم تباطاه
وليا تحريته يزيد إحتدامه

أحيان في ممشاه تبرك مطاياه
وأحيان في ممشاه مثل الحمامه

رجلن طاويته سنينه ، وإنتها
من بعد ماصار في تاليه ضي

ما سبق ،، ضيٍّ توارا ، وقتها
غير ذكر الطيبين ، وكل حي

يااهل التداول ويش بنتٍِ تحاول
تاصل بلاد الهند والسند والفرس

مزيونتن .. محدن عليها تطاول
كم عذبت عشاقهاكم خذو درس

الاسم .. لو شلْت أوله بالتداول
يبقا سِمِي اللي يجوب الخلا شرس

ويش ورع ن. بطنه وراسه كبير
دق ساقه... مثل عود الخيزران

يشرب الماءشِرب رغم انه صغير
قدر ما يِسقى وتروى العيطشان

انا بنشدك عن ورعٍ صغيرٍ في شمال الدار
يوَصِّلْك المكان اللي تودِّه لو تصاغرته

لكن لامن طلبته مرتين يوصِّلِك لديار
ديارن من ورى سبع الجزاير لو تحاقرته

انشدك عن رجلين حابل ونابل
ماعندهم في بعض ود وتفاهم

كلن على الثاني يحط المحابل
كثر المقالب والحيَل من عناهم

وليا لفوا تركد حساس البلابل
ترتاح ويكْفونك مِقابَل وِذاهم

وش فتاةٍ.. ميْلها فيه اِلْتفاته
لا لِفَـت بنـتٍ تـشـد الأِنتبـاهـي

اسمها ياخذ من المشرك صفاته
لا.. مـاعاذ الله ما غيره اِلاَهــي

لغزنا.. مبني على مضرب مثل
حال ورعن بعد موت امه كسيف

خلَّته.. واللي بقى.. خيبة أمل
ضنْوَة اللي ما ربح كسرة رغيف

رجلن تعدد في زواجه بزوجات
جملة بنات.. وكل بنت إحتواها

يحرص على بيض البني حرص بالذات
ويدرأ عليهن مثل الأم وضناها

بنشـد الشعـار وأنـشـد مستـشـار الملتـقـا
وأنشد الحضّار وابنشد هَـلَ الفكـر النقـي

كلمتينٍ واضحـاتٍ جـن علـى وضـح النقـا
جن على وضح النهار اِجهار من رجلٍ تقي

واضحاتٍ ساميـاتٍ مـن بعـد صبـر وشقـا
بيّحن سـد الخصيـم وبيّحـن سـد الشقـي

لغزنـا اليـوم عـوْدٍ حالتـه حالـه
فاغِـرِن فمّـه لاضـرسٍ ولا نابـي

في لَهاتـه بنـات ويجمـع عيالـه
محتم الجال ومايجود به جابي