لغز جديد ،، حله الصهد ،، صح لسانه

[سعد الشدادي]

انشـدك عن رجّالٍ في بطـن حـيه = حِيي عقب مامات ومات في جسم حي
فـي عصــرنا الحــالي وبالجــاهليه = اشـتـالـــه اللــي فيـــه مغـــــرم ومـبـلـي

[{ أبوفيصل }]

صح لسانك ياسعد على هاللغز الرائع

عذراً تم تنيسقه ويبدولي كتبته وانت مستعجل

ياليت توضح لنا معنى اشتاله ماعليش التفكير عندي هاليومين مشتول ههههه
والبحث جاري على قدم وساق

[فهيد مقعد الرويس]

صح لسانك

ياسعد

والتفكيرجاري

تحيتي وتقديري

[سعد الشدادي]

يعطيك العافيه اخوي على التعديل وصح بدنك
اشتاله -احمله
بعدين اخوي اول كلمه حيي يعني عاش مره ثانيه وليس حيً
اللغز ليس لي بل لرجالً شرواكم واسمه عبيد بن رثيع

[آلعطـ خ ــآوي]

وش ريك في آلعصآب

[سعد الشدادي]

صح بنك يابن مقعد ولا اوصيكم عليه اعطبوه

[الصهد]

صح لسانك يالشدادي مهوب الوسم اللي ياسمون به البل عطايا الله والسلام عليكم

[سعد الشدادي]

اخوي العطاوي مالك لوا

[سعد الشدادي]

اخوي الصهد صح بدنك
كيف وسم وياسمون به البل

[الصهد]

الشدادي العارف لايعرف
انا ماعرف اذا كان هناك مسمى او مسميات للي ياسمون بها البل
وحنا عندنا الحيه (s) الله يكفيك شرها
نطبقها على الرقبه والبعض على الفخذ

هذا اللي قدرنا الله عليه عندك تفسير ثاني عطناه
وكنك يالشدادي متكاثر كلمه صح السانك وتبي تفسير للغزك

[سعد الشدادي]

مالك لوا يالصهد وانا بعد مايتم حله بفسره لكم حاول انا متوقع انك بتحله

[الصهد]

الميسم

[{ أبوفيصل }]

صح لسانك ولسان قايلها
عندي رمعةٍ مدحدره شوي وش تقول بالأسم او اللقب المسجل في بطاقة الأحوال
وانت ابوها وسمها :)

وابا اشوف اللي حيي عقب مامات سبحان محيي العظام وهي رميم :23:

[سعد الشدادي]

الميسم
صح اللسانك يالصهد
بفسره لكم الرجال هو الميسم والحيه هي النار
حيي عقب مامات قبل نحطه بالنار يكون بارد واذا حطناه بالنار يحتمي
ومات بجسم حي بعد ماناسم المطيه يبرد مره ثانيه

[الصهد]

صح بدنك يالشدادي
والنار الله يكفينا حنا وياك شرها
ماطرت علي
ولاهنت على كل حال وشكراً لك

[{ أبوفيصل }]

صح لسانك يالصهد رمعه قاضيه ماشاء الله عليك
ويعطيك العافيه ياسعد ولاهنت

[الصهد]

صح بدنك خليجي وجابه الله
كنت برمع برمعه غير
بس بدينا الرمعه الاوله