منتديات عتيبه - ابو عبدالرحمن عدجاي لاعدمناك

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شاعر روق
الليل يالطوفان شب النار من قدح الزنـود = بالزند والصوان يالطوفان والمخرج ملـي
العام يوم البيت سقفه طاح عن راس العمود = الاد روق ترجح الميزان والمخـرج ملـي

الطوفان
الليل يابارق برق خيل خياله لـه رعـود = عسى مزونه تسقي الاوطان والمخرج ملي
الاد روق ترجح الميـزان وتحـل العقـود = من غارهم مال العتيبي شان والمخرج ملي

شاعر روق
اهل العلوم اللي سوات وجيههم قشرى وسود = فكو لميدان الشقا بيبـان والمخـرج ملـي
والله يالولا روق بعض الناس ماجاله وجود = يمديه قصة كان ياما كان والمخـرج ملـي

الطوفان:
حنا عرفانهم لكن العود في عين الحسـود = الذيب مايجفل من الخرفان والمخرج ملـي
هاذي مافيها شك والعالم على هاذي شهود = شمر وحرب وعزوة المطران والمخرج ملي

شاعر روق
مااقول غير الله يعز الحكم وعيال السّعود = سادوا وحطّوا قدر للرعيان والمخرج ملي
لكن علم بالخبر من كان في هذي جحود = قل له تذكر غابر الازمان والمخرج ملي

الطوفان:
حنا عمود البيت ماله غيرنا والله عمـود = واوتاده اللي تمسك الاركان والمخرج ملي
ياما تذروا في ذرانا الا يحالون الهنـود = واليوم شفنا للرخم جنحان والمخرج ملي

شاعر روق:
اكبر شنب فيهم شهد ماانكر بها غير الحسود = قام ونحرها داخل الميدان والمخـرج ملـي
واعطاهم القسم اللذي مافيه يالطوفان فـود = ماجالهم وقت اللقا برهان والمخـرج ملـي

الطوفان:
المشكله واسبابها جونا مدبغت الجلـود = مايعرفون الزود والنقصان والمخرج ملي
ماجاهم الاحقهم والنقص عمره مايـزود = بالعدل والتكميل والميزان والمخرج ملي

شاعر روق:
لو جوك عطهم حقهم لن طق عود براس عود = ثم اقطر الحبه على النيشان والمخرج ملـي
وانا ليا جوني علي اسكب على الشعله وقود = لاجل الفراش يطيح في النيران والمخرج ملي

الطوفان:
والله لااشرم خشمها واحط في يديها القيـود = قاعد لها بالمحزم المليـان والمخـرج ملـي
وانته لايامن جوك صوب ضربتك فوق الخدود = صفقه توجهها على اللحيان والمخـرج ملـي[/poem]