منتديات عتيبه - وجـّـه شمالٍ والحويه!!!!!

[QUOTE=برق الدجى;272832][size=3][align=center]السلام عليكم
لكم هذه الأرشيفيه
عسا أن تحوز على رضاكم
.,.,.,.,.
.
.[/align][/size][poem=font="Simplified Arabic,5,black,normal,normal" bkcolor="transparent" bkimage="../backgrounds/33.gif" border="none,4,gray" type=1 line=0 align=center use=ex num="0,black"]
يسعـــود ماشــفته على جيب صالون=وجـّــه شمـــالٍ والحـــويـــه يســــاره
تكـــــــفون ياهل الخير تكفون تكفون=نبـــا التحــري عــــــن حبيبــي وداره
هـذي وصوف الشوق كامل ومزيون=وانتم رجــال الــعرف واهل الشطاره
الله عطاه الرمش من فـــوق الاعيون=صفّــت جــيوشٍ مسـتـكــنـّه لــغـــاره
والخد الابيض خالـــطه لون معجون=لـــون الــطــمـاط اللــي يشوق حماره
والخشم سلّة سيف ضاهي ومســنون=بـيـن الــخـدود اللـي عـلـيـهن خمـاره
وان شفـت زوله بين الاجواد يمشون=تـــلقى الـتـغـنجر والـدلـع في مــساره
أرجوك لامنــــــّك وصلته على هون=ســـلّم عــليه وعـــطه دفــتــر قــراره
قلّه تـرى اللي حبك اليــوم مجــــنون=الله بــلاه بـحــب واعـــلن دمــــــــاره
يسعود وصيتك عسى العلم مضمـون=قـــلبي علـى شــوف الحـلا شـب ناره
روّح وانا عايــنت واقـف ومغــــبون=روّح عـــلى الجــكسار يـكـثـح غباره
روّح على اللي دوب صـنّع ومامـون=دوبــه مـن الــيـابــــان صنع الصداره
لـــونه حـليبـي مار يـاويّ مـن لـــون=مــنـوت غـريـبٍ ضـاع حــقّه وثــاره
روّح عــــليه ويطـــرق الخط بالعون=والــزين راكــب فـي يــمــين الغماره
يالله عســـاه امــجار من شـر هالكون=والله يــحفــظه فـالــــزمــــان ومداره
يسعـــود هــذا الـجـيـب حلـياه مـليون=تــكـفى تــركـد واحضــره من مساره[/poem]
[align=center]
وسلامتكم
تحياتي
عبدالرحمن الميموني[/align][/QUOTE]

صح لسانك يابرق الدجى وبيض الله وجهك