عادل العصيمي
02-22-2011, 06:49 PM
بسم الله الرحمن الرحيم
كما وعدناكم بتنظيم مسابقة شعرية وهي عبارة عن مجاراة للبيت
اذا سمعت أذان ربي يناديك
................أرم اللحاف وقوم وألحق صلاتك
وأشكر الشعراء المشاركين بالمسابقة وأتمنى لهم كل التوفيق
أرجوا من الأعضاء الكرام الترشيح للمراكز الأول والثاني والثالث
اذا سمعت أذان ربي يناديك =ارم اللحاف وقوم واِلحق صلاتك
الله حفيظٍ لاحفظته يراعيك =دام الصّله مابين ذاته وذاتك
خلّ الجوارح خاشعه بأمر واليك =في طاعته تلْقا الأمان ونجاتك
اعرف صلاة الفجر نورٍ يجاريك =وللوجه نورٍ تهتديبه جهاتك
في ذمته تبقى ويرفع حسانيك =ويبدّل السيّات لك بحْسَناتك
والله على ماينوي القلب يجازيك =والعين فيما ترضي الله مِراتك
يسدد اخطاك ويْتَحقق أمانيك =ويذلّل الصعبات ويصْلح حياتك
ولْيا الْتهَيْت احرص وفتّح أذانيك =وأدرك حياتك قبل يحضر مماتك
اذا سمعت أذان ربي يناديك =ارم اللحاف وقوم واِلحق صلاتك
واقول انا قبل الندا في مواضيك=ثم سابق المذن بسرع خطواتك
لانادت همومك بعضها بقاصيك = قل هذي اخر مابقى من حياتك
وانحر جيوشن وسط صدرك مباريك=واغلق مايوصلهن من اربع جهاتك
جربتها والله وليي وواليك= ولقيتها لاتعابي اسلاح فاتك
هذي عمود الدين من دون تشكيك=اعملبها حتى تجي من صفاتك
واخشع بقلبٍ حاضرن مايسهيك=من خشعته عينك تهل اعبراتك
واطرح ذنوبٍ فوق متنك تعنيك= مايذهب السيه سوات حسناتك
وابشر بعفو الله لازانت مساعيك=لومابه انسانٍ يسوي سواتك
لايغرك الباشه ولايغرك البيك = اللي تيبس ارصدتهم لهاتك
ترى الله المالك وحنا المماليك = وترى العمر ايام وبعده مماتك
اذا سمعت آذان ربك يناديك = ارم اللحاف وقوم والحق صلاتك
وأكثر سجود الليل واخشع لواليك = لعل سجدة ليل تكتب نجاتك
والفجر قرآنه يعزك وينجيك = في يوم ماينفعك كود احسناتك
ودوّر على اللي قد ظلمته وانا اخيك = علّه يبيحك قبل تاتي وفاتك
يالعبد حسّن مابقى من تواليك = ياقرب والله من حياتك مماتك
تكفي ذنوبك لو تعوّد لماضيك = تلقى بلاوي سجلت في حياتك
هذي نصيحة صغتها بين أياديك = أهديتها منّي لذاتي وذاتك
يالعبد حسّن مابقى من تواليك = قدام لاتدفن وتعلن وفاتك
تحياتي للجميع
,
كما وعدناكم بتنظيم مسابقة شعرية وهي عبارة عن مجاراة للبيت
اذا سمعت أذان ربي يناديك
................أرم اللحاف وقوم وألحق صلاتك
وأشكر الشعراء المشاركين بالمسابقة وأتمنى لهم كل التوفيق
أرجوا من الأعضاء الكرام الترشيح للمراكز الأول والثاني والثالث
اذا سمعت أذان ربي يناديك =ارم اللحاف وقوم واِلحق صلاتك
الله حفيظٍ لاحفظته يراعيك =دام الصّله مابين ذاته وذاتك
خلّ الجوارح خاشعه بأمر واليك =في طاعته تلْقا الأمان ونجاتك
اعرف صلاة الفجر نورٍ يجاريك =وللوجه نورٍ تهتديبه جهاتك
في ذمته تبقى ويرفع حسانيك =ويبدّل السيّات لك بحْسَناتك
والله على ماينوي القلب يجازيك =والعين فيما ترضي الله مِراتك
يسدد اخطاك ويْتَحقق أمانيك =ويذلّل الصعبات ويصْلح حياتك
ولْيا الْتهَيْت احرص وفتّح أذانيك =وأدرك حياتك قبل يحضر مماتك
اذا سمعت أذان ربي يناديك =ارم اللحاف وقوم واِلحق صلاتك
واقول انا قبل الندا في مواضيك=ثم سابق المذن بسرع خطواتك
لانادت همومك بعضها بقاصيك = قل هذي اخر مابقى من حياتك
وانحر جيوشن وسط صدرك مباريك=واغلق مايوصلهن من اربع جهاتك
جربتها والله وليي وواليك= ولقيتها لاتعابي اسلاح فاتك
هذي عمود الدين من دون تشكيك=اعملبها حتى تجي من صفاتك
واخشع بقلبٍ حاضرن مايسهيك=من خشعته عينك تهل اعبراتك
واطرح ذنوبٍ فوق متنك تعنيك= مايذهب السيه سوات حسناتك
وابشر بعفو الله لازانت مساعيك=لومابه انسانٍ يسوي سواتك
لايغرك الباشه ولايغرك البيك = اللي تيبس ارصدتهم لهاتك
ترى الله المالك وحنا المماليك = وترى العمر ايام وبعده مماتك
اذا سمعت آذان ربك يناديك = ارم اللحاف وقوم والحق صلاتك
وأكثر سجود الليل واخشع لواليك = لعل سجدة ليل تكتب نجاتك
والفجر قرآنه يعزك وينجيك = في يوم ماينفعك كود احسناتك
ودوّر على اللي قد ظلمته وانا اخيك = علّه يبيحك قبل تاتي وفاتك
يالعبد حسّن مابقى من تواليك = ياقرب والله من حياتك مماتك
تكفي ذنوبك لو تعوّد لماضيك = تلقى بلاوي سجلت في حياتك
هذي نصيحة صغتها بين أياديك = أهديتها منّي لذاتي وذاتك
يالعبد حسّن مابقى من تواليك = قدام لاتدفن وتعلن وفاتك
تحياتي للجميع
,