عبر الكود

[محمد بن دغيم السميري]

ابيات كيبورديه


سلام الله سلامٍ نرسله ويروح عبر الكود=لشيخ عتيبه الهيلا وقائدها وحاكمها
سمي عمر جدّه نسل ماجد منقذ المضهود=وشيخ شيوخنا وابن الشيوخ اللي قدايمها
تجملهم مع عتيبه ومع حكامنا ال سعود=من ايام الخوان اللي معصبةٍ عمايمها
لحضرة سيدي شيخ الشيوخ وخيرة الموجود=سلام وخطة التسليم دارسها وراسمها
انصيها عمر وكان عنده فالمحل وفود=ليا جاته على كيفه لمن يرغب يقسمها
ليا عشى الضيوف تسدهم وتنوب دون العود=تحية طيب لأهل الطيب ماكل يقيمها
اكود عمر وامثاله شيوخ الموقف المشهود=شيوخ ٍ فالوجيه تبيّن الشيخه معالمها
تذكرتك وانا في مصر دار ٍ جيتها محدود=ولاهزت شعوري يالامير احلى نسايمها


للابيات بقيه لم يسعفني الوقت لطباعتها وسوف اضيفها هنا لاحقاً

محمد دغيم السميري.. شرم الشيخ1432/1/15هــــــــ

[وجودك يكفي]

يستاهل الامير عمر شيخ الشيوخ عسى الله يحفظه ويجعله ذخر لنا

صح لسان يامحمد بن دغيم وبيض الله وجهك
قصيدة جزله من شاعر كبير وغني عن التعريف

[النجم الأصيل]

بيض الله وجهك يابن دغيم جزلة من جزل

للأمير ويستاهل وشيخ الشيوخ مهما قلنا لن نوفيه حقه

عساه ذخر لعتيبة

والله سررت بهذه القصيدة

كل التحايا

[شموخ طفله]

قصيدة رائعة رسمتها بريشة تنزف بكـ و تجذب ناظرها إلى الإبحاروالتعمق فيها والغرق بين سطورها لاكتشاف المزيد ولكن ؟؟! لا مزيد ! أتمنى لكَ من الخير أكثره ومن السعادة أجلاها .. دمت باحساسكـ المرهف

[شيخ الشيوخـ]

الشاعر الغالي / محمد السميري

الله يرفع مقامك والله انها تاجٍ على الراس
مثل معرفتك اللي اعدها تاجٍ على الراس

ومقامك تعرفه من دون لا اقوله

شرفتني واكرمتني

وعلومنا برا الموقع كبارها وصغارها

والله اني بغيت ارد وازريت يعلم الله

مني الثناء والتقدير والمحبه يابوعمر

[فهيد مقعد الرويس]

يستاهل ابورحيم الله يطول عمره

ويطول عمرك يابوعمر

وصح لسانك

اطيب تحيه