[QUOTE=بنت* عتيبة][color=#CC3366]

ههههههههههههههههه سلمان من الروعة قال الو ههههههههههههههههههه[/color][/QUOTE]



لا ماني مرتاع


لا متخربط ومستعجل ابي اروعكم

[QUOTE=السعار][size=5]سلام الله عليكم ايه الاصدقاء .. بصراحة ياسلمان كنت مرة خشن مع بنات عتيبه مالقيت تهديهم الا هالمجزرة الدموية اللي انا انفجعت وعورني بطني عندما اريت الصورة الاولى ظنيت انهم فلبينيين منحورين في العراق؟.. ولكن الحمد لله زال الغم عندما تأكدت من الصورة .. و أخوي ابو سعد وعبدالله الحافي شكلهم مدمنين مرق ضبان .. وانا والاخ ابو نايف مدمنين (فيليه ضب) واذا الفارسة والعزيزة بنت عتيبه يبون يشاركون فيجب أن يختارون بين المرق و(الفيليه) ونرسلهم اللي يبون .. انا بصراحة اذا طولت في الرياض ابي اصير مثل هالضبان من نشوفة الجو خاصة انه بدى يحتر هاليومين.. وقصة عتيبه والضب قصة مشهورة كانو يعتبرونه من الاكلات النادرة (دلكسي) وهذا يعني مايقدم الا مع ( ايتيكيت ) خاص جدا.. والباقي يكمله ابو سعد لاعدمته.. علما انه يعتمد الشراسة اذا جاء العلم يمي.. ولكن انا استطيع أن اتفهم موقفه هو والغالية بنت عتيبه لانهم يعشقون مهاجمتي بسبب أو بدون سبب .. والمعين الله. وسبحان الله كيف نقارن بين سندوتشات بنت عتيبه وضبان سلمان؟؟ الله يعين ولكن اعتقد أن ضبان سلمان لها مذاق خاص في مكان أكيد الربع يعرفونه وسط نجد أو في صحاري (ركبه) والاخيرة اعتقد أن ضبانها احلى شوي. أما سندوتشات بنت عتيبه فأنني أعتقد أنها لذيذه في أي مكان كان.. المهم ياسلمان لاتخرب الشهية بهذه الصور اللي ماقصرت بنت عتيبه حطت لها شوي ورد ولكن .. [/size][/QUOTE]



وشفيها الصور اخوي السعار
حنى ناكل الضبان يعني عادي نشوف ضبان ميتات
وكبسة الضبان وانا خوك هي الاتيكيت براسه
وصدقة الضب زينته صيده وطرده
وانك تطبخه في الديره الي صايده منها تحت هاك الشجره
شغل انما ايه


وماعليك بنات العم ماهن مرتاعات خوات رجال

واتوقع يحطن صورة الضبان الميه تواقيع لهن ويقولون
انهو سلمان قبل ماينهي الحياه الفطريه

تحياتي

[grade="00008B FF6347 008000 4B0082"]هههههههههههههههه

والله يابن ثعلي اني ما كنت اعرف انه فيه فخذ اسمه الحبردية هههههههههههههههههه

طيب جدتي ماهي حبردية وكانت تلعبنا بالحبردي.

وبسالك هو فيه احد من الحبردية موجود عندنا؟

ما شوف احد جاء يهاوش

طيب انتم تحبون الضبان ولا اعتقد اني قلت غلط.

لكن ان صارت مشكلة تكفون فزعتكم يا خوالي

[/grade]

[quote]انا خالك وروقي يبنت عتيبة ليه تمزحين علينا
بهالمزح كذا خوالك وخصوصاً الحبردية بيزعلون عليكي على[/quote]

[color=#FF9966]يا حسام انا قلتها بحسن نية الا ووقعت شر وقعة هههههههههههههه

الله يهدي سلمان ورطني مع خوالي

ولا تزعل يا حسام ولا شئ

توبة ان جبت طاري الضبا باجيبها لحالها وما نيب مستشهدة ولا بشئ لان المشكلة مني انا بصراحة

من دخلت المنتدى وانا احاول احفظ فخوذ عتيبة ولا يوجد سبيل الى ذلك هههههههههههه

نبي نقوم ونطيح اللين يفرجها ربي لعل الله يقوي ملكة الحفظ.

[/color]

[QUOTE=بنت* عتيبة][color=#FF9966]يا حسام انا قلتها بحسن نية الا ووقعت شر وقعة هههههههههههههه

الله يهدي سلمان ورطني مع خوالي

ولا تزعل يا حسام ولا شئ

توبة ان جبت طاري الضبا باجيبها لحالها وما نيب مستشهدة ولا بشئ لان المشكلة مني انا بصراحة

من دخلت المنتدى وانا احاول احفظ فخوذ عتيبة ولا يوجد سبيل الى ذلك هههههههههههه

نبي نقوم ونطيح اللين يفرجها ربي لعل الله يقوي ملكة الحفظ.

[/color][/QUOTE]

[color=#0033FF][B][size=4]هههههههههههههههههههههههههههههههه

لا حصل خير يخالو واحنا الاخوال فينا الروح الطيبة
والتسامح وانتي ادرى بااخوالك يبنت عتيبة

بس الله يهدي سلمان الظاهر سمع انه
انتي تكرهين الضبان وابد صار يحقد
عليكي لانك تكرهين اكل محبوبته الضبان
هههههههه كلها ضبان يسلمان ليه الحقد:rolleyes::cool::cool:[/size][/B][/color]

[quote]وهذا يعني مايقدم الا مع ( ايتيكيت ) خاص جدا.. [/quote]

[color=#0066FF]واضح الاتيكيت مره يا السعار من خلال الصور اللى حطها سلمان

رامين الواحد فوق الثاني

حتى الترتيب مافي وتقول اتيكيت ههههههههههههه


انا سالت يا السعار وحدة من الاخوات خارج المنتدى عن طعم الضب

لاني ما حبيت اسال الوالد خفت تختمر الفكرة في باله ويقول بنتي

مشتهية تشوف الضب ويجيبه للبيت.

قالت بصراحة الضبان من اول كان طعمها احلى من الان.

قلت لها ليه؟

قالت من اول ياكلون الخضار لكن الان اكلهم تغير وتبدل مذاق


اللحم حقهم.

قلت يا سلام ههههههههههه

الظاهر انها في طريقها للانقراض

اما ساندوتشات بنت عتيبة مالها مثيل يا السعار.[/color]

[quote]بنت عتيبه حرام حرم اني ابيكي تشوفين الصور ذي وبل الذات الميته [/quote]

[color=#996699] هههههههههههههههههه

يا هي ذاكرتك ما شاء الله يا سلمان 100%

والله اني دارية انت قاصدني بها وانك منزل الصور انتقاما مني

لاني تذكرت انت مره من المرات قلت لي انا شايلها لك يا بنت عتيبة وباردها لك يوم روعتكم بصور الثعابين.هههههههههه[/color]

[QUOTE=بنت* عتيبة][color=#996699] هههههههههههههههههه

يا هي ذاكرتك ما شاء الله يا سلمان 100%

والله اني دارية انت قاصدني بها وانك منزل الصور انتقاما مني

لاني تذكرت انت مره من المرات قلت لي انا شايلها لك يا بنت عتيبة وباردها لك يوم روعتكم بصور الثعابين.هههههههههه[/color][/QUOTE]


[color=#0066FF][B][size=4]هههههههههههههههههههههههههه

اذن يسلمان الصورة كانت مقصودة
انتقام ولبنت عتيبة هههههههههههههههههه
طيب كان من الاجدر تحط اهداء مرعب لبنت عتيبة
مو للكل ههههههههههه :)[/size][/B][/color]

[QUOTE=حسام هوازن][color=#0066FF][B][size=4]هههههههههههههههههههههههههه

اذن يسلمان الصورة كانت مقصودة
انتقام ولبنت عتيبة هههههههههههههههههه
طيب كان من الاجدر تحط اهداء مرعب لبنت عتيبة
مو للكل ههههههههههه :)[/size][/B][/color][/QUOTE]
اصلاااااااااا سلمان يسأل عنه شيخ الضبان ههههههههههه مثل شيخ الذهب هههههههههه وان كانه مبيت النية الله يعينه ههههههههه تكون القضية اكبر.....ومذبحة الضبان ماراح ينسكت عنها ههههههههههه لا زم يسوي عزيمة ينادي الربع ويحترم الضبان ويقدمهم على طبق رائع مهوب منطلات في البر ....كنهم موتى...حروب ...هههههههههههههههه

[color=#CC6666]والله انه مبيت النية سلمان

وانا شفت كلمة هدية وفرحت

هههههههههههههههه ما ظنيت سلمان بتكون هديته ضبان مقلقلة

وشكلها ماهي مقشرة مدري مصلوخة هههههههههههههه[/color]

هذه خطيرررررررررررره وحلف بعد ..ههههههههههه لا راح خرخر يبى يرسل شيخ الضبان السلاح الجوي يجيب سلمان هو وجيبه المغرز (((لاتوزى))......ابوعابد بعض المرات علومه ترقل هههههههههههه بس يمكن نستعين بالسان حاشي كانه ما مات على حد قول السعار هههههههههههه

[B][B][color=#000000][align=center][size=3][font=Simplified Arabic]بنت عتيبه :(

[quote]قالت بصراحة الضبان من اول كان طعمها احلى من الان.

قلت لها ليه؟

قالت من اول ياكلون الخضار لكن الان اكلهم تغير وتبدل مذاق

اللحم حقهم.[/quote]

من وين يجيبون الخضار بهالبر :eek:

يالله يا قوي قلب هالي سالتيها هههههههه لا وبعد تتذوق في الضب

::::(

بس تصدقين خويتك هذه تصلح مع الجزارين (ابو عابد وسلمان

وابوسعد والسعار) الي هنا :D

[/font][/size][/align][/color]
[/B][/B]

هلاااااااااااا بالفارسة تدرين حنا يالبدو نقول الخضار بفتح الخاء والضاد ونقصد النباتات الخضراء وكلن له لهجته وفعلا منول لحم الضب ياسلام سلم هالحين تغيرت الامور حتى البشر تغيروا...ياكافي..معاد تعرف صاحيها من سقيمها.......وحنا طال عمرك ما حنا جزارين.....حنا ذباحة الحايل لطامة العايل...والامور اخذت طابع المحاكمات هههههههههههههه

يابو سعد الله يطول عمرك انا مع الفارسة ضد مجزرة الضبان اللي مالها محامي يدافع عن حقوقها، فهي تذبح بدون سبب فقط عدوانية سلمان وعبدالله وبتشجيع منك يالغالي .. أرجو منكم ياعتيبه احترام حقوق الضبان المنقوله وغير المنقوله والحفاض على ارواح الضبان البرية وعدم قتلها بدون سبب .. وخلو ذبحكم للحايل ولعايل..وانا متأكد أن الضب ليس حايل ولا عايل فهو حيوان مسالم لايوذي احد ابدا..

نعتذر عن المصيبه الي وقعت فيهاااااااااااااا لي سنوات وانا اعتقد ان الحبرديه روقه هههه

لكن عندي عذر عايش في الحجااااااااااااااز ههههههه

هااااااااااااااااااااااااااااااي يالسعار الله بالخير ياعمتي قماري هههههههههههه وانت قاعد تأكل (((بحري))) تحسبن البحر مهوب محمي...الضبان ما احد يحامي عنها اكثر منا هههههههههههههه حنا ما نأكل الا ضبان ..نشجع المنتجات المحلية......ترى نبى نسحب الضبان الي عندك في شعيب المحاني ونطلب من شيخ الضبان الي في العبلة يعلن المقاطعه لكم .... وسلمان ابشرك سمح عنه الشيخ يوم سمع كلامك هذه وطلب اصدار عفو عنه وقال افطنوا للسعار تراه بداء يعود الى حالته القديمة...هههههههههههههههههههههه الي انت خابر.......والضب جعله ما (يقرطك) لأنه لو فعل ذلك عرفت انه مسالم والا لا...تراه ما يفكك حتى لو تذبحه هههههههههههههههههه

[QUOTE=حسام هوازن][color=#0033FF][B][size=4]

بس الله يهدي سلمان الظاهر سمع انه
انتي تكرهين الضبان وابد صار يحقد
عليكي لانك تكرهين اكل محبوبته الضبان
هههههههه كلها ضبان يسلمان ليه الحقد:rolleyes::cool::cool:[/size][/B][/color][/QUOTE]



حسام مشكلتك انك تعرف وش افكر فيه

بس الصراحه متعمد اجيب ها الصور
بنت عتيبه ليش تكرهون الضبان حرام عليكم حيوانات جميله



وبعدين انا ادعم الانتاج الوطني

انا ما اكل همبرقر جاي من امريكاء


انا اكل ضب جاي من جيان السعوديه

[QUOTE=بنت* عتيبة][color=#996699] هههههههههههههههههه

يا هي ذاكرتك ما شاء الله يا سلمان 100%

والله اني دارية انت قاصدني بها وانك منزل الصور انتقاما مني

لاني تذكرت انت مره من المرات قلت لي انا شايلها لك يا بنت عتيبة وباردها لك يوم روعتكم بصور الثعابين.هههههههههه[/color][/QUOTE]



ههههههههههههههههههه

ماشاء الله عليكي تفهمينها وهي طايره


الصراحه انا يوم طلعت البر


كنت ناوي اصور ضبان او ديبان انشاء الله تماسيح ابي اروعكي فيها مثل ماروعتينا في ثعبان خط القصيم

وتفاجات بوجود الفارسه


وتذكر ان الفارسه تدرس طب اسنان


قلت خلني اذبح الضبان


منها اروع بنت عتيبه ومنها الفارسه تدرس على سنون الضبان
( امحق دراسه )

وبعدين بنت عتيبه


خلي قلوب البنات تكون قويه لا شافن ها الصور الوحشيه


وبعدين بنت عتيبه كان الوضع حق الضبان اتيكيت


اكنو مستلقين على ظهورهم وشوفي الضب الحي كان يستعرض قدام الكاميرا يعني التصوير والضبان اتيكيت

[quote=abosaad]اصلاااااااااا سلمان يسأل عنه شيخ الضبان ههههههههههه مثل شيخ الذهب هههههههههه وان كانه مبيت النية الله يعينه ههههههههه تكون القضية اكبر.....ومذبحة الضبان ماراح ينسكت عنها ههههههههههه لا زم يسوي عزيمة ينادي الربع ويحترم الضبان ويقدمهم على طبق رائع مهوب منطلات في البر ....كنهم موتى...حروب ...هههههههههههههههه[/quote]
ابو سعد الله يجزاك خير خليتني مجرم حرب الله يهديك كل 50 مدري 70 مدري 90 ضب يعني موب ذاك الصيد
وبعدين ابو سعد انا المفروض تجيني مكافئه احب ديرتي السياحه الي اعرفها لقط زبيدي في العقارب وصيد ضبان في الكنه
من غير خمات بسيطه يعني ما تستبعد انا اصيد ضبان في الشتاء

وعن العزيمه الله يحيكم وانا عندي مشروع لشركة سلمانكو لمتد
ابي اسوي مطاعم وجبات سريعه في جده والدمام والرياض
ضبان برغر ضبان نقتز عكر مقليه عكر مسلوقه ضب حراق
وابي اسوي وجبات متكامله
1- رمثوثي ( ضب بنكهة الرمث )
2 - صمعاوي ( ضب بنكهة الصمعها )
3- اشين وجبه عرفوجي ( ضب بنكهت العرفج )

[quote=السعار]يابو سعد الله يطول عمرك انا مع الفارسة ضد مجزرة الضبان اللي مالها محامي يدافع عن حقوقها، فهي تذبح بدون سبب فقط عدوانية سلمان وعبدالله وبتشجيع منك يالغالي .. أرجو منكم ياعتيبه احترام حقوق الضبان المنقوله وغير المنقوله والحفاض على ارواح الضبان البرية وعدم قتلها بدون سبب .. وخلو ذبحكم للحايل ولعايل..وانا متأكد أن الضب ليس حايل ولا عايل فهو حيوان مسالم لايوذي احد ابدا..[/quote]



اخوي السعار اي مجزره الله يرضالي عليك
الضبان ثروه وطنيه مثل البترول لازم نستغلها

والمفروض فيه محميات للضبان علشان الجيل القادم ما ينحرمون منها

ومن ناحية مسالم فهو مسالم بس عضته زي ما قال ابو سعد مسالمه مره

وبعدين انا ما صدت كل ضب القاه الضبان الصغار اتركها حتى تكبر وتجيب ضبان ثانيه واصيدهم يعني افكر للمستقبل


وبعدين كيف بدون سبب انا كنت طالع في البر
القاها مفليه قدامي تضايقني قلت خلني اذبحهم وارتاح

ومن ناحية مسالم فهو مسالم بس عضته زي ما قال ابو سعد مسالمه مره

وعن حب الضبان ماني بتايب


والوعد بعد شهر اما خليت المنتدى يعج با الضبان


بس عندي سؤال للفارسه


اختي الفارسه ابيكي تسوين دراسه على سنون الضبان وعادي الضبان موجوده


وتراها حيونات وديعه ومسالمه بس تحب ترقص بعكرها ( العكره = الذيل )


وبنت عتيبه هاه وشرايك في الهديه


تجيبين لنا صور ديبان والحرمه ام العقارب تخوفينا بها


ضب واحد يكفي عن كل الحيونات

يا سلمان رفقن بلقوارير هههههههههه

راح اشفر مواضيعك الي تتعلق عن الضباااااااااااااااااااان
ههههههههه

شكراً ياسلمان على الصور ..... لكن عندي طلب


ممكن تحدد لي وين قنصتوا هالضبان لان شكلها غريب علي ومقزز وتختلف عن الضبان اللي نقنصها بنجد والشمال

وعلى كثر ما قنصت من الضبان في أغلب مناطق صيد الضبان بالمملكة إلا هالأشكال ما مرت علي من

حيث شكل الراس والعكرة القصيرة .



تحياتي سلمان

سمح له شيخ الضبان على شأن السعار داخل غلط هههههههههههههه يابوعابد.....وترى مع سلمان"الدماغ" حق هههههههههههههههههههههههههاي

abosaadاطال الله عمرك وسعدك انت وسلمان وعبدالله مثل ماقلت مدمنين مرق ضبان وعصير نمل ولكن ارجو الحفاض على الطبيعة وعدم الاخلال بالتوازن بين الحيوانات .. الضب يساعد على تلطيف الطبيعة فهو من اكلة النمل والجراد والحيوانات الصغيرة بالاضافة الى الاعشاب بأنواعها .. واذا نقص الضب من الجزيرة سوف يكون هناك زيادة في الحيوانات التي يعتاش عليها الضب المسكين الذي يعاني من الضطهاد المستمر من سلمان وربعه..

الله يقطع شرك يالسعار هههههههههههه حسبت ان "الحاشي"ههههه مات اتصلت عليه وقال فال الله ولا فال السعارههههههههه وعلمته بسالفتك قال ترى لسانه احرش لا يقربك يالسعار وخلك في الرياض توشوش هههههههههه والضبان الموعد عند الشيخ يبى ينظر في القضية قريبا...ونعلمك..السالفه...طبعا حكم غيابي....هههههه وتسلم يالغلااااااااااااااااااا

[quote=طيب الفال]شكراً ياسلمان على الصور ..... لكن عندي طلب


ممكن تحدد لي وين قنصتوا هالضبان لان شكلها غريب علي ومقزز وتختلف عن الضبان اللي نقنصها بنجد والشمال

وعلى كثر ما قنصت من الضبان في أغلب مناطق صيد الضبان بالمملكة إلا هالأشكال ما مرت علي من

حيث شكل الراس والعكرة القصيرة .



تحياتي سلمان[/quote]



هلا والله طيب الفال

لا وانا خوك اشكالها عاديه بس تعرف من التصوير
ومكانها اطال الله في عمرك موب بعيد ورا ام الجماجم 40 كيلو
موب ضبان قنص بس حقت تسليه


والف شكر على مرورك

اخوي ابو سعد ماعليك الدماغ الي هاههههاي موجود


هو الي يحدد اماكن تواجد الضبان


وبعيد اخوي السعار


ياخي حسيت اني مجرم حرب


اتوقع انه بيصير لي محاكمه مثل صدام


وبعدين يا السعار انا ارحم الضب من الورر

الورر اشوف انه يعذب الضبان لذالك اولا لي اني انا اذبحه بس ترا يا الربع انا ما اسرف فيها بس لين تمتلي الثلاجه



وانا لو سو محميه لضبان ابي اسوي عرض ابي املي لهم المحميه من الضبان



تصدق انه كان يوم من الايام ودي اجي في الدفاع المدني حق الرفيعه
علشان اذا ماكان فيه دوام اغر الضبان بوايت المطافي

بس والله انك صادق العام كنت قانص ضبان في الكنه ويوم جيت في طريق الصمان اعوذ بالله العالم كنها رايحه لحرب


بس ولو

انا اعتبر نفسي ابن الوطن البار احب طبيعتها وحياتها الفطريه
بس الضبان مالي حيله عليها وش اسوي مفطوم وجنبي ضب

يعني صايد ضبان صايد الله لايعوق بشر



واخوي عبدالله الحافي

انا رافق بل اخوات جايب لهن صور ضبان ميته علشان تزيد ثقافتهن

وبعدين انتم ليش تكلمتو عن الضبان الميته شوفو في نفس الصور جايب اطفال الضبان مصورها
ماجا زينها



تحياتي للجميع

لاتخاف ياسلمان انت اعطيت حصانه من شيخ الضبان.ههههههههههههههههههه..العب على كيفك ولا يهمك احد بحول الله...!! بس ارحم ضبان الرفيعه اقصد ((****************ه منول))ههههههههههههههه تعرف الاسماء تتغير على حسب الطلبّّّ!!!!؟؟؟؟؟؟؟؟؟؟؟؟؟ ابوعابد كان ياما كان اسمه السلاح الجوي!!!!ههههههههههه هالحين ياسلام ابو عابد... ما عاد يخوف...شف حتى اسمه اختفى يالله لك الحمد,,, هههههههههههههههههههه اهم شيء ياسلمان ضبط الجيب وطلعه من التغريز وشف حول (الشيط )ترى فيه ارض زانه للضبان هههههههههههههه

هههههههههههههههه
ههههههههههههههه

يا سلمان التاجر ما يعلم بتجارته من وين هههههههههههههههه

بس ضبان غريبه شكلها لاحقه اليورانيم هههههههههه

ههههههههههههه


خوفت البنات يا سلمان


الله يهديك بس


مشكور يا الذيب على هذه الصور


تحياتي لك ،،،،

هلااااااااااااااااالااااااااااااااااااالاااااااااااا يالنايف ما يحتاج البنات ما يخافن الا من الله....وسلمان الله يهدية اقوله الشيخ عفى عنك....والرجال مطنش مدري نسى ههههههههههههههههه

[quote=abosaad]لاتخاف ياسلمان انت اعطيت حصانه من شيخ الضبان.ههههههههههههههههههه..العب على كيفك ولا يهمك احد بحول الله...!! بس ارحم ضبان الرفيعه اقصد ((****************ه منول))ههههههههههههههه تعرف الاسماء تتغير على حسب الطلبّّّ!!!!؟؟؟؟؟؟؟؟؟؟؟؟؟ ابوعابد كان ياما كان اسمه السلاح الجوي!!!!ههههههههههه هالحين ياسلام ابو عابد... ما عاد يخوف...شف حتى اسمه اختفى يالله لك الحمد,,, هههههههههههههههههههه اهم شيء ياسلمان ضبط الجيب وطلعه من التغريز وشف حول (الشيط )ترى فيه ارض زانه للضبان هههههههههههههه[/quote]

ههههههههههههه
ههههههههههه
حلوه يا ابو سعد خلاص نسينا السلاح الجوي هههههههههههههه
الحين عبيد الله هههههههههههههههههههه

يعععععععععع حسبي الله على بليسك نفسي وامنيتي انها تنقرض بشوف وش يصير لكم يالشباب بتسوون عزا عشانها كن مافيه اكل في الدنيا الا هي يا اخواني قلت النعمه عشان تاكلونها يعععععععععع





باي وتحياتي لكم جميعا

يوتو ههههههههههه غريبة الوطن .....ترى ماهو الشباب الي ياكلون الضبان...الشباب هامبرقر...وكافي لاتيه هههههههههه وعساهم يعبرون الاكل....هذه ضبان تبى كبود نجدية طال عمرك وياهلاااااااااااااااااااااااا

[quote=عبد الله الحافي]ههههههههههههه
ههههههههههه
حلوه يا ابو سعد خلاص نسينا السلاح الجوي هههههههههههههه
الحين عبيد الله هههههههههههههههههههه[/quote]
تعرف يابوعابد ..عيسى وميسى وعبيدات الرحامين هههههههه

[color=#CC6600]هههههههههههههههه

ابو سعد

نخاف من الله مافي شك

لكن صورها تروع بصراحة الكذب على الله شين.

والله يطير عقلي لو جتني [/color]

هههههههههههههههههههههههههاي
اذا فيه فرق بين الروعة.............. والخوف.......اوافقك.... بس وين سلمان الظاهر ان الصور روعته هو بعد وما صار يجي لهذا الموضوع ......عبد الله الحافي هو طير شلوى يمكن تشوف لنا سلمان الله يبارك فيك ...الرجال نسى الموضوع والا الشيخ اثر فيه والا........هههههههههههه

[quote=abosaad]هههههههههههههههههههههههههاي
اذا فيه فرق بين الروعة.............. والخوف.......اوافقك.... بس وين سلمان الظاهر ان الصور روعته هو بعد وما صار يجي لهذا الموضوع ......عبد الله الحافي هو طير شلوى يمكن تشوف لنا سلمان الله يبارك فيك ...الرجال نسى الموضوع والا الشيخ اثر فيه والا........هههههههههههه[/quote]




هههههههههههههههههههههههههههههههه

ابو سعد لا مانسيت الموضوع احد ينسى حبايبه الضبان

وهي في الحقيقه يوم امس كنت في اجتماع
مع شيخ الضبان
كان مع الشيخ بعض السؤلين من الضبان


مثل
رئيس الغرفه التجاريه لضبان مياحيص

عمده قلمة الحمار

عمدة ضبان سحمه

شيخ ضبان السحاميات

رئيس شرطة ضبان الهضب

عمدة ضبان القصيبيه
محافظ ضبان ساموده

عمدة ضبان الشحمه والشحميات

محافظ ضبان عالية نجد

رئيس حرس حدود ضبان النعيريه والوادي

وغيره من كبار المسؤلين


وقد نتج عن الاجتماع

جدولة الهجمات السلمانيه على الضبان العزل


بحيث لا اقنص الى ثلاث مرات في السنه




ولا راعه ما ارتعت

بل العكس واحد من ذي الضبان حاط راسه ميداليه عندي

[quote=غريبة الوطن]يعععععععععع حسبي الله على بليسك نفسي وامنيتي انها تنقرض بشوف وش يصير لكم يالشباب بتسوون عزا عشانها كن مافيه اكل في الدنيا الا هي يا اخواني قلت النعمه عشان تاكلونها يعععععععععع





باي وتحياتي لكم جميعا[/quote]



وش تقولين يا غريبة الوطن
حرام عليكي


وش تنقرض تعوذي من ابليس


اعيش بدون كهرب بدون بنزيم
بدون مكيف
بدون ببسي



حتى عندي ينقرضون بعض الناس ولاتنقرض الضبان
وتقولين تنقرض

بعدين انتي ماكلتي الضبان علشان تعرفين


ليش يعني علشان شكله

الضب شكله رومنسي واتيكيت وبعدين من منظره فيه عزت نفس عريبه دايم رافع خشمه


عكرته مزخرفه زخرفه حلوه لونه كذا خيالي



شوفي العالم ياكلون الاستكوزا والقبقب ( السرطان )


الضب اوسم واحلى منهم مليون مره



الف شكر لكي


وعادي اختي الصور ماتروع


تحياتي