انشدك عن رجال يضعف ويهزل
ولْيا مضى له عام يرجع فِتوَّه

ياطا ثلاث ويِكْرِم النَّزْل ويَجزِل
و بهيبته ....... يمرهن ما تِموّه

ماهوب في مهْجر ومنئَآ ومعزل
لو كان عمره.. قبل عصر النبوّه

يا ويش رجلٍٍ كلّ منا يشوفه
والناس من واجبهم يقدرونه

الشهم واللي فيه خير ومروفه
حتى ترى الوافين ما يجهلونه

في جانبه بنتٍٍ تبيِّن وصوفه
دايم وهي حوله على ساق دونه

يا لغزي اللي بالذهب والماس/ من لا يثمن قيمِتِك خله

وانتم على راسي ومِن هالراس/ لأجيب لغزٍٍ معتمد كله

بنشد عن بنتٍٍ راقيه ياناس/لأنس وْلاهي جِن بسم الله

بنتٍٍ في هالبلد وِهِي بالساس/ هذا بلدها اللي على مِله

لها خواتٍٍ بالدول وأجناس/ وِلكلّ بنتٍٍ دار تحتله

تحتل موقعٍٍ لها حساس/ وتجيب لك علمٍٍ على حِله

حصلت لي بنتن شناح وعنقها طول الذراع
إليا انكشف لك ساقها يبِيِِن حِدب إضلوعها

مثل الورود اليانعه تُطوُل حسب الارتفاع
فستانها من فوق هامة راسها وفروعها

(عذرىً ) لادوَّروا لَها ما لقوها
كم واحدن دوَّر لَها ما وجدها

(بالكلمتين الدارجه) ضيَّعوها
ماندري لو في هالبلد نفتقدها

(بنتٍٍ) لقومٍٍ ما ندانيها
أغراب عنا ما نحادثها

إلْيا نويت أخلف معانيها
وبدَّلت ( ثانيها ) بثالثها

تصبح بحاضرها وماضيها
واعصور والعرب توارثها

ابوعبدالرحمن اللي هنا فقط ألالغاز الخاصه بالديوان .
واللغز اللي انت رمعته تم تنزيله لك وللجميع


اللغز لو حاولت تكسر جناحه
سهلٍٍ علَيْ أبنيه لا جاد معناه

يجيك من فكرٍٍِ يجيد السباحه
ما ظن تاصل سِرٍه اللي دفناه

واللي يجرِّد فوق لغزي سلاحه
حنا على سرد القوافي حملناه

ابوفيصل

لغزٍٍِ بدعته كيف ما جيت به جا
والحل عند أهل العقول النبيهه

رجلٍٍِ ماعن منحاه منجا وملجا
إليا عكسته رجل وافَق شبيهه

اللغز من باب الفكاهه
طرحته في قالب فكاهي

رجل ومره بأرض ونفاهه
في مفترق درب ومتاهي

بالهون يمشون بنزاهه
ماهو بخطوات التباهي

وقال لها بعد المتاهه
كلن له وِجهَه وإتجاهي

( كنه يعلِّم ) ( بإتجاهه )
ويعرِّف بسمه وإسمها هي

..

سوَّيْت لي لغزٍٍ مشده على طوط
لغز ن يخلِّي كاسل الفكر ينشط

ويحرك الأفكار تحريك مضبوط
ومنبّه الشعار في آآآآآخره طط

وِشْهُو سِمِي اللي بلا درب وخطوط
يشتال حمله لو رسى به على شط

يافِكْرتي وشلون ينقاد مربوط
يمشي بقيد وفوق قيده مربّط

:

بالسوق.. شيٍٍّ لنا ينباع
والناس بريالهم يشروه

لكن سِمِيِّه خبيث أطباع
يجي معه ناقلٍٍِ مكروه

لحظي وعاجل لغزنا حاضر وكاش
لغزٍٍِ لِيا جاكم من الراس .. محبوك

وش الهنوف الي بها من عرب عاش
( بنت الأكابر ) ما بها شك وشكوك

آخر حروفٍٍ بإسمها جمْع كالطاش
والاَّ البدايه وزن ما فيه مشروك


..............................
كالطاش أي كالبحر

انشد عن اللي اكثر العربان دوم تفضّله
لكن لياحذفت الأوسط من حروفه تطلبه

وانا ليا شلت أوله ألْقى دروسه معضله
ولياعكسته فيه نوع من التعجرف ماارغبه

بنتٍٍِ صغيره ماتحصلْها في راس ولاسماء
دوِّرتها وسط الفلك والسبعه من كواكبه

حصلْتها تحت البحر ميْر البحر مليان ماء
لو ماش شيٍّ ناشها... ولاَمست سواكبه

أَكتب من الألغاز لغز وجملة الألغاز لك
يمكن تدير الفكر في معناه والاَّ تتركه

عن جادلٍٍِ تنظر بعين وعين فيك تغازلك
تجاهلك من نظرةالأخرى ترى ما تدركه

ويش الذي له ماقف (ن) مانعده
غير إليا وقَّف بالصفوف الوجيهه

له بالسنه سِمِيّ (ن) ما هوب نِده
في حال أقول الإسم ماهوشبيهه

:

انشدك عن بنتين ياللي تعرف المتشابهات
الأَوَّلَه برا البلد.. والأخرى في كل موقعي

(ثنتينهن) متشابهات ورغمهن متخالفات
الكِل منهن في جهه وِ.لْكِل منهن مرجعي

وِالْيا فصلت التاليات عن الحروف الأولات
ألْقى من الثنتين لِيّه في (حديْهِن) مطمعي

لاقِلتهن كنِّي أبيِّن ( قِدرتي ) عند الثقات
وان عوَّدن للأصل قلنا من غلطنا المطبعي

=========================