[poem=font="traditional arabic,5,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تدري وش اللي يزعل الرجل الفهيم ابن الفهيم ؟!! = لاشاف ورث جدوده مع الناس ماله منزلة
والشعر ورث ابوي وأجدادي كريم (ن) عن كريم = ياكثر ناس (ن) تبتلش ورثي ولاهي من هله
حقه عليّ أحميه من ترديدة الفكر السقيم = وحقي عليه اني ليا احتجته يقول لي ازهله[/poem]

الهلال والنصر وما أدراك ما الهلال والنصر


قصيدة أرسلتها للشاعر المبدع / محمد بن ضيف الله

أقول فيها


[poem=font="traditional arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامحمد بارك لناد الهلال = فوزه الدايم على ناد النصر
فالمعارك مايبين إلا الرجال = فاز راع الحق والظلم اندحر
راح وقت النصر مع ماجد وزال = وقته اللي كان فيه بمن حضر
يوم راح العود ثم جونا العيال = ضاع عز النصر والفكر اندمر
مايفوز النصر لو الوقت طال = عمر ذيل القوم مافاز وظهر
شوف وضعك من جنوب ومن شمال = واحسب حساب الجماهير الصفر
انتظم معنا ولو لحقك جدال = عش بفرحة ما بقالك من عمر
وأبشر بعز(ن) يدوم مع الليال = بإذن رب الكون خلاق البشر
ياصحيبي والجزال الها الجزال = والمعاني كنز في غبة بحر
خسر جمهور النصر فاز الهلال = علم ثابت ،، لامحيص ولامفر[/poem]

رد عليّ يقول


[poem=font="traditional arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ول ياجند الجهالة والهبال = لو مدحت النار طبح منتحر
النصر مايكرهه غير الهزال = مرتضين الهون دايم والحقر
ولو تشوف بهم غنا فوق الدلال = عايشين بضعف نفس وفي قهر
مايميز في حرام وفي حلال = ذا ثبات وما خفي أدهى وأمر
ياعزيّز والحمول الها الجمال = ولا يشيل الحمل كود المقتدر
من لدغه الداب يجفل من حبال = ومن خذاه السيل روعه المطر
مابلش عزيز نفس بقصر حال = بل بلش صاحبك في مكر وغدر
انشد الدوخي يحل لك السؤال = وانشد الغالي حسام عن الخبر
ومر ابو زندة ولا تنسى جلال = واطلب من الكابلي واحد نفر
الفساد اللي غشاوته اعتدال = بان في غدرا سماكم كالبدر
اتحادات وجرايد وانخلال = فالمبادي والمبادي فالقبر
كلها سبة قحص شين الحوال = عقب جاب العيد من ثم استقر
جركم بالكذب لقرون الحلال = مابقى ياكود قرن ابن البقر
أمنيتكم كايدة صعبة منال = عالمية متعبتكم من دهر
انشد عن العين وانشد عن صلال = تذكر ام صلال من طريا قطر
وانشد عن الوحدة اللي ماتزال = صفقة إسماعيل ميسمها حمر
وانشد عن الشارقة والحال حال = خمسة(ن) منها ظهركم منكسر
ياكلام(ن) فالهوا وبلا فعال = ياخسارة وقت(ن) ومال(ن) هدر
ماذكرت إلا الخليج أهل العدال = مانويت أشرح لكم سطر سطر
من يحب النصر دايم عال عال = ومن يعاف النصر في حقر وقهر[/poem]

(( كافتيريا السعودية ))


[poem=font="traditional arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ول ياهندي عفيف اللي مقابل سوقه = وسط بوفية لها اسم (ن) كنه اسم بلادي
جيت مرّار متعدي بين جمع الروقة = مير حظي ردني والجوع يمّه حادي
قلت : وش عندك ، وقال : إيدام (مافي ذوقه) = غير عندي ، قلت : هاته ، ثم راح وعادي
يوم ذقنا إيدامه ، ليا عبرتي مخنوقة = قمت أجاهدها لاتنزل عقب فاض الوادي
ول ياهندي عفيف اللي بوسط الروقة = عيّف الروقة ديار الربع والأجدادي[/poem]


:) لعب فينا بالفلفل

[poem=font="traditional arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياليتني زر (ن) خضر في جهازك = وإلا على الأقل رقم من الأرقام
عشان لاكلمت زان انتهازك = أجي على خدك وأفارق هالآلام[/poem]


:)

[IMG]http://http://www.sarkosa.com/vb/imgcache/fe2f435124879212d4264df3ebb96ff2.jpg[/IMG]


[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يالربع مادام الرسايل صارت اليوم ببلاش = تكفون لحدن يبخل بشي (ن) من اللي يملكه
نبى نعذّب شركة stc قدّام المعاش = كلّه فدا لعيون أبو متعب وشعب المملكة[/poem]


تحت شعار لاتوقف الرسايل لعيون أبو متعب !!!

[IMG]http://cache.daylife.com/imageserve/07eSeIT6hD9PS/610x.jpg[/IMG]


[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامرحبا ياسيّدي نسل الأحرار = ياخادم البيتين صقر العروبة[/poem]

[poem=font="traditional arabic,6,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابن النفيس المعذرة قومي ولا واحد نفيس = أغرتهم الدنيا وراحو يتبعون أذنابها
كثروا عباد المال يوم المال مايرفع خسيس = بيّاعة الذمة تكاثر وأتعبت حسّابها
والعالم اللي في ثياب العز ينخسها بليس = فيها البلا مدري البلا ياناس طول ثيابها
قلوبها فيها الحسد والكبر والحقد الحبيس = في صدورها لأعدائها والطيّب من أقرابها
ناس(ن) تصدق هرجة السربوت واللي له جليس = لو إني أصدق هروجه صرت ضمن أحبابها
ويابن النفيس المعذرة قومي ولا واحد نفيس = أغرتهم الدنيا وراحو يتبعون أذنابها[/poem]

[IMG]http://s.alriyadh.com/2008/09/23/img/2102100.jpg[/IMG]


[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كلّي فخر ، لأني على اسمه مسمّى = وإن العرب قامت على اسمي تسمّي[/poem]


:)

[poem=font="traditional arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ألا يانفس إن الموت داني = وليس الموت يبعد بالأماني
فتوبي واتركي كل الذنوبا = لعل الله يرحم ما أعاني
فقد عشنا مع الآثام دهراً = ووقتاً ليس يحصى بالثواني[/poem]

[overline]رسالة جوال[/overline]

من :: محمد ضيف الله


[poem=font="traditional arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لي رفيق(ن) غاب عام ولانساني = لابطى يرسل وش أخبارك عزيزي
ماعرفت أقراه لو إنه قراني = مثل طالب في اختبار الإنقليزي[/poem]

<< طراه وجيه طلابي في الإختبار



رديت عليه برسالة أقول ::


[poem=font="traditional arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مع صباح الخير يامحمد تعاني = ترسل القيفان والمعنى بليزي
صل رفيقك يامحمد لو عشاني = والدعاوي كلها إيزي بإيزي[/poem]

<< لاتشره في اختبار تشريح