الحـياه الحـقيقيه.!

[سلطان بن دحيم العطاوي]

نعيش وعلى ما يكتب الله لنا ونموت = وهاذي هي انماط الحياه الحقيقيه
ندافع بعضنا بالمكاسب فللل وبيوت = ونرحل ونترك كل الاشياء مبنيه
هذا هو الكلام اللي ما يبغى عليه أثبوت = دلايل تصاريف الدهر شبه يوميه
يدور الزمن ويطيح ختم وتطيح بشوت = وتبلى الثياب اللي مع الوقت عاريه
تبين الروابع فالبنادم على اول صوت = وتفرق عزوم اللي عزومه حديديه
روابع ردي المعرفه مثل غصن التوت = تهزه هبوب الريح مع كل عصريه
وروابع قوي المعرفه كنها الياقوت = تقديه في الأوضاع غير الطبيعيه
مكاسب زمنا المرجله والتقى والموت = على السنه السمحه والاحوال مرضيه
وعز الله أن اللي جمعهن هو المبخوت = ليا حصل الثنتين هاذي وهاذيّه

[ذيب عرعر]

جزاك الله كل خير
والحياه جميله وانت اجمل

[نهير بن رخيص]

صح السانك قصيده رائعه

[إبن ثعلي]

صح السانك يادحيم العطاوي قصيدة لايعلى عليها
تحياتي لك

[بنت هبس]

الله يعطيكم العافية