منتديات عتيبه

منتديات عتيبه (http://www.otaibi.info/vb/index.php)
-   منتدى إبــداع بلا حـــدود (http://www.otaibi.info/vb/forumdisplay.php?f=73)
-   -   【█ ––––•(-•♥أوراق♥•-)•––––¸.•´¯`•.¸––––•(-•♥لـيـلـي♥•-)•–––– █】 (http://www.otaibi.info/vb/showthread.php?t=47657)

شاعر عتيبة 09-27-2009 05:55 AM

[IMG]http://www.destination360.com/caribbean/bahamas/images/s/bahamas-boat-rental.jpg[/IMG]


رساله للمجهول


[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامصدر احزاني وسبة ضياعي= توك تجي هالحين وينك واناوين
ما للوفا في بعض الاحيان داعي= لانه شعور احباط من عام الـ 2000
الوقت يجبرني ويلوي ذراعي= ويقول ياكرهي لكم يالوفيين
وعجزت اوصل فكرتي وانطباعي=لاني ما احب اقابل الشين بالشين
افتح شراعي وارجع اطوي شراعي = احترت انا مع موج ( بحر المحبين)
وخابت على رجواك كل المساعي= هذا وانا ابايحك في باقي الدين

[/poem]

بقلم ساهر

شاعر عتيبة 01-01-2010 04:09 AM

مني للغايب الغالي


[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دموع العين هلّن العباير=يادمعي كف لاتجرح خدودك
ترا الغالي ولو هو غاب غالي=غلاه إن غاب لابده يعودك
ومهما غبت مادمت متعافي= انا ياخوك يكفيني وجودك
على الدنيا عساك سنين طيب= وعسى الدنيا بفرحتها تعودك
وانا معذور يوم أبكي لمثلك= بوسط القلب ماتعرف حدودك
وغير الدمع ما باليد حيلة= ولاتنفع جهودي مع جهودك
أنا أبكي غايبن عني وحاضر= وعساها خير في تالي صدودك
[/poem]

شاعر عتيبة 01-01-2010 04:12 AM

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي من دون لوم ومشاريه= لاتكشف المستور وهو متخفي
لا أقول لك وشلون وتقول لي ليه=مابين خلان المعزه تشفي
وان كنت صامل في مباحث خوافيه= عطني ملفك قبل اسلم ملفي
ادري بكل الوضع واعرف تواليه=مشيت تتبع من يسب المقفي
وشلون تتبع كل ماكنت توحيه!= وحقي عليك انك توقف بصفي
[/poem]

بقلم / ساهر

شاعر عتيبة 01-01-2010 04:15 AM

[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خادم البيتين لو جمع اخوانه=وعممو كل الجهات العسكريه
ماتزحزح حب خلي من مكانه=والسنين شهود والنيه مطيه
يامحمـــد كامل الاوصاااف عانه=شف بعينك قصة الحب النديه
كنها مضنون عيني في ليانه=فيه دق اوصافها لارحم حيه
يوم صاحو بالغنا يالخيزرانه=ينطرب للصوت والعزره عليه
ليل دانه جاوبتها ليل دانه=وجاوبتها نبرة الحب الشجيه
تلعب بمجدولها كلللله لعانه= كنها صفوة خيول الخالديه
عين قرناس(ن) زعيم الامن صانه= ماملكه الا وزير الداخليه
ضاحكن له من بها حسنه زمانه=حي والله نور طلته البهيه
يوم صاحو له ونادو يافلانه= زاد حبي له عشان انه سميه
اقبل وكن القمر يمشي وزانه=وصافحت يمناي يمناه الطريه
ماحلا قربه وهرج من لسانه=وماحلا لمسة يديه المخمليه
ول يامشكاي خبري بي تكانه=واتزرا بالاغاني العاطفيه
ويامحمد رجع الكرسي مكانه=ضاعت علومي ولافيها كنيه
[/poem]


بقلم / ساهر

شاعر عتيبة 01-01-2010 04:17 AM

[poem=font="simplified arabic,6,darkred,bold,italic" bkcolor="transparent" bkimage="" border="none,10,firebrick" type=2 line=0 align=center use=ex num="0,black""]
على سلمى بكينا والبكا للحزن مايشفي=ولاغير الوصال اللي مضا لي معه يشفيني
على رسم الغرام اللي بقا لي من زمان الغي=وقفت ودمعتي حارت على الاوجان من عيني
على اطلال البيوت اللي سكنها نور كل الحي=هذاك الوقت يوم الدار بوجوده بساتيني
تفوح عطورها في ظلها والما رواها ري= واشوف الورد وعطوره مثل راعيه مغليني
بقا لي وسطها التذكار غيره مابقا لي شي= رسوم اطلال مير ان الغرام الها يعنيني
الا يادار وش في جانبك موحش ولابك ظي= وعلامك كل ماجيتك من الضيقه تبكيني
تبكيني وانا ادري بك على وقتٍ مضى تبكي=وتناديني ليا صديت وش عندك تناديني
وانا يادار يوم اعني الاقدام لك وش لي؟ =ولاكن .. شوفتك من حبي لراعيك تكفيني
وعلى سلمى بكينا والبكا للحزن مايشفي= ولا غيير الوصال اللي مضا لي معه يشفيني
[/poem]

قلم / ساهر

شاعر عتيبة 01-01-2010 04:18 AM

وبحبك يالبنان

[poem=font="simplified arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تئبرني لك شو هالطلّه=تئبرني مهضوووم كتيير
ياحيّا الله ياحيّا الله=ويا أهلا بطلّة عبير
ياجمال العالم كله=عِشّائِك صابون تعتير
إنتي يمكن أمك نحلِه=او دودة قز الحرير
انا بس بشوفِك وهله=مابعرف شووو عم بيصير
إنتي قضيه مو سهله= إنتي شي مالووو تفسير
ياشمعة لبنان وأهله= إنتي أسباب التحرير
روحي للقدس المحلته= وفي غزه سااااوي لك خير
وحياااااة الله وحيااااة الله= بحبببببببك ياعبير كتير
[/poem]

جميع الحقوق محفوظة
سااهر دوت كوم:151:[/quote]

شاعر عتيبة 01-01-2010 04:21 AM

[poem=font="simplified arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلمولي ياطروشٍ سارحين = كان مريتو على عبلة سجا
حولها يسكن عذاب العاشقين= خابرن نزله ورا هاك الحجا
وسلمو كتاب المحبه باليمين = صادق الاحساس بحروف الهجا
سلموه لراعي الوجه الحسين= وقولو انه ماقطع فيك الرجا
سالكن لجلك دروب الهالكين= وكان مالديت يمه ... مانجا


[/poem]

شاعر عتيبة 01-01-2010 04:22 AM

[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارح القلب يالعتبان=مثل الحدود الجنوبيه
اقصاه كنه جبل دخان=واتلاه نيران حوثيه
كله من اسباب غصن البان=اللي وصوفه رومنسيه
ياداعج العين شانك شان=لاتسمع الناس موووليه
خلك على منهج الخلان=وش لك بحجي وحجيه
لاتذبح القلب بالسفهان=ولاتتبع الكيه الكيه
لوشفت حالي من الهجران=حنيت مما جرا فيه
اسهر على شاهي ودخان=واسمع نوال الكويتيه
صوتٍ يشاديك ياريمان=ياول غرامي وتاليه
والليل اقضيه جر الحان=قصايدٍ فيك حصريه
[/poem]

قلم / ساهر

شاعر عتيبة 01-01-2010 04:24 AM

[poem=font="simplified arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تقريب ساعة عشتها معك يازين=مامثلها في رحلة العمر ساعه
ساعة شروق الشمس بين المحبين=عقب الظلام اللي تعاوى سباعه
نورٍ سطع لي منك يابهجة العين= واحيا نبات القلب لحظة شعاعه
من يوم ناديتو وحنا ملبين=لأوامرك يازين سمعٍ وطاعه
أنت الذهب لو كنت مخلوق من طين= وأنت الحرير اللي فرق فالبضاعه
ياللي جمعت الزين والعطف واللين=أنا معك مالي عليك أستطاعه
نكبتني نكبة قضية فلسطين=واخذت قلبي في يدينك وداعه
رحتو وراح القلب معكم من سنين=ولاعاد باقي لي بقلبك شفاعه
لوعتني يازين من لايع البين=يازين قل لي وين جتك القطاعه
ولاقلت لي بعدين.....بعدين.. بعدين=هذا بلا قلبي وهذا ضياعه

[/poem]

قلم / ساهر

شاعر عتيبة 01-01-2010 04:26 AM

[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]


يافهد من عقب ماجالك حراوي=موعدك حنا ترانا محترينه
اركب اللي كنه النجم السماوي=وكن صوته نغمة العود الحزينه
وسمعته سمعة شليويح العطاوي= وفيه من خلّي تعازيلة وزينه
منوة اللي للسفر قلبه شفاوي= واحدٍ شين الدهر بيح كنينه
جيب ( رينج سبور) منوة كل هاوي=الدواهي في ( إنجلند ) مصممينة
للغلا والشوق والدار النحاوي=أسر به يامسندي والله عوينه
ونبدع القيفان ونجر الغناوي=وباللحون نجاوب سيور المكينه
نحره دار الوفا والليل ضاوي= لين اشوف العود وأقبل يدينه
مثل بيرٍ من يصدر منه راوي=والدي ياجعلها تبطي سنينه
وأنت ياللي كنك الحر النداوي=شايفٍ صدق المحبه وسط عينه
يافهد جعلك سليم من البلاوي= ودنا نخبرك شيٍ كاتمينه
الردي ياخوك ماني له مخاوي= والبرا مردود مابيني وبينه
وأنت يامشكاي ماني فيك غاوي= مانته من اللي وفاهم صانعينه
ومن عرف مثلك حرااااام انه غناوي= ولاتمدك بخل يسراه ليمينه
ويافهد .. لاتلبس البشت الحساوي= عيفونا فيه ناسٍ لابسينه
عقب ماهو للشيوخ أهل العزاوي= شوخ نجد اللي معادنهم ثمينه
دارت الدنيا وحيل الله قاوي= ولبسوه اللي منول جاهلينه
وضاع فالطوشه مع عيال الشواوي= قام تالي الوقت يللللعن والدينه
في يدين مضيعة بعض الهقاوي= الضعوف اللي تحسب الطيب زينه
والمراجل ماتهيا بالمناوي= كود منهو لأجلها يندى جبينه
يازمانٍ تالي الوقت متلاوي= ياكثر مافيك شيٍ منكرينه
الثعل يجرح بمخلابٍ رهاوي= وطاول الليث المسمى في عرينه
ويافهد ..لاتجرح القلب الشقاوي=مالك ومال الدهر زينه وشينه!!
جز وانا باجوز من كثر الدعاوي=وفرج همومي ترا روحي حزينة[/poem]

قلم / ساهر


جميع الأوقات بتوقيت GMT. الساعة الآن 11:54 AM.

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها