هلا مرحبا بالضيف من وين ماكـان
على سلمنا حسب القيـم والمبـادي
على الحيل ثم الهيل من دون نقصان
وأنا من هل الميقاف وأهل الشدادي

الله الله ياسلام ياسلام

المعذرة على التأخير بسبب ظروف قاهرة :
اسمع يا ناصر :

عتيبه لها في صفحة المجد عنـــوان
و ربعي هــــل العليا لهم نور بــــادي

ابا انشدك عن هرج شعف كل طمعان
على سوق ابن قاسم عجـــــايز تنادي


الله الله ياسلام ياسلام

معذور لاعدمتك وأنا مثلك مشغول شوي ..






عتيبه وحرب أكثر من إخوان لـ(إخوان)
قبايـل شبابـه يـوم قـدح الـزنـادي
وأشوف العرب ياذيب حضـرٍ وبـدوان
ضحية هل الفتنـه علـى غيـر قـادي

الله الله ياسلام ياسلام

عتيبه و حرب عيال ديره و جيران
لكن البلا في النـــار تحــت الرمادي

الا يا هل الحله نبــــي سلـــم عربان
نبا المخطي لباب العـوارف يقــادي


الله الله ياسلام ياسلام

تموت الفتن لو قالو فلان وفـلان
والأجواد تنطق بالكلام الوكـادي
تجاري رفيقك فالخطأ قدم الأعيان
نشوف البياض وخابرين السوادي

الله الله ياسلام ياسلام

حصانٍ بغير عنان و حصـــان بعنـــان
وتراني بغــــير عنان مااركب جـوادي

جرد سيفـه و ورّيــته السيف صقـــلان
و في الهوش من دون الحلوق الايادي


الله الله ياسلام ياسلام

مضى مامضى ياصاحبي هاك الأزمان
وأنا خابرك ما أنته بـ(راعي) دوادي
ومافات مات وقل لي أبشر علشـان
تزين العلـوم المرمسـه والجـدادي

الله الله ياسلام ياسلامم

[size="4"][color="black"]الغالي

[color="red"]سمي الذيب ..[/color]

لاهنت على الحضور والمتابعه ..


وتقبل خالص تحياتي ..[/color][/size]

[center][size="5"]اسمع يابن سعدي:
ترى الوقت ما يبطل قضيه بضمّان
و عين المثاري ما تعــرف الرقادي

ليا جاتنا مــدّه على وزن ميــزان
تـــرانا نحــب الطيّـبــه الـــودادي
[/size][/center]