خوة عتيبي

[ابومعاذالعنزي]

السلام عليكم ياعتيبة

أولا : اسمحوا لي يا عتيبة أن أخبركم بإعجابي بقبيلة عتيبة مع فائق احترامي لكافة القبائل الأخرى , واحترامي للرجال الطيبين سواء من القبائل أو غير القبائل .


وأنا لست من الشعراء الكبار لكنني حينما بعت (جيبي الفكسار) وتركته في المعرض (وتعرفون بيعة الجيب ) تمثلت بهذه الأبيات :

لوحلولات يا جيبي *** في قيمة الداب حطيته
الجيب ما به عذاريبي *** بين المواتر علا صيته
لياصرت مع خطٍ مريبي *** وبدماسة الليل تليته
يزبنك عال المراقيبي ***تعتز ليامن خاويته
له خوةٍ خوة عتيبي *** يشوش ليامن ناديته
ولوحلولات ما تثيبي *** في معرض الشهيل خليته

وتقبلوا مشاركتي وإن كانت دون مقامكم

[عزيزة الجناب]

هلا ابو معاذ العنزي

والنعم بجميع القبائل دون انقاص ف شخوصهم

وصح لسانك

وحياك

[شيخ الشيوخـ]

له خوةٍ خوة عتيبي *** يشوش ليامن ناديته


بيض الله وجهك والله يرفع مقامك والشهادة من امثالك فخر لنا

ولا عليك زود انت وقبيلتك العزيزة علينا

[{ أبوفيصل }]

صح لسانك يابن وايل وافي ولا عليك زود


هلا ومرحبا

بلساني ولسان الجميع

أرحّب بك أجمل ترحيب * * ترحيبن أغلى من الجيب


أعذب التحايا لك

[ابومعاذالعنزي]

يعطيك العافية يا خليجي نت , وتستاهلون أكثر من ذلك

[ابومعاذالعنزي]

شكرا رمانة الطايف على مرورك العطر

[ابومعاذالعنزي]

شيخ الشيوخ , الله يعطيك العافية وعتيبة يشهد لها الجميع

[سعود بن فيصل]

يامرحبا فيك ياصحيبي .. الوايلي عاليٍ صيته
زايد على طيبهم طيبي .. بالعين يامن تحاليته

صح لسانك ولاهنت يابو معاذ

والطيب يحب الطيب .. ولاعليكم زوود

والله يديم المحبة بين ابناء التوحيد

حياك الله بيننا

[ابومعاذالعنزي]

الله يبيض وجهك يا سعود بن فيصل , وصح لسانك
ولو أقول أيش ما أقول ما أوفي جميل عتيبة علي

[الصهد]

وعليكم السلام ورحمه الله وبركاته

وماعليك زود

صح لسانك عدد بلا مدد وبيض الله وجهك
ابو معاذ يامرحبابك بين اخوانك
تحياتي وتقديري ‘‘‘‘‘

[ذبــاح]

عليكم السلام ورحمه الله وبركاته

حياك الله ياأبومعاذ وصح لسانك ولاهنت

وبيض الله وجهك وماعليك زود يالغالي نفخر بشهاده الرجال اللي شرواك والسبعه انعام بقبيله عنزه الكريمه

ودي وتقديري~

[ابومعاذالعنزي]

وصح بدنك يالصهد يا أبيض الوجه

[فهيد مقعد الرويس]

صح بدنك

يابومعاذ

ونعم فيكم

تقبل اطيب تحيه

[مُهــرة عتيبــة]

له خوةٍ خـوة عتيبي
يشوش ليا من ناديته

صح لسانك، وبيّض الله وجهك
أبدعت أخوي أبو معاذ،
و أسعدتنا مشاركاتك وإنضمامك لركب شبكة ومنتديات قبيلة عتيبة ..

بإنتظار جديد..