(( عادل العصيمي .. مطلوب )) .. :)

[نادر النمر]

(( ابو دارين ))

متى مارقت .. لاهنت .. :)


سلام ياعادل صعوط المجانين = يامعقل المجنون .. وشهو جديدك
ماشاء الله مبدع في جميع الميادين = حتى قصيدي مايحالي قصيدك



:ongue:

[عادل العصيمي]

مرحبا يالنمر .. :SnipeR (37):


استلم



يامرحبا يانادر النمر وأهلين = ترحيبةٍ تكبر وتاصل عضيدك
وش هالتواضع يا امام المصلين = الشعر مع دمك جرى في وريدك

[وجودك يكفي]

صح لسانك يانادر النمر وصح لسانك يابودارين

ازهلوا الصفوف :ongue: :ongue: :ongue:

[عادل العصيمي]

ولد ثابت


صح بدنك والصف منور


,

[نادر النمر]

ياسلاام ياسلام

كلام كبير ياابو دارين

تفضل طال عمرك


تبقى وتسلم ياحفيد الكريمين = خلك كذا دايم على مانريدك
ماشاء الله كلمة حق مابين قوسين = بنك المراجل ممتلي من رصيدك


:03hbdsn13:

[نادر النمر]

(( ولد ثابت ))


هلا وغلا .. والصف نور من جد

لاعدمتك ولا عدمة تواجدك ياوحش

:)

[عادل العصيمي]

استلم يالأمير



أنته معي دايم على الزين والشين = والله على حلو النوايا يزيدك
انتم من عدود المطانيخ مروين = ما هي غريبة لو تسجل بريدك

[نادر النمر]

أنا معك .. :SnipeR (37):



نعم نعم : معك على العسر واللين = نعم نعم : لاتآهت الناس أفيدك


ماشاء الله وأنته تقسم الصف صفين = ياسعد من جاورك واصبح حديدك






تراني مافقدت ولد ثابت :1:

[نادر النمر]

ماطلع كامل مدري ليه ؟


نعم نعم معك على العسر واللين
نعم نعم لاتآهت الناس أفيدك

ماشاء الله وأنته تقسم الصف صفين
ياسعد من جاورك وأصبح حديدك

[عادل العصيمي]

ياللي طلبت العلم فالهند والصين = مدري تصيد العلم والا يصيدك
يامرحبا بك لكن ان جعت ياحسين = عصيدنا خله . يسدّك عصيدك

[نايف تراحيب]

والله مدري وش اخرت علمكم هذا ،

لكن مبدعين ونستفيد منكم ،

صح الله السنتكم جميعاً ،


متآبع :)

[عادل العصيمي]

اوله وآخره خير ان شاء الله يابو تراحيب :)


صح بدنك ومرحبابك يانايف


,

[نادر النمر]

سافرت ومزعجني فراق القربين
ولاأنت لاشديت برر شديدك

ماشاء الله ماأكلت الاوادم مقفين
الناس مو مكلي ولاهم عبيدك

[نادر النمر]

نايف تراحيب


مثل ماقالك ابو دارين اوله واخره خير ان شاء الله

انا ترا مااقدر اسطي على ابو دارين .. لاكن الله يجيب الفراغ من الوقت .. والله اني لااحدك على اقصاك

الاكيد جايك الدور لاتستعجل ولا تعجب

:)

.

[نادر النمر]

وازعجني .. سوري :)

[تركي شجعان]

صحت السنتكم وقلوبكم


معنا الله اعلم وين وجهته


متابع للآخر

[مصارع الشعار]

كلمت ابداع في حقكم قليله يكفي من الطاروق معناه وبيض الله وجيهكم

[الوسيم]

الابداع لايعرف طريقا واحدا فقط فله عدة طرق
كل الشكر لكم يامبدعين ,,,,,,