منتديات عتيبه - خلك شمـــالي...؟

[QUOTE=ناصر بن سعدي;141792][align=center]السلام عليكم ورحمة الله وبركاته

هذه قصيدة للشاعر الكبير / عبدالله زويبن الحربي

في ابنه بدر.....[/align]

[frame="7 80"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياعزوتي يابدر مااقرب حضايبك=على الخطا والصح حبك نقازي
نوب تنسينا الشقا في عجايبك=ونوبٍ تولعها بليفه وقـــــــازي
أدناة مايرضيك وأدناة مااغضبك=تلقط الغلطات لقط الجهازي
ماهي عداوة يوم أطالبك وأضربك=أنته حفيد جدودنا ماأنت نازي
لاشك انا يابدر ابنصحك وأدبك=وأعطيك عن كل المعاني إجازي
تلقى فوايدها ليا خط شاربك=بها على كل الوصايا إمتيــــــــازي
خلك شمالي عند زلة قرايبك=وعلى الحقوق الليا نصنك حجازي
لاتذخر المذخور من دون واجبك=أوف الحقوق اللازمات بنجازي
للضيف والجيران ليَن جوانبك=وبالطيب جاز وبالردى لاتجازي
إحلم على زلة رفيقك وصاحبك=أدمح خطاهم لاتصير إنتهازي
يابدر والله ماتخونك مناسبك=لك منسب طيب وساس عزازي
أفرح ليا قالوا هاكالعود جاذبك =يصير عندي مفخرة واعتزازي

الشاعر
عبدالله بن زويبن الحربي[/poem][/frame]
[align=center]منقوووووووووووووووول(منتديات قبه)
وسلامتكم[/align][/QUOTE]
[align=center]

تسلم يمينك

على النقل الرائع

ياناصر

لشاعر رائع بكل ماتعنيه هذ الكلمه
وصح السانه
اطيب تحيه[/align]