منتديات عتيبه - اجمل ماقيل في قبيلة عتيبه

[color=#000099][size=4] وهذي قصيد للشاعر محمد القثامي تتضمن ابيات في مدح قبيلته ,,,,,

اترككم مع القصيده ...[/size][/color]

[color=#993333][size=4]ياصاحبي كان الزمن كفّـه شحـوح
حنّـا رجــالٍ ماتِـشـحّ بمـدّهـا
نِعْطي ولانَحْسِب على شـيٍّ يـروح
لـو غيرنـا مـدّ اليديـن وردهــا
واليا احتمى الميقاف بالنظره نشـوح
اعْن الضعيّـف والرجـال نضدّهـا
اسيوفنا مثـل البـروق اللـي تلـوح
وعزومنـا شمـخ الجبـال تهـدّهـا
واليا رقينا فـوق عاليـة الصـروح
انـا اشهـد انّـا قدّهـا ثـم قدّهـا
هذي علوم الجِـدّ ماهـي بالمـزوح
اليا اختلـط مـزح العلـوم وجدّهـا
قلتـه وانـا رجـلٍ بسـدّه مايبـوح
لـو بيّحـت كـل العبـاد بسـدّهـا
وان شفتني مع نايح الورقـا أنـوح
عدّ الجروح اللـي بصـدري عدّهـا
لو كان ماودّي على نَبْـش الجـروح
اللـي تـودّدْلـي وانــا مـاودّهـا
بسّ الأكيد انّي على عـال السفـوح
نظـرات عينـي للوطـا مالِـدّهـا
واليا اعترضلي راعي التيس النطوح
حمّلتـه الحملـه وجــا مشتـدّهـا
شاااعر وشعري مهرةٍ صفرا جمـوح
أرخي لها حْبـال السِّبَـق واشدّهـا
واطمح لشيّ وعادة الرَّجْل الطّمـوح
نفسـه لتذليـل الصّعـاب يْعِـدّهـا
والحلم ورده عطرهـا دايـم يفـوح
لـوّ الضمـا يَـمّ الذبـولِ يْحـدّهـا
وِان هام قلبي في هوى الرّمْش الذبوح
لاتحسبنـي ضايـع ٍ مــع يـدّهـا
العشق فِيّه روح تَسْكـن وسـط روح
ولاعِشقـت الاّ عـريـب ٍ جـدّهـا
وان كان وقتي بالعطا كفّـه شحـوح
انـا يديـنـي ماتِـشـح بمـدّهـا
وان شفتني من فوق عالية الصـروح
قِـلْ قدّهـا ثـم قدّهـا ثـم قـدّهـا

*******

(( مـحـمــد الـقـثـامــي [/size][/color]