منتديات عتيبه - سلاااااام عليكم ومساكم الله بالخير

[color=#000000][size=4]
[color=#FF0000]الـطــوفــان ..[/color]

الليل يالشعار نبغاها تجي حربٍ ضروس
الناجي اللي تنكسر منها يدينه وقدمـه
الليله الليله لقيت الملعبه عذراء عروس
تليتها واخذتها من غير حكم المحكمـه

[color=#FF0000] ابن مـســلم ..[/color]

ذاالليل يالطوفان راسك لاتحطه تحت موس
راس(ن) يجنب عن طريق الحق حنا نعدمه
من دونها تاتقوم حرب ٍ كنها حرب البسوس
وجساس بن مره يعود يـدرق لـه بسلمـه

[color=#FF0000]
الـطــوفــان ..[/color]

ذا الليل ابن مسلم نبا نعطيه درس من الدروس
لو كان مايفهم يبـا يفهـم وعلمـي يفهمـه
جساس صاد كليب وانته قمت ياجحدر تحوس
مار الجمل شقران حطك ربع لقمه فـي فمـه

[color=#FF0000]ابن مـســلم ..[/color]

لك كم سنه ياصاحبي مريوس ماتقدر تروس
واللي براسه علم مايعـود يهمهـم همهمـه
حنا على روس الافاعي والحيايا نانـدوس
والعقرب أم ذنيب نانبرك علاهـا برضمـه

[color=#FF0000]الـطــوفــان ..[/color]

لاانته مع الربع الوقوف ولاتهنا بالجلوس
خلك على باب الملوك اجلس ودور مكرمه
وابوك جاك الموت ياكتكوت نهاب النفوس
ماعاد ينفعك الكـلام ولاكثيـر الهنجمـه

[color=#FF0000] ابن مـســلم ..[/color]

الصبح في سوق الغنم مغار يجمـع بالتيـوس
سوى سواة الحضرمي دمـه كمـا دم حلمـه
وبعد العصر فالسوق يالطوفان تتلي العيطموس
الثوب تدفع قيمته والـورع عنـدك والزمـه

[color=#FF0000]ـــــــــــــــــــــــــــــــــــــــــ[/color]

صحة السنتكم ياشعارنا ولاهنتم ..

محاوراه جزلها من جزلين :) ..

لكم ارقى التحايا ..

الشامخهـ ..

[/size] [/color]