الخطر القادم
01-29-2011, 06:00 PM
قصيدة لوالدي / ضيف الله بن هنيدس العضياني ...
في الأوضاع المعيشيّة الراهنة لبلدنا الغالي يتطرّق فيها لبعض السلبيات ...
التي أصبحت حجر عثرة في طريق السعي نحو التطوير والإرتقاء ...
بالمستوى المعيشي والفكري لمجتمعنا , والدفع بعجلة التنمية .. .
نحو الأمام وغيرها من الأهداف الرئيسيّة ...
التي تسعى حكومتنا الرشيدة وفقها الله ...
إلى ترجمتها إلى أرض الواقع ...
ليتني في عالم البادية ما زلت أسير=جاهلٍ في عالم إقرأ ونشراتٍ تذاع
ولا عرفت إنّ الوطن والمواطن كالأسير=رغم خيرات الوطن عندنا ناسٍ إجياع
البَعَضْ يشرب ضحلْ والبَعَضْ يشرب غدير=والبعض ما بين رحله وصالات إجتماع
أعترف بـ ( اني ) فالاحداث ذو باعٍ قصير=أكره الضوضا و احبّ الهروب إمن النّزاع
لست الاعشى بل ولا نيب في خانة جرير=ولا درسنا لا سياسه ولا علم إجتماع
وقد نصحني واحدٍ قال لي عش يا فقير=لا تغوص البَحرْ والناس من مثلك وجاع
البحر مدّ وجزر وانته إسلوبك مثير=و التطام الموج بين إنخفاضٍ وإرتفاع
والاسود هناك وهناك في حالة زئير=قلت أنا اصلا ً لقمةٍ سايغه للإبتلاع
والنصيحه واصله وانت شكرا ً يا خبير=يبدوا إنّك رايق البال من ناسٍ شباع
كيف يستوعب نصيحتك مجروح الضمير=من خطا مثل القمر ما يغطيه القناع
سوف اعبّر عن شعوري وليسْ أيّ إتعبير=أمتطي صهوة جوادي بقدر المستطاع
إن بلعني بحر قومي فـ ( انا ) سبعٍ صغير=ومن طباع إقنوص قومي يصيدون السّباع
وإن قذفني بحر قومي فمحتوم المصير=كيف أبا ابقى دايم ٍ مع حياتي في صراع
نبع خيرات الوطن سلسبيلٍ له خرير=يشربه غيري و انا خايفٍ مثل الوراع
أشرب الضحل العكر وازعبه من قاع بير=وإنتشدّق بالعداله وحسن الانطباع
بعضنا محسود لو لقمته حبّة شعير=وبعضنا يآكل بكفّين واحلوقن وساع
وبعضنا ينام جوعان وفراشه حصير=وبعضنا لو إنّ جسمه يشوف الشمس ماع
وبعضنا بـ ( اثنين ) مليون يشري له بعير=وبعضنا يبغى رضاع الرضيع ولا استطاع
الرضيع اللي من الجوع غادٍ له صرير=يِسهر أمّه بعض الاحيان ما حصّل رضاع
والمعيشه من غلاها بربي نستجير=ولا نشوف إلها من الحل لو لمعة شعاع
والبطاله جوّها فوقنا دايم مطير=ولا نشوف لسحبها فرصةٍ للإنقشاع
والحوارات العقيمات بشّر يا بشير=كم سمعنا من حوارات من غير إنتفاع
وكرروا تحيا العداله لتبجيل الوزير=بس قولوا يا وزير العداله لا تباع
القطاع بكل ما فيه ملكٍ للمدير=العداله فالقطاعات في حالة وداع
كل شي بواسطه أو بتوجيه إمن امير=او سماسرة الرشاوي خبيثين الطباع
والزياده مكرمه ما يقوم إبها البعير=فالميه خمسة عشر آيله للإمتناع
والمدايح فجّرة روسنا عبر الاثير=إمتلت منها الجماجم بنوبات الصّداع
والبلد واحات مليانةٍ خيرٍ كثير=الذياب إتجوع فيها وتاكلها الضّباع
والخبرْ محجوب عن راعي القلب الكبير=عندنا كذبة تقارير في حجم القلاع
النفاق اللي فـ ( الإعلام ) شرٍّ مستطير=كل مدّاحٍ يبي نوب مدّ ونوب صاع
يا اعلمانا يا فنانير للساحه تنير=إبذلوا جهد النصيحه لتثبيت الشّراع
كل موضوعٍ كبيرٍ يبي جهدٍ كبير=وكل تقصيرٍ يعرّض بلدنا للضياع
أنتم أفضل كل من يستشار ويستشير=ارفع الامّة من المنحدر للارتفاع
بلّغوا حكّامنا قولوا الموقف خطير=وقابلوا حسن التجاوب بحسن الاستماع
إمكنوا الموضوع لا ينقطع سلك الحرير=الضغوط الزايده تنتهي بالارتجاع
إبن ابي سفيان قد قال له قولن شهير=شعرةٍ قد قال لن تنتهي بالانقطاع
واختلاف الراي في مجتمعنا شي غير=لو حصل شبر اختلاف إتّسع مليون باع
تجربة نكبات الاوطان للعاقل نذير=ما صلح حاكم ومحكوم والعالم جياع
كل ذيب يجوع يفرس ولو عظمه كسير=ما تغيّر فطرة الله سواليف الخداع
ما يصير إصلاح جوعان والله ما يصير=ولا كُسب حبّ الجماهير مع ليّ الذراع
في الأوضاع المعيشيّة الراهنة لبلدنا الغالي يتطرّق فيها لبعض السلبيات ...
التي أصبحت حجر عثرة في طريق السعي نحو التطوير والإرتقاء ...
بالمستوى المعيشي والفكري لمجتمعنا , والدفع بعجلة التنمية .. .
نحو الأمام وغيرها من الأهداف الرئيسيّة ...
التي تسعى حكومتنا الرشيدة وفقها الله ...
إلى ترجمتها إلى أرض الواقع ...
ليتني في عالم البادية ما زلت أسير=جاهلٍ في عالم إقرأ ونشراتٍ تذاع
ولا عرفت إنّ الوطن والمواطن كالأسير=رغم خيرات الوطن عندنا ناسٍ إجياع
البَعَضْ يشرب ضحلْ والبَعَضْ يشرب غدير=والبعض ما بين رحله وصالات إجتماع
أعترف بـ ( اني ) فالاحداث ذو باعٍ قصير=أكره الضوضا و احبّ الهروب إمن النّزاع
لست الاعشى بل ولا نيب في خانة جرير=ولا درسنا لا سياسه ولا علم إجتماع
وقد نصحني واحدٍ قال لي عش يا فقير=لا تغوص البَحرْ والناس من مثلك وجاع
البحر مدّ وجزر وانته إسلوبك مثير=و التطام الموج بين إنخفاضٍ وإرتفاع
والاسود هناك وهناك في حالة زئير=قلت أنا اصلا ً لقمةٍ سايغه للإبتلاع
والنصيحه واصله وانت شكرا ً يا خبير=يبدوا إنّك رايق البال من ناسٍ شباع
كيف يستوعب نصيحتك مجروح الضمير=من خطا مثل القمر ما يغطيه القناع
سوف اعبّر عن شعوري وليسْ أيّ إتعبير=أمتطي صهوة جوادي بقدر المستطاع
إن بلعني بحر قومي فـ ( انا ) سبعٍ صغير=ومن طباع إقنوص قومي يصيدون السّباع
وإن قذفني بحر قومي فمحتوم المصير=كيف أبا ابقى دايم ٍ مع حياتي في صراع
نبع خيرات الوطن سلسبيلٍ له خرير=يشربه غيري و انا خايفٍ مثل الوراع
أشرب الضحل العكر وازعبه من قاع بير=وإنتشدّق بالعداله وحسن الانطباع
بعضنا محسود لو لقمته حبّة شعير=وبعضنا يآكل بكفّين واحلوقن وساع
وبعضنا ينام جوعان وفراشه حصير=وبعضنا لو إنّ جسمه يشوف الشمس ماع
وبعضنا بـ ( اثنين ) مليون يشري له بعير=وبعضنا يبغى رضاع الرضيع ولا استطاع
الرضيع اللي من الجوع غادٍ له صرير=يِسهر أمّه بعض الاحيان ما حصّل رضاع
والمعيشه من غلاها بربي نستجير=ولا نشوف إلها من الحل لو لمعة شعاع
والبطاله جوّها فوقنا دايم مطير=ولا نشوف لسحبها فرصةٍ للإنقشاع
والحوارات العقيمات بشّر يا بشير=كم سمعنا من حوارات من غير إنتفاع
وكرروا تحيا العداله لتبجيل الوزير=بس قولوا يا وزير العداله لا تباع
القطاع بكل ما فيه ملكٍ للمدير=العداله فالقطاعات في حالة وداع
كل شي بواسطه أو بتوجيه إمن امير=او سماسرة الرشاوي خبيثين الطباع
والزياده مكرمه ما يقوم إبها البعير=فالميه خمسة عشر آيله للإمتناع
والمدايح فجّرة روسنا عبر الاثير=إمتلت منها الجماجم بنوبات الصّداع
والبلد واحات مليانةٍ خيرٍ كثير=الذياب إتجوع فيها وتاكلها الضّباع
والخبرْ محجوب عن راعي القلب الكبير=عندنا كذبة تقارير في حجم القلاع
النفاق اللي فـ ( الإعلام ) شرٍّ مستطير=كل مدّاحٍ يبي نوب مدّ ونوب صاع
يا اعلمانا يا فنانير للساحه تنير=إبذلوا جهد النصيحه لتثبيت الشّراع
كل موضوعٍ كبيرٍ يبي جهدٍ كبير=وكل تقصيرٍ يعرّض بلدنا للضياع
أنتم أفضل كل من يستشار ويستشير=ارفع الامّة من المنحدر للارتفاع
بلّغوا حكّامنا قولوا الموقف خطير=وقابلوا حسن التجاوب بحسن الاستماع
إمكنوا الموضوع لا ينقطع سلك الحرير=الضغوط الزايده تنتهي بالارتجاع
إبن ابي سفيان قد قال له قولن شهير=شعرةٍ قد قال لن تنتهي بالانقطاع
واختلاف الراي في مجتمعنا شي غير=لو حصل شبر اختلاف إتّسع مليون باع
تجربة نكبات الاوطان للعاقل نذير=ما صلح حاكم ومحكوم والعالم جياع
كل ذيب يجوع يفرس ولو عظمه كسير=ما تغيّر فطرة الله سواليف الخداع
ما يصير إصلاح جوعان والله ما يصير=ولا كُسب حبّ الجماهير مع ليّ الذراع