ياهلابك ياطالع

ولاة الامر انا معك ماقصرو واللي سووه هو عين العقل


بس راح تلاقي وانا اخوك تهاون وقصور في التنفيذ يعني انت مثلا ياطالع خلنا نضرب مثل عليك لو قلنا مثلا ياطالع انت شخص (( زير نساء )) محشوم طبعا !!!
وتعرف حارس امن في الفيصليه مثلا او اي مجمع تجاري والحارس هذا سوى جميل ودخلك في وقت مخصص للعوائل الا يعتبر ظلم !!!

خلاص دخلو باقي الشباب ؟؟ الدعوه خربانه خربانه !!!

يعني انا كيف ارضاها على محارمي صح ولا لا ؟؟

يعني وانا اخوك التهاون موجود الا ان يرث الله الارض ومن عليها .

اللي ابي اوصله بالتحديد ولا تفهمووووني غلط

لماذا لا تفتح تلك المجمعات والحدائق للشباب بدلا من اغلاقها عنهم وهي مليئة بالشباب من اساسه ؟؟

ياسلطان لاتعب نفسك من الناحيه هذي

جايك في الطريق كل شي لاتستعجل

اما الوقت الحالي مالنا الا ندور واسطات ومعارف مع الحراس

الخوف الان على الشباب من البنات عكس زمان والعاملين بالاسواق حلال عليهم الكحل ومافي حكمه والله علوم مالها اول ولاتالي مشكور بن فهيد

(( اما الوقت الحالي مالنا الا ندور واسطات ومعارف مع الحراس ))

طالع الشطر هذا قلبته يمين يسار بس مافهمته ؟؟؟

تحياتي

حياك الله ياكحيلان

والمهلي مايولي

انت نطقت بما كان في خاطري

ويعطيك الف عافيه على مشاركتك الفعاله

تحياتي

ابن فهــــــــــــــــيد الشيباني

هي جمله مفيده يابو فيصل وليست شطر بيت

المهم اعني انك في هذا الوقت بالنسبه لمنطقة الرياض اذا تبي تروح وتستانس في المجمعات فعليك بالمعارف مثلا عندك احد حراس هذه المجمعات اذا تعرفت عليه يبي يسنعك

هذا بلا ابوك ياعقاب

على العموم تشكر ياطالع على اثرائك للموضوع

ولو انا ماوصلنا للمطلوب !!

لاكن مصير الميل يتعدل

تحياتي

لو الوضع بيدي كان سويت وسويت وسويت والغيت بعد بعض الاشياء لكن الشكوى على الله