سلطـاان الهاجري

[ليل وقصيّد]

الرفيـق اللـي ليـا غبـت مايحمـي قفـاي
اجل لامن صرت حاضر ماني فـي حاجتـه
احتمـي دوري ودور القبيلـه مــن وراي
جمـدو هــرج الفـراغـات ياهراجـتـه
كانهـا بمصامـخ الـروس ولا بـاي بـاي
خلـو الفلـم المدبـلـج عـلـى دبلاجـتـه
طول عمري ماستمع من ضعيف الراي راي
ولاطمعـت بديـك خيـبـر ولا دجاجـتـه
العداوة شـي عـادي تجينـي مـن عـداي
من نسج نسـج العـداوات عرفـت نساجتـه
وإن كلاني مخلب مـن مخاليـب أصدقـاي
قلت ضاعت صيدته فـي طـرف عجاجتـه
وإن ثناهـا مـرة ثانـيـة جعـلـه فــداي
لافسـق كلـب الخواجـة كـلا خواجـتـه
الارض ماهي ورث ابي والسماء ماهو سماي
مير الاعوج لاعترض لي عدلـت عواجتـه
أفـردة واذوقـه لمستيـن مــن عـصـاي
وأدبـة تأديـب طـفـل عـلـى دراجـتـه
لين ينسى عنـاد راسـه ويذكـر مستـواي
ينتبـه ولا يسـوهـج عـلـى سوهاجـتـه
في نظرة الناس مالون واهـوه هـاي هـاي
والمـدوج مابعـد فــاق مــن دواجـتـه
أبك أنا لو اشـرب البحـر مايقطـع ظمـاي
وانت مثل الضب يزحـف تحـت عجاجتـه



http://www.youtube.com/watch?v=LMdYDtZAQWE

[اصايل]

رووووعه

صح لسان الهاجري

وصح ايرادك فخامه

[ليل وقصيّد]

اصاايل ..

الااروع تواجدك ي بعد راسي

حيـااك / نوررتي

[؛؛ابو ريناد؛؛]

فخاامه لاهنتي ع الدره الثمينه

ابن وسام شاعر ذهبي

[ليل وقصيّد]

آبو رينآد

ولا انت ي بعد راسي

للمعلوميه انا ولد موب بنت

حيـااك فديتك / نوررت