شيخ الشيوخ تعال

[عبدالعزيز الفرج]

السلام عليكم ورحمة الله وبركاته


لا مقدمات ولا غيره

تعال نبي نمزح شوي




ياشيخ الشيوخ اقرب لحكم القوانين = ترى فالمحاكم ماش عمي وخالي
نبا نقرّب المخطي لحد السكاكين = وحكم القضاة يسرنا بالعدالي

[شيخ الشيوخـ]

ابشر ياعبدالعزيز بالحق ,,, ومايلحق

ويعين الله



ياعبدالعزيز آمر على الراس والعين=على مثلك وشرواك ياطول بالي
عليك وعلى العتبان مخطين... مخطين= وعسى العذر يقبل ياكريم السبالي

[إبن ثعلي]

صح السان الشاعرين واشوف شيخ الشيوخ اعترف من بدري على غير عادة الشعار

[عبدالعزيز الفرج]

المنتدى مشكلته مشكلة

لا يخلينا نلعب على السنع ولا يقفل مرة


استلم استلم




بعد فاز ناد القرن بالسبق والزين = ورا راعي المحفل يخليه خالي
يضيع الهلل ياعارفين الملايين = مابين العرب والدور لاحق حلالي

[عبدالعزيز الفرج]

شيخ الشيوخ وينك الله يصلحك بتلعب والا نهوّن بس :)

[النير]

يعطيكم العافية

محاورة بالبطيء

[شيخ الشيوخـ]

بعد فاز نادي القرن جوه المجانين = وطال النشب مابينهم والجدالي
وحلالك معك حسب النظم والقوانين= وترا المال من دونه يدين الرجالي



المعذره ياعبدالعزيز والوعد فالجايات
العذر منك وانا اخوك

[شيخ الشيوخـ]

صح السان الشاعرين واشوف شيخ الشيوخ اعترف من بدري على غير عادة الشعار


صح بدنك ومرحبا يامديرنا

والاعتراف بالحق فضيله

لاهنت ونورت المحاوره

[شيخ الشيوخـ]

يعطيكم العافية

محاورة بالبطيء

الله يعافيك يالنير

والوعد فالمقبلات خلك قريب

[عبدالعزيز الفرج]

أجل الله يعطيك العافية ياشيخ الشيوخ

الوعد قدام مثل ماقلت :)