|
انـا عنـدي لكـم لغـزٍ بيوتـه مـن ذهـب ونظـاف
بعَـد جَـت فكْرتـه ياهاجـس الأفـكـار سطّـرهـا علَـيْ طرحـه وبوهليـل عليـه الحـل والاِشـراف وعلـى العـرّاف حـلـه والأِجـابـه مــن فكايـرهـا ياوش خمسة خوات يقابلن خمسٍ لهن محراف بــدأ مفعولـهـن عـقْـب أربــع اِرجــالٍ تـقـدّرهـا وزاد الموقـف المحسـوم بنـتٍ تنهـي الميـقـاف بعّـد وقـتٍ مضـى مابـيـن ناظـرهـا وحاضـرهـا |
ويش الثلاثه اللي فالموقع اخوان
فــي مـوقـعٍ ماغيـرهـم ساكنيـنـه ماشفتهم بالعين ولاشافت أعيان غير اللـي متمكّـن شهَدْهـم بعينـه في عز وقفتهم علـى مـر الأزمـان ميقـافـهـم بـالـجـوف ومثبّتـيـنـه ثـلاثـةٍ مايختـلـف فيـهـم اثـنــان الاســم واحــد كـلـكـم عارفـيـنـه |
انشدك عن رجال يضعف ويهزل
ولْيا مضى له عام.. يرجع بِقوه ياطا ثلاث ويِكْرِم النَّزْل ويَجزِل و بهيبته لا مر....... قام يْتموّه ماهوب في مهْجر ومنئَآ ومعزل لو كان عمره.. قبل عصر النبوّه |
ياويش رجلن لاحذفت أوله صار
ضد المخاوف ،، بالديار وحماها وليا حذفت اثنين بنهايته ،، دار دارن يعين الله ،،، على ما بلاها هذا الذي في نصرةالدين مغوار ما همه الأخصام ،،، حزت لقاها |
ياويش رجلن،، له بناتن خفايف
تلاَوَحن ،، فوقه ثلاثن ،،، سِوِيَّا ولْهن برجلن غيرأبوهن وصايف إليا بدن ،،، يبدنّ ،،، مبدا الثريا لكن ابوهن بالثرى وانت شايف وسط النثايل ،، ما يِغَطا كِذياّ |
انشدك عن رجال ،، لاشلت عينه
ما بحت به ،،،، لمبيِّحين الكنيني حالن يحول بحال ،،، بيني وبينه مثل الحجاز اللي ثبت من سنيني لكن انا،، المقصود ما شفت شينه هو غايتي،، ومشاهد أحباب عيني |
فكره ،،، وصِغت لْها بالأبيات ،،، بيتين
مضرب مثل لأهل المثل ضمن الامثال بنتن ،،، بلا مشهات ،،، ما تقبل الزين ولا همها ،،، من زادها ،، فال وعقال مزاجها ،، من دون مشهاتها ،،، شين لدت ،، ملَدّ اللي مِعِيفِن ،، من الحال |
ياويش بنتن في آخر وقت
وقتن ،، يجي بآخره ، قفله لن جات في وقتها مافقت تاليك ،، قفله على ،، غفله وان كان يا صاحبي وِفِّقت طيبن على طيب ،، تحتفله |
رجلن ،، ما سايَر بالرضا، خاطرك
يِخلِف روابع ،،، عالمن ،،، تِشتط إليا خالفك الراي ،،،، ما شاطرك غيرك لوكنت أنت النشيط أنشط (( اللغز مثل شعبي )) |
يا ويش بنتٍٍ بيَّحت سر موضوع
وَعَلَّمت به قوم تشكي تعبها قومٍٍ على سير العمل وسط مشروع توقَّفوا بعد الشكوك بْسببها |
المثل باللغز ،،، عن رجلٍِ ،، بتوع
زامي النبنوب ،، في حد الطويل بنته اللي ،،، عن مشاهَدها منوع لو يِلِد العين ،، فيها ،،، مستحيل شابَهَت في ميْلها حدب الضلوع ما يشيل الهم ،، منها ،،، لو تميل |
ياويش رجلن،، طايلٍِ سبله
صعبٍِ عليْ وعندكم صعبي لا بد من رجلن ،، يناسب له شعبيِّته ،،، فيها مثل شعبي |
ويش رجلٍِ لانطقت إسمه، صحيح
آخره ،،، شبه أوله ،،،، وجه وقفا مير ،، كل حرفٍِ لِحاله ،،، مستريح وبين كل اِحروفه،، أَبعاد ، وجفا وحرفه اللي بأوْسط حروفه يطيح كلّ ماجيت ، أكتب إسمه ،، إختفا |
ويش رجلٍِ، لون بدرٍِ في تمامه
أسعد الأوقات ،، وقته ياحليله هيئته،، لاعارضك مثل الحمامه مير عمره،، لاقضى بالوقت ليله |
وشهن اللي جنب بعضهن كلهن
وسط أبوهن مع بعض متجاورات بنت ،، تجلب للعيون أحبابهن وبنت ،،، همٍِ للعيون المرقبات البِني ،،، ثنتين ،،،، في محلهن وانت لامن شفتهن متخالفات |
[QUOTE=وطن بلا مخالف;47484499]
يالصاحب اللي ليازانت مواضيعه يختار نقواتها بالصنف والنوعي الصيني وَرَّد عليكم من قراقيعه والرأسمالي يبي حقه من الشوعي [/QUOTE] [QUOTE=ألراقي;47484547] إن مايطيعك زمانك يا أجودي طيعه حتى لو إنه زمان الخوف والروعي الغرب ناوي على الأكراد والشيعه والشرق يرضخ لهم فالغصب والطوعي[/QUOTE] [QUOTE=وطن بلا مخالف;47484569] بابك مصايد.. وموايق ن. لنا ريعه وانته تقلَّب وانا متوسد ن. كوعي الغرب يصوّر خفايا الحرب ويذيعه والروس يلعب بيديْه الحبل مربوعي [/QUOTE] [QUOTE=ألراقي;47484598] إيران كرت انحرق نشريه ونبيعه أحسب لها عام مع شهرين وأسبوعي ومحيط للدائره جذره وتربيعه بمعادله حلها منطق ومسموعي[/QUOTE] [QUOTE=وطن بلا مخالف;47484631] ايران واللي مدوّخكم طراطيعه أشوى من الصيني ماوراه منفوعي يا ليت عقب الوبا راحت مشاريعه ينهي طموحه ويخرب كل مشروعي :[/QUOTE] [QUOTE=ألراقي;47484679] الفائده حكمها واضح وتشريعه في نص مكتوب بين نزول وطلوعي وإلا الذهب قفلوا بابه وتشميعه عليه ختم الوزاره صار مطبوعي[/QUOTE] [QUOTE=وطن بلا مخالف;47484744] ياقوم ياللي تبون إهداية الشيعه الله جمع شملكم بأفراد وجموعي عان الذهب كلِّف الصايغ بتصنيعه إعادة الصنع قبل الصلح مصنوعي :[/QUOTE] ................. |
ويش بنت (ن) لا تبيَّن لك طرفها
يدفعك شوقك على كامل حلاها ان بغيت الحل ناس(ن) تحترفها إنشد الشياب لو تنشد.... نِساها وعاين بْعين ن تِغض لْك بْطرفها فوقها تلقى سِمِيَّتها....... علاها |
ويش الفتاه اللي مثل برق الخِيال
لا قالوا.. العربان تكفي ما عليه يفطن لها بس النبيه من العيال وَيلتقط أخبارها رجل ن. نبيه |
ويش بنتٍٍ للبيان وللعيان
غايبه مره ومره حاضره اول اللي من مشارفها تبان ما خفت للباديه والحاضره شافها من شافها ضمن البيان واختفت بس مرةٍٍ عن ناضره ⚘ . |
ياويش رجلٍٍ لاكبْرت مشاكله
تجي له اللي تستره وتسنعه بنتٍٍ على نفس الشكل والشاكله لكنْ مع زود المشكله ماتمنعه ان كان مامن حيلةٍٍ تِحاك له يستر على قَرَانَها.. لا تخلعه |
ياويش رجلن لاحذفت أوله صار
ضد المخاوف ،،، بالديار وحماها وليا حذفت اثنين بنهايته ،،، دار دارن يعين الله ،،، على ما بلاها هذا الذي في نصرةالدين مغوار ما همه الأخصام ،،، حزت لقاها |
بنتٍٍ خبيثة فعل من فعل ابوها
جات وتَلَقَّت ضيف لحظةمِجِيٍّه والبنت فعل ابوها لو انسبوها وصف وفعل غير النوايا الرديه |
ثلاثةٍٍ طول الزمن بينهم ولف
ولفٍٍ ما يختلف ليوم القيامه واحديغادر وقت فيه الهوى صلف يغيب ويحضر على حزت دوامه واثنين لامن داوموا بينهم حلف والصبح كلٍٍّ يىجع وقت استلامه |
أنشدك عن رجال عمره محدد
لاشلت الأوسط صار شيٍٍّ تعوفه وان كان راسه من مكانه يشدد يبقى اللي وسط الحي دايم تشوفه |
انشدك عن رجَّال مذكور بآيه
سبحان ربٍٍّ للمخاليق مجريه له عند عكفان الشوارب درايه يظهر مابين اثنين والناس تغليه |
ويش عوْد مر له اربع بنات
مات من ستين عامٍٍ وادفنوه له شبيهٍٍ .. ما يمر ألَّا خوات رحلته بس للبنتين وحددوْه راكبه عبدٍٍ مثل لون العبات وهو لولا العبد ماظن قدَّروْه |
حصلت لي ورعٍٍ صغيِّر ومحبوك
لكنّ.. ما يشرب.. ولا هو بِياكل في موقعٍٍ مابين نارين مشبوك وبين الثنين يصك باب المشاكل |
ويش الهنوف اللي بطن وديوس
تلقاها في عُمان وبْساحل الشرق ويحبها رجَّال ويبوسها بوس بقعا تبوسها في عيونها البرق |
يا ويش رجلٍٍ كلّ منا يشوفه
والناس من وفاهم يقدرونه الشهم واللي فيه خير ومروفه واجب على الوافين مايجهلونه في جانبه بنتٍٍ تبيِّن وصوفه دايم وهي حوله على ساق دونه |
يا ويش رجلٍٍ ينذبح كلّ ربعه
ماقام أبد ولااحترك من مكانه زمان يوم أهله يحبون طبعه له عندهم حشمه وقدر ومكانه مايعترف بالجوع ولافيه شبعه متهوم بأسبابه كريم إبزمانه |
وش بناتٍٍ للعوارف متعبات
بينهن وصل وقطاعه يالطيف أشغلني بالتفرق والشتات لولا وصلٍٍ بينهن صعب وكليف ساكناتٍٍ في غرف متساويات وسط بيتٍٍ ما لضيفانه مضيف وأتعبن فكري وهن إمسلِّيات اقصد الترفيه والمعنى شريف |
انشدكم عن (ثلاثةٍ) متشابهين
يفرق بعضهم بنتٍٍ زادتهم حلاه اللي يجي موقعها من فوقه يبين واللي يجي مسكانها داخل حشاه أشكال روسهم مثل اللي خايفين طمعة سلوقيٍٍّ على شوفة عشاه |
ياويش بنتٍٍ ماضي الوقت القديم
وعلومها عند الغوانم غانمه فيها مثل معروف عنها فالصميم والعلم بيِّن للعرب ...معالمه ماحصَّله غانم يحصّل له غنيم يوم المصادر ماتجي بمكالمه |
أنشدك عن رجال جاب أجنبيه
وادخل علينا داه خبث ومغثه يبغى يغير .. نهجنا.. عنجهيه ويبغى عزاز النفس بثياب رثه غريب دار وداب في جلد حيه وهي على عكس الفضيله تحثه |
ياويش حيٍّ يعجب الناس بإسمه
لو كان ما هو قد لإسمه وطاريه إليا عكست إسمه هذا صغر جسمه يا شين حظ اللي قرا عند أذانيه |
ويش رجلٍٍ معترض عرض الطريق
مرَّ به رجال... حاكم ... معتبر يوم جاء للتصفيه صفَّى فريق طلَّع اللي.. مايِشَدّ ابه.. الظهر ويَبْست الأرياق يا يابس الريق والمهابه.. تِخلِف إقلوب البشر |
يا ويش بنتٍٍ زوجوها بشايب
ماتفرقه دايم في جنبه قريبه لو فارِق العمر ما يرد القرايب مزيونةٍٍ في عين أهلها عجيبه مازوجوها جبر والا غصايب لاكن لو يدخل عليها مصيبه |
ياويش بنتٍٍ ما تثمَّن بالأثمان
ان جات تسكن ماتحرك شفايفك ما مثلها بالكون كله والأزمان من خفها ترفع خفايا خفايفك |
يا هِوات .. اللغز .. للغز وزنَه
ان كان للميزان والوزن وازن العاشقين إثنين مازن ومزنه واحلا علاقه بين مزنه ومازن كلاًً على مخزون فكره وخزنه إمكملين ال بعضهم بالتوازن |
ياويش بنتٍٍ ناقصٍٍ جسمها شي
لو ما به أحدٍٍ ماخذٍٍ من جسدها الأم هي بالإسم تنسب لها.. هِي لليوم تِنسب بإسمها هي وحدها |
| جميع الأوقات بتوقيت GMT. الساعة الآن 12:06 PM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها