منتديات عتيبه - الامير احمد يتفاعل مع مدحي لعتيبه والاخ الحصان يشرفني بمعرفته

فهد بن حنس

على وضـح النقـا. صغـت القصيـد وشرفونـي بـه
وهجوسـي بالمحافـل والمـواقـف مانـشـح بـهـا
نصوغ القـاف مـن قاصـي صميـم القلـب ونجيبـه
وعلى صفحـة شـرف ربعـي هـل العـادات نكتبهـا
تجمعنـا علـى عـز وعلـى قـدر وعـلـى هيـبـه
وعلـى كـار وعلـى شـار وعلـى دار نعيـش بهـا
وقبيلتنـا عتيبـه ياهـل الميـقـاف ..... ياعتيـبـه
ياحـي اسـم ينومـس سـايـر الـلابـه ويطربـهـا
وان مانـلام فـي مـدح القبيـلـه يــوم اماريـبـه
اماريبـه واجاريبـه هـل الــزوده وازيــد ابـهـا
عسى مـن لامنـي فـي ....حبهـا ماينفعـه صيبـه
خسيـتـي يـارجـال حــزت الوقـفـه تجنـبـهـا
ولا يامرحـبـا فــي مرحـبـا ملـيـار ترحـيـبـه
انيابـه عـن شبـاب اعتيـبـه الهـيـلا وشايبـهـا
ارحـب بالملـوك اللـي حمـوا نجـد وحمـوا طيبـه
حموهـا واحتمـوهـا وامنـوهـا مــن مصايبـهـا
املـوك تــدرك الـطـولات والمـاجـوب تحريـبـه
املـوك بيضـوا وجـه العـرب مـن طيـب مذهبهـا
املـوك منهـج القـران تحكـم بـه وتمـشـي بــه
املـوك مقتضـى سـنـة محـمـد تستـعـز ابـهـا
املـوك فـي البلـد نصبـح ببيرقهـم ونمسـي بــه
املـوك مـن غلاهـم نرخـص الانـفـس ونجلبـهـا
املـوك حبهـم فـي القـلـب ياحـلـوه وياطيـبـه
امـلـوك ودهــم بـالـروح شاربـنـا وشاربـهـا
املـوك عـدوا بسمـعـة بلـدنـا فــي مراقيـبـه
املـوك فـي لحهـا الطـايـلات وفــي شواربـهـا
نحـبـك يامـلـوك الـديـن يـاقـادة مواجـيـبـه
نـحـبـك وا لمـحـبـه بالضـمـايـر مانقلـبـهـا
نحـب الـدار وأهـل الـدار واللـي بــار ياعيـبـه
حذاري من هل التنظيم !!! وانحـش لا تقربهـا !!!!!!!
تـرى مـن لا حمـا فـي موطنـه يالبيـض ردي بـه
هـذا وقـت الحمـايـا يـاهـل الـعـاده ومطلبـهـا
وتــرى والله لــو درنــا بعالمـنـا واجانـيـبـه
فـلا نلقـا مثـل حـكـام موطـنـا نـطـول ابـهـا
وترى حـب الوطـن واجـب علـى الشبـان والشيبـه
وأنـا مـن لابـة طاعـة ولــي الامــر واجبـهـا
وترى حب الوطـن عـز وتـرى غـدر الوطـن خيبـه
وغدرها التاجر !! اللي يركب الفتنه ويشعبها !!!!!!!!!!!
يحسب الديـن قتـل النفـس هرجـه يـوم يهذيبـه !
وهو فـي جـوف غـار(ن) مايحسـب وش عواقبهـا
يشـب النـار واهـل الـدار هـذا الـعـار تدريـبـه
يلاعـب فـي عواطـف سـائـر الامــه ويندبـهـا
وراء ماشبهـا فـي (تـل ابيـب ) وفــي تلابيـبـه
اليـا كانـت شجاعـة راعـي العوجـاء يحـس بهـا
يقـول المصطفـى باخـر زمـان الـنـاس تغريـبـه
وتـرى هـذي هـي الفتنـه عسـى ربــي يغيبـهـا
وعسـى ربـي يحفـظ الديـن ويصـفـي مشاريـبـه
وعسـى الله يحفظـه مـن دبـرة الاشـرار وأخطبهـا
يقوله مـن يحكـم القـاف مـن فيضـه ومـن جيبـه
وليـا مـدوا لــه اليمـنـى النشـامـا مايعقبـهـا

شاعر جزل ولاياتي الا بالجزل
الله لا يضرك ياذيبان
بدر العتيبي