[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ياويش بنتٍ للعقول امحيّره =يعجزلها بعض الرياجيل القروم
ماعندها بأهل الوجيه النيّره =تضرب لها قوه وتنهدّ العزوم
ياليت لامن جات جات امسيّره =لكن بلاك ان بكَّرَت لك بالوسوم
تبدي لك بوجهٍ زمانه غيّره =أقفا ربيعه والمواري ماتدوم
لكن ملامحها ماهي بصغيّره =لاجات ماتسترك ضافِيِة الهدوم



[/poem]

[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
لغزنا ياطيّب الفال رجّال =يعزل اللي كنه ال حال معزول
يعزله عن صجة العالم لحال =أغبطه في حال وأحيان لاحول

[/poem]

رجَّال ما بينك وبينه قرابه،،
وبْداية إسمه من عزاز القرايب،،

له بالسنه يومن بِلون السحابه،،
يومن جليده مثل غِر السحايب،،

[QUOTE=وطن بلا مخالف;46619427]

آخذ مع الهوجاس سجه ومرواس..
واقول وش جاب المآسي لتاسي..

روابعٍِ نضرب بها اخماس واسداس..
ويجي لها بالسوق رقم ن. قياسي..

[/QUOTE]

[QUOTE=ألراقي;46619500]استلم

لا باس يا رجال لا باس لا باس
مادونا والله تعيش الماسي

إن ما لبست الدرع للحرب والطاس
لا تحسب إن الحرب بين ( التباسي)[/QUOTE]

[QUOTE=وطن بلا مخالف;46619572]

ياكثر من بالسوق يعلن بالافلاس
مدري بلاهم من ركوب التكاسي

لأحتك عود بعود من مضرب الفاس
تسمع لهم لجه وصوت وحساسي[/QUOTE]

[QUOTE=ألراقي;46619606]

من لا يعرف بنظرته وزن الألماس
يصبح ضحيه بين هابي وخاسي

والبنيه اللي مالها فالبناء ساس
لا بد ما فيها يصير انتكاسي[/QUOTE]

[QUOTE=وطن بلا مخالف;46619736]

اللي ينظِّم سيرها بشارع إنكاس
عكْس إتجاهك عاكسينه عكاسي

والله لو إنَّا على قب الأفراس
لأرمي برمحي في نحرها امتواسي[/QUOTE]

[QUOTE=ألراقي;46620565]استلم
لا تستمع في هرج كاذب وبلاس
السوق مثل طويق شامخ وراسي

ماهو برسمة كوب مع عروة الكأس
لو إن راع الرمح باعه بفاسي[/QUOTE]

[QUOTE=وطن بلا مخالف;46620692]ماني بمزكوم ن. من الناس عطاس
مزكوم ما يثر عليه العطاسي

مات الشجر والعرق والنبت يبَّاس
احدن بقى وأحدن من الوقت قاسي[/QUOTE]

[QUOTE=ألراقي;46620757]استلم

لا تقرب الأعلام واللي للافلاس
ريدان رأس المال قدر وكراسي

وإلا سلامه غير حبر ن وقرطاس
وأربع وثايق فوق مكتب دراسي[/QUOTE]

[QUOTE=وطن بلا مخالف;46620801]السوق شركاته قديمه ودراس
لص ن. يصبِّحها ولص ن. يماسي

ماتشبع الذره ومعها تلحواس
تنشر ذراريها سوات البساسي

:[/QUOTE]

[QUOTE=ألراقي;46620848]

إن كان ما أنته فالبحر صرت غطاس
ما جبت منه الدر والوقت قاسي

يوم الذهب محفوظ في وسط الأكياس
تلقاه وسط البنك و ( حساب ماسي )[/QUOTE]


[QUOTE=وطن بلا مخالف;46620920]اسبح بحر وامشي صحاريك عساس
لكن جوك.... صار فيه احتباسي

الله لا يخفي لكم صوت وانفاس
ويزيد في روحك نشاط وحماسي


[/QUOTE]

...............

[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
أنشدك عن بنتين في راس رجال =عوج الرقاب مروْكعاتٍ مدانيق
اليا أصبحن ارقود والظهر مقيال =يصحن في ليلٍ تجوبه مخاليق
مع مثلهن أخوات مشرافهن عال =تطاولن لهن دروب وطواريق

[/poem]








.

[poem=font=",6,white,bold,italic" bkcolor="gray" bkimage="" border="outset,10,white" type=2 line=0 align=center use=ex num="0,black""]
ياويش ورعٍ فالأوادم سِميّه =يِدفن قبل موته وهذي سِماته
يبقى سِميّه طول ما الروح حيّه =مربوطٍ ابحياة أبوه ومماته
[/poem]

وشهي اللي لابدت لك بِشي من العتب
الأدب منطوقها لو تِبان اِحسوفها

بنتٍٍ ما تِزعِل ولا توصِّل حد الغضب
لاعكست حروفها تبقى نفس حروفها

[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ياويش بنتٍ علمها عند مولاك =تو مانشت لكن بلا برق ورعود
مالاح بارقها لذولا وذولاك =ياللي على بعد النظر تنتظر فود
ياهل ترى في قادم الوقت تهناك =دام الامل بالله والراي معقود

[/poem]

يا ويش بنتٍٍ يا لها من بنيّه
ماعجَّزَت وهي تجيب الملايين

اللي تبنَّاها في ذيك السنَيّه
من طيب راسه حطها بين رجلَيْن

مِيَّه بِميّه فِكرته عاااااالميه
من يوم هي من عام سته وخمسين

ويش بنتٍِ،، معها بالزاد إخشرى
يرقبون اللي لها وسط الصحون

ما هي لا خلفه ولا هي بِعشرى
إخشراها،، عشرة أفواه وبطون

وان بغيت الحل،، باللغز إنشرى
للمثل موروث ،، وتراث وفنون