لآتعطي سرك امرأة,, ولآتخااوي أآمير

[تباريح الروقي]

"لا تعطي سرك امرأة ولا تخاوي أمير"





فيه واحد سمع الحكمة هذي من أبوه فكان يبغى يثبتها,

المهم إنه راح وخاوى أمير في ديرته وصار خويه الروح بالروح ...

و الأمير ما يطيب له المجلس إلا إذا كان هالشاب فيه .. صار نديمه بـ اختصار ...

الأمير عنده مزرعة نعام وكانت عنده نعامة غالية

راح الولد وأخذ النعامة ودسها في مكان في المزرعة

وراح لسوق الغنم وشرى خروف وذبحه وقطعه وجابه في خيشه آخر الليل لأمه

وقال لها هذا لحم نعامة الأمير يمه ..

جايبه لك يالغالية..بس تكفين لا تعلمين أحــــد ..
عشان لو درى أحد بيوصل الكلام للأمير ويقطع راسي.

الأم قالت : و لايهمك ياولدي .. مجنونه أنا أفضح سرك واموتك بيدي؟



من اليوم الثاني عزمت أمه جارتهم على اللحم ..وسألتها وش هذا اللحم الزين يا فلانة؟

قالت الأم أقولك بس سري في بير؟

ردت الجاره سرك في بير يا وخيتي افا عليك ...:z039:

قالت الأم لجارتها السالفة وحلفتها ما تقول لأحد عشان
ما ينذبح ولدها

طبعا الأم يوم علمت الجارة كان قصدها مفاخرة بولدها ...

يوم بعد يوم السالفة انتشرت بين الحريم في الديرة.
ووصلت للرجال وفي الأخير وصلت للأمير اللي عصب
و طلب من الحرس إنهم يجيبون الولد ويحطونه في السجن لين يجي يوم ويقيمون عليه الحد.
:03emvur13:


الولد طلب من الحارس إنه يروح للأمير ويقول له إن النعامة لـ الحين موجوده في مزرعته

بس خاشها في حوش بعيد عن باقي النعام وإنها بخير.

الأمير طلع الولد و اعتذر منه وحاول يعوضه بس الولد رفض وقال أبوي صدق في حكمته.

وهذي بس نعامه أجل لو كانت شي أكبر من كذا
وش كان بيصير فيني ...!!!!!
:03erwhl13:




اتمنى ان ينال اعجابكم






منقول

تحيااااتي(تباريح):wardah:

[وجودك يكفي]

لاهنتي على القصه ياتباريح والله يعطيك العافيه على النقل

احترامي

[عهود]

من عرفنا الدنيا وهم يقولون لابغيت سرك يطلع عطه مره (امرأه) هذي صفه سائده فينا ربي خلقنا كذا .. وإن الحرمه اكتمت السر فتره طويله لابد ان تطلعه لو بعد عشرين سنه


شكرا تباريح الروقي

[اصايل]

صدق المرأه ماتنعطى سر ... انا وانا حرمه ما عطيها سري :)

بس عادي لو احد عطاني سره لأني غيرهم ..... برااا


/

لاهنتي تباريح قصه رائعه

سلمتي يالغلا

[رايـق]

يعطيك الف الف عافيه

تباريح

بصراحه .. ممكن اي ممكن لا . بس هالامثال ماطلعت من فراغ

شكرا لك .. وتم ++

[تباريح الروقي]

ترى مو شرط اساسي=المراءة ماتحفظ السر
يعني ....من هي كتوم... وطبعا هنااك.. العكس
الجميييييييييييع منورين....شاااااااااكرة مروركم دمتم بصحة وعاااااافية’’

[مامثلي أحد]

-


كون الأمثال نتاج قصص معينة .. مالنا حق نعمم ع أساسها
فـ مو كل حرمة ماتحفظ السر .. ومو كل أمير خوّته شينة


لاهنتِ تباريح


-

[تباريح الروقي]

حياك الله مامثلي...ولا هنت
شاااااااااااااكرة مرورك,,,دومتم بصحة وعااااااااااافية’’’