~~ يمــااال السيـــل ~~

[@ عتيـبـي نجــد @]

يا شعب عامر يمال السيل = يمال همال وسميه
اخذت لي فيك يوم ولليل = واقفيت والنيه النيه
قبل امس غاداً على ماقيل = ما بين هاذي وهاذيه
في حالتن ما عليها حيل = فرقا وفي وقت عصريه
ودعت لله سنا القنديل = توديع حياً فقد حيــه
استغفر الله يادي ويل = طــراهـ قولــة وداعيــه
منها ياوجه الله الجليل=امسيت فارضً خلاويه
شلت امنيات الموادع شيل = للغير لا لـه ولا ليـه
معاد شفتك يانجم السهيل = بين النجوم السماويه
العود الازرق وريح الهيل = هبي بها يشماليه
ذكرى القا العذري الاصيل = حي الحيا والنقا حيه
اقبــّل ارض الغلا تقبيل = يا سنة الله ونبيه
اضمى وهي مثل نهر النيل = ترو العروق السناويه
في عالمي حاتمي وبخيل = عزاي طرق الهجينيه
عشق الهوى لشقر الجديل = يطري علي بالصويتيه
مهره بليا رسن وصهيل = واليا اقبلت قلت ريميه
تشرق حُلياً بلا حليل = شهد الديار الجنوبيه
يارمش ياليتني لك ميل = فدوة عيون النداويه
اللي بها صف جيش وخيل = وسيوف وصفوف جنديه
ياشعب نادابك الخليل = لبيه ياغافر السيه
ولبيه من نجد بالرحيل = لله ثم النيه النيه

[برق الحجاز]

هلا والله أخوي عتيبي نجد
أخير ا نزلت هذة الرائع وأنا كنت متأكدا أن كثرة المشاركات الوارده
عليها ستجبرك على نشرها عاجلا وهذا ما نرجوه جميعا
فنداءا عاجلا جدا لكل الشعراء الذين جاروا هذا النص بنشرمشاركاتهم مع خالص الشكر للجميع (
ياشعب عامر وعنك امحيل =ما فيك شمس ولا فية
عنك أرتفع مرقبي بالحيل=فوق اللنجوم السماوية
ماريت ماريت نجم اسهيل=يمة كرا واليمانية
نجم ورد لك بأصيل الخيل=وأقفا وله فيك مثنية
وان كان جا مع طريق السيل =نذرن علي لأنجض الكية
وأثنيه ما يارد من الغيل=وورده عد نجدية
ماني بمن يقبل اله الميل=أقول وأطول بأيديه
اللعد ما له عنه تبديل=والأرض ماهي بمرضية
ياشعب نجمي عريب أصيل=من مرشدية ثبيتية
عزه من الله وفالتنزيل=أم أفضل الخلق سعدية
والله مغني قوي الحيل=والله ما يقبل اللنية
يابو فهد صاحبي لو قيل=ما هو بمن فيد جاوية
ذيب عدى ما ألتوى باصخيل=عقيرة الذيب منقية
ماقدمه الا دعد وهذيل=نيرانهم دائما حية
وصياح راعي حلال اعقيل=شوق وطرب للشواوية
ماهو ب خوفن ولا تهويل=نبض القلوب الهواوية
دائم هل العزوالتكميل=تهوى السوالف شفاوية
وان هيجنت طرق عين وليل=ياشعب ماهي من اللنية













مع تحيات /برق الحجاز

[سمران القثامي]

الأخ الغالي / عتيبي نجد قصيدة رااائعه من شاعر يشار اليه بالبنان


وشهادتي مجرورحة مير صح لسانك مالياااااااااااااااااارونص




أخوك/ سمران القثامي

[دمـــعة غـــريق]

...................

يارمش ياليتني لك ميل فدوة عيون النداويه

صح لســــــــــانك والله

حفظك الله من كل باس صحيح قصيده ثمينه يعطيك العافيه عليها .

...............


...................دمــــــــعة غـــــــريق....................

[العود الازرق]

عتيبي نجد

عندما بدأت في قراءة هذه الرائعة قلت في نفسي

بأني سأكتب في ردي كذا وكذا وكذا ولكن......

ما أن بدأت حتى تلاشت تلك الكلمات من جوفي

اصبحت أطاردها......

طــــــــــــــــــــــــارت ولم يتبقى لي منها إلا

عبق أريجك وحرارة إبداعاتك ونَفسك الغالي في المنتدى

أعترف بأني لست مؤهلاً لأكتب ردوداً على الملاحم

ولكن هي والله من أمرني بذلك

ملحمة رائعة ارتشفتها صباحاً لتحل مكان القهوة

وأنا الآن أمني نفسي بصباح جميل كهذا الصباح .. فهل يتكرر ؟

فأنت ومن شابهك هو من يجبرنا على العودة بلهفة

لتصفح المنتدى والاستمتاع الى حد الإشباع

لم يبقَ لي الا أن أقول :

حرسك الله من كل عين صائبة

ومن كل نية سوءٍ غائبة




أخوك / العـــــود الأزرق

[ابـو سعـود]

صح لساااااااانك ياعتيبي نجد وبالصراحه من اروع قصائد هذا الشهر على

مستوى جميع المنتديات وسجل اعجابي بها طال عمرك

وصح لسان شاعر الشبكة برق الحجاز على المجاراه الاكثر من رائعه وكعادته

يتقن في رسم اللوحة الفنيه باتقان :)

[و ر ا د]

عتيبي نجد




عاشق من الدرجة الاولى





الف صح لسانك وجاد بنانك

[الحصان]

مجاراه لقصيدتي الشاعرين بندر بن حسين المرشدي و برق الحجاز

بندر غدا بين حط وشيل = نجدي ويبغا حجازيه
فالديره اللي غزاها الفيل = يوم أبرهه ساق مركيـّه
نسي التشهـّاد والتهليل = بين الحرم واليمانيه
يابو محمدعلى ماقيل=حايريبا شوف حوريه
شفق ٍ على راعي المنديل = عقب الوعود الشفاويه
والعزف والرزف والتطبيل = مع شف باله ومبغيه
مجمولة ٍ ماتبا تجميل = من غانيات السعوديه
تفوق بالزين كل الجيل = فتنه وحكمه إلآهيه
ميزاتها صاغها فالقيل = على سلوم الهواويه
لو كان ماترغب التبجيل = فيها الثقه والرمانسيه
من حبها يكره العذ ّيل = لكن دنياه ملويه
وإن كان طو ّل عليه الطيل = حر ّم جميع العتيبيه
ماعاديبغاخيارالخيل=هدباانزحي والصويتيه
يسري ليا طـفـّوا القنديل = في شعب عامر وفي حيه
يقفي ويقبل وصبره عيـل = هايم ودعواه مقفيه
من دونها شايب ٍ حلحيل = يعرف دروب الحراميه
وابو حسين يحفن ويكيل = ماهوب راعي دوينيه
وابليس قدمه يهز الذيل = وأخاف يرميه في خيـّه
يالله ياللي تعدل الميل = تنجيه يادافع السيه

[العود الازرق]

وصح لسانك

وعز الله انك حصان

كفيت ووفيت

[عبدالعزيز الجلادي]

رائع


رائع



رائع




سلم بوحك


وقلبك



صح لسانك ولاهنت يا غالي

[برق الحجاز]

هلا والله أبو فهد كفو أظهر وبان يارجل من زمان ما سمعنا هالصوت الحلو أي والله



مجاراة جميل بلا شك واللي زادهاجمال انك وصلت الحلبة على قول

عمير بن زبن البراق:

(القاف شاب ولا بقا الا الفذاذة=خذتوه عني كلكم وأين أبا أروح)

وعلى قول الحميدي الحربي :

(زهر المعاني خذوه وجيت أنالروض عساس=ماقدمي الاحتات أوراق وغصونا يباسي)


ولكن ماشاء الله عليك يابو فهد الحقيقة انك بدعت من جد بهذة الرائعة

والتي لم تصلني كاملة بالجوال ...


وياحبذا لو شفنامجارات بعض الربع قبل نكشفهم ونقول ألاسامي....

..هاه ... ترى صبرنا كثير ياشباب.....!!!!!!!!؟؟؟؟؟؟؟؟؟؟؟؟


أكرر أعجابي الشديد بمجاراتك أخوي أبو فهدوالتي تدل على ممارسة

وبراعة تؤكد(عدم صحة القول بأن القاف يشيب أمام شاعر له الباع

الطويل في معالجة الكلمة وموهبة تمتلك الصور والايحاءات لحروفها

وصوتياتها)في هذا المجال ولا شك.

وخله يجيني مع طريق السيل ووريك وش أسوى فيه !!!!!!؟؟؟





لك تحيات أخوي أبوفهد وللجميع/ أخوك برق الحجاز

[@ عتيـبـي نجــد @]

الاخوه والاخوات الكرام
اسف للتاخير
ولكن اسمحولي بالرد على
الاستاذين القديرين / ابو محمد , ابو فهد



ياضامي العذب سل ... سبيل = سقياك عيناً هلاليه
مامن سحابً تعدى حيل = حتى لو الارض سيليه
امسيت برق الحجاز اخيل = يوحي بشارات حرفيه
وارزم صدى البرق بالتحليل = يبحث ملفات سريه
النور يدعيه لتفصيل = نيه ولاهي لعانيه
الصدر معجم تراث وجيل = حوزه ولاهيب دينيه
لقى على ماجمع تفضيل = وجاله مع الناس شعبيه
وكل يحلل وله تأويل = والناس ماهي سواسيه
يابو محمد جب الدليل = ومخططات البلديه
مابينك وبينه الا ميل = اكثر من الكيلو شويه
واللي بعث بالوحي جبريل = موحى لسعدون خافيه
وابليس ملعون فالانجيل = وكل الاديان السماويه
امكبلاً في منى تكبيل = ماله علي الا الاثفيه
انا ارتجي منجي الدخيل = اسال فضله وعفويه
جايل حمام الحرم هديل = حولي ومن حول قمريه
واصحابنا مابهم تقليل = اصواتهم تنحسب ليه

[@ عتيـبـي نجــد @]

برق الحجاز
كل حرف تكتبه
في حقي اقدره
واعتزبه سلمت استاذي
ولك تحياتي

[@ عتيـبـي نجــد @]

سمران القثامي
هذه شهاده اعتزبها
والله لايحرمني متابعتك
ولك خالص شكري

[@ عتيـبـي نجــد @]

الاخت / دمعة غريق
صح بدنك
الاثمن مرورك وتعليقك
الف شكر

[@ عتيـبـي نجــد @]

العود الازرق
اخي القدير
لكل حرف تكتبه تجاهي معنى
اعتز وافتخر بان كل هذا الكرم
لي انا ولو انني حاولت ان اصفك
او امتدحك فلن اجد اروع واجمل
منك العود الازرق
سلمت والله لايحرمني امدادي بالتواصل
وهو وجودك الراااااااااااائع ومتابعتك

[@ عتيـبـي نجــد @]

ابو سعود
حي والله هالراس
وتسلم على هالاطراء
واشكرلك تشجيعك لي
واعتز به

[@ عتيـبـي نجــد @]

وراد
هلاااا والله
بهالمرور والمتابعه
لاعدمتك اخوي
ولك تقديري

[@ عتيـبـي نجــد @]

عبدالعزيز الجلادي
هلااااا والله ومرحبا
الرائع تواجدك ومرورك

[برق الحجاز]

(أشر عليهاوعنها حيل ) برق الحجاز

17/3/1425


هذة المجاراة هي الرد الخامس والثاني مني على رد لأخوي عتيبي نجد.على مجاراتي ومجارات أخو سعدون لقصيدته

والصحيح (أنها معارضات لا مجاراة)

فالمجاراة ( مواكبة قلبا وقالبا)

والمعارضة واضحة ( مفارقة كلية وان وتزيت بزييها قا لبا - لحنا وقافية -)


ولأنني كنت فالمعارضة صارم في تعمد مجا نبتي للتيارالذي بدأ العا صفة رغم تعرضي لمعاناته كثيرا
فانه فرض نغسه هنا مخصص بعنفوان الشوق ثلاثة أبيات في مطلع المجاراة .
فحييته بصغحة مستقلة بعد أذن أخوي عتيبي نجد.

ولم احرف فيه وفاءا للشوق اذ انني لا أنشر كثيرا مما أكتب بصراحة ....

====================


(( ياحيل.ياحيل.ياحيل.(يجزاك عن ذي وعن ذية).))برق الحجاز



(غنى وأناأقول له ياحيل=يجزاك عن ذي وعن ذيه)

(اقصيرة ماتبى تطويل==========لكن سمعني أشوية)

(رقص لي الروح بالترتيل==وأعطيك فكري وعينيه)

(اماحلال على قابيل=======والأ قبضنا الحبرتية)

==========

(قال اسمع أسمع من الكوكتيل=فقرة عن الناس مخفية)

( العمرما يقبل التحويل=====والعذريوحي بمرثية)

(يابومحمد عن التعديل=========لا يازبون الجلاوية)

(باح الصبروالعزا تعليل...?= من كف يمناك للحيه)

===========

(ياهي من أسباب للتعطيل= لين أسعرت روحه وجيه)

(واقسمت مابي غوى التنكيل===لكن أبعد طواريه)

(أشوف وأغضي وأقول اقبيل=من فضل ربي وأهاليه)

(يالادثابت عن التمثيل ====جا للمعاني غناوية)

=========

(جواب صدى الفعل للتمويل=== ماعادهي للسناوية)

(قلب العنا للشقا شمليل====والحرف ماروى هقاويه)

(على نقاالجوربالتسهيل=========تطرفو ياشوردية)

(الموت في جيب عزرائيل======والبيض والسمرهندية)

=========

(شب الظما في عروق اكحيل=يا وأين هي شبة الضيية)

(ياعلها تشهله تشهيل========لعيون حيدي وحاديه)

(يبري لظاهاجروحن هيل======وأشوف بالسيف وش فيه)

(وأنما سجد لي غني وابخيل======ماكون أناحامي الهيه)

=========

(اللي خلقني لكل امعيل=من مبسم الموت وأشفيه)

(لن قابلت أهلتها تهييل====ولحرفي أرواح مطويه)

(على النقا والعباد اتخيل===أطوع أنسه وجنيه)

(ياسامعن صوت من لاسيل====عن شرها خط واخطية)

===========

(لوهوتحمال على ها بيل==فالحق ما جامل أوخيه)

(يقول ياأهل الضمار الحيل==كلاعلى وسق ريمية)

(قدام يقفي دلو بحبيل====ويشين ميرادها الرية)

(يابندر أسمع عن التضليل===ما به معزة بحنية)

===========

(الظن مالك عنه تمهيل====هبت شمالك حياوية)

(لا تأخذ السالفة تشكيل==سمعني أطرف عزاويه)

(أشرعليهاوعنهاحيل=بأ رواح ربع الشهامية)

(أبوفهدعمها الحلحيل====ماأصخاك ولا بمصخيه)

========

(وأبومحمدزبون العيل=========خلق مخصص لهاهيه)

(والامرياذيب بالتعجيل====هي طلبة منك مرجية)

(وأشعل لها حايزلاشعيل= يرخص لك الكون وأنسيه)

(واسلم ترى ما قصرتوصيل==تعبيردام اللغة حية)

========

( يادوب اهيجن لها واتسيل=جزلة لعيني وعذرية)

(والله والله عن التحليل========لموت لولاغوانيه)

(لاضاقت أزعج لهاواتحيل======بالطير روضن ببرية)

(................؟؟؟؟===ياحي صوته وفرحيه)

======================

================

==========

=======



مع تحيات / برق الحجازRM

[@ عتيـبـي نجــد @]

يابو محمد قد افتر نون = ما باقي الا نجليزيه




اخي العزيز / ابومحمد

احمد الله عزوجل انه ماخلق مرض
والا كان والله لتبطي مطاولنا ...:D:D
واثني على مولاي انه خلقك نفس طويل في تسطير الحروف
واخراجها من تحت انقاض السكوت
بختصار انت جم من الشعر لا ينضب
سلمت.....

[عبد ربّه العازمي]

بندر المرشدي


برق الحجاز



سعدون الهرس




عساني والله ما اعدمكم ياطويلين العمار ،


شعراء بمعنى الكلمه ، وتصخير قصايد صح ، لاهنتوا .

[برق الحجاز]

الله يمسيك بالخير




لا يابو حسين.... لا يابو حسين....لا يابو حسين ..وزنت بلوفي بها لمرض وزن...ولعينك انشرها كماهي ..فياما تخفيت وجاملت وبعدت صحها ... ..ولك عليه عهدلحسد البشرعلى حقيقة مالم ينشر ياصل لصحها والأ عمره ما وصل ...


لاشك ان اللغة لن تعجز عن التعبير


اطلاقا



والحمدلله


هذا بالنسبة للسان أما الجن والجنان فحدث ولا حرج..



بدليل ..

لدي آلفية شعبية تعد الاولى فالشعر الشعبي


ربما وصلتك منها أبيات..ومنها توقيعي



ومطلعها

(ياذيب ياعاوي بروس المشاريف..........في ديرة من دون صوتك مخيفة)



بينت لي استحالة اللغة عن التعبير مها كان المهم الملك الشعر ية

فالصانع الحرف والكلمة هو الغناء لاشيء غير الغناء يابو حسين أبد وهذا بوح خاص لك لم يصل له علماء العرب اطلاقا ؟


ولك تحياتي


أخوك / بو محمد

[جهز الهرس]

الاخ الشاعر المبدع

عتيبي نجد صح لسانك

على القصاالممتازه الذي اعجبتني

واقول صحت السنت الشعراء الي

جاروك بقصايد مماثله

واناتمنيت اني مجاريكم ولاكن سبقتوني

على المواقف الجزله ياهل الكلام الجزل


وتقبلوتحياتي

[@ عتيـبـي نجــد @]

الشاعر القدير / عبدربه العازمي
تسلم اخي العزيز لاهنت
نعتز برايك
ومرورك
لك تقديري

[@ عتيـبـي نجــد @]

ابو محمد
برق الحجاز
الله يمسيك بالانوار وريح الازهار وصوت الشعار
تكرم يابو محمد انت منت بسياره ازن بلوفك:):)
انت شاعر واخ قدير
ولاتنسى اني اقول لو انك !!!
ولاتنشر الا الصح ولا يردك الالسانك يالعتيبي
قل ماتوده ...
ولك تحياتي[/COLOR]

[@ عتيـبـي نجــد @]

الاخ القدير/ جهز الهرس
صح بدنك ولاهنت
هاذي شهاده نعتز بها
ويكفيني مرورك ومتابعتك
لا عدمتك

[الدجيما]

ماعاد بقي لباقي المشاركات جمال بعد هالجواهر مانقول الا تسلم

ياعتيبي نجد ويابرق الحجاز ولا ننسى النجم ابو فهد سلمتم ودمتم.




الدجيما

[برق الحجاز]

الله صبحك الله بالخير أخوي عتيبي نجد




أولا السموحة طبعك وهذا لاشك فية




ثانيا :أخوي ترى فهمتني خطاء في مسألة الوزن فهو هنا بينت ما خفي !!!!لا أقل ولا أكثر(أي عندنا يابديوي بحثت الخافي -والخافي هنا ما جن اللشوق لا أقل ولا أكثر)


هذا كل ما في الامر دع التفسيرات الاخرى فكلانا غنيا عنها وأسمى من طاريها طال عمرك



أما((( لو)))...فدعها فانها تفتح عمل الشيطان




لك خالص الود والتقدير





أخوك /برق الحجاز

[@ عتيـبـي نجــد @]

اخوي / الدجيما
سلمت ويعطيك العافيه
شكراً لك

[عبد ربّه العازمي]

قصايد جميله تشكرون عليها

[هداج تيما]

عز الله

أنها شامخه بالفعل

تسلم ياعتيبي نجد

ولا لا يحرمنا من إبداااااعااااتك

[@ عتيـبـي نجــد @]

تشكر ياعبدربه العازمي

[@ عتيـبـي نجــد @]

الشامخ راسك ياهداج تيما
تسلم على مرورك ومتابعك
لاعدمت تشجيعك

[فارس عتيبة]

صح لسانك عتيبي نجد
على هذة الراعة
والى الأمام

[إبن ثعلي]

شكرا لك يافارس على رفع قصيدة عتيبي نجد وبرق الحجاز والحصان واللتي رغم قدمها في المنتدى الا انني لم اطلع عليها غير اليوم بسبب رفعك لها ولقد اجادوا ونظموا روائعا من عيون القصائد
تحياتي