تفضلوا وحلوا اللغز (محلول) من وجودك يكفي

[مدهـال]

السلام عليكم ورحمة الله وبركاته

هذا لغز جديد ارجوا ان ينال إعجابكم

ولاداعي للبحث عنه فالعم قوقل



ياويش عذراً فالبني شانها شان=مقروع باغيها ولو طق زيره
هاوت لها غروٍ على مر الازمان=يشتاله الرجال قدم المغيره
ضافوا عليه البنت ثم صار عنوان=يدرى بنات البنت عن كل عيره

[وجودك يكفي]

عليكم السلام ورحمة الله وبركاته

حياك الله يامدهال وعوده حميده وسعداء بوجودك يالغالي

صح لسانك وبيض الله وجهك على اللغز الوافي والجزل
وش تقول طال عمرك في الجزيرة وهاوت الدرع
والدرع يلبسه المقاتل وقت المغيره وفي المعركه
ضافوا على الدرع اسم الجزيره وصار درع الجزيره ويحفظ دول الخليج

[{ أبوفيصل }]

صح لسانك يامدهال
مرحبا ومن طوّل الغيبات جاب الغنايم ،، وينك يارجـل
عليم الله قبل اسجل دخول سبقني وجودك :15: ولاّ والله أول ماطرى علي عزالله
لكن وجودك يكفي لاغرابه قناص من اول وهله

فكني من وجودك يكفي يامدهال يدحمني بـ متنه وجنبه وكسّر ضلوعي :20:

[مدهـال]

ابو ناصر

ياخوك كان خليته يتنسّم لو شوي لو تنفّس صناعي


خليجي حياك الله وتشرفت بتواجدك يالغالي

[وجودك يكفي]

فكني من وجودك يكفي يامدهال يدحمني بـ متنه وجنبه وكسّر ضلوعي :20:

هههههههههههههههههههههه

[وجودك يكفي]

ابو ناصر

ياخوك كان خليته يتنسّم لو شوي لو تنفّس صناعي



كان ودي ولكن قلت بذبحه قبل يشوفه خليجي

الله يعطيك العافيه يابوفواز وبإنتظار جديدك من الألغاز ولآهنت وأنا اخوك