ياويش بنتن من الماضي=موجودتن يحكحكو جنبه )محلول( من ابن فريح صح لسانه

[صبار المضياني]

اخواني اليكم هذا الغز على قافية الغز السابق

ياويش بنتن من الماضي = موجودتن يحكحكو جنبه

تآكل وآكله على الفاضي = حرام ياكان تسمنبه

اكلن عطته الى القاضي = يومه على الربع راهنبه

[وجودك يكفي]

صح لسانك يابوهاني وبيض الله وجهك على اللغز

جاري التفكير

[شيخ الشيوخـ]

صح لسانك ولي عودة

[اخر رجل]

صح لسانك يالنشمي << المفروض الغازك عليها جوايز لهنا كلها واردو من شخص شاعر




وشرايك بالرمعة هذة : الجنبية او السكين :)

[صبار المضياني]

صح لسانك يابوهاني وبيض الله وجهك على اللغز

جاري التفكير




هلابك يا وجودك

وصح بدنك

[صبار المضياني]

صح لسانك ولي عودة



هلابك يا شيخ الشيوخ

وصح بدنك

[صبار المضياني]

صح لسانك يالنشمي << المفروض الغازك عليها جوايز لهنا كلها واردو من شخص شاعر




وشرايك بالرمعة هذة : الجنبية او السكين :)



صح بدنك يا اخر رجل

خي العزيز الغز اذا كان عليه

جايزه ماله حلا

والرمعه مالك لوا

[إبن ثعلي]

حياك الله ياصبار وانا عندي مشكله في فهم لغة اهل الشمال
لكن ودي تفسر لي معنى (يومه على الربع راهنبه)
وتحياتي لك

[صبار المضياني]

حياك الله ياصبار وانا عندي مشكله في فهم لغة اهل الشمال
لكن ودي تفسر لي معنى (يومه على الربع راهنبه)
وتحياتي لك




هلابك يا ابن ثعلي



يعني متراهن معهم على شي

خلاص انحل الغز على حظك يابن ثعلي

وجودك جاهز

وابن فريح جاهز

وانت جاهز

لالا راح الغيز ههههههههه

[وجودك يكفي]

ههههه يابوهاني مامني خوف في الالغاز اللي تخص الماضي
انتم شيبان وحنا شباب هههه

وش تقول في شلفا ذياب ابن غانم ماتوقع غير في لحم

[صبار المضياني]

ههههه يابوهاني مامني خوف في الالغاز اللي تخص الماضي
انتم شيبان وحنا شباب هههه

وش تقول في شلفا ذياب ابن غانم ماتوقع غير في لحم




سلم هلمره

ولالك لوا

[شيخ الشيوخـ]

اعتقد انها النار والوليمه الي تطبخ عليها

[صبار المضياني]

اعتقد انها النار والوليمه الي تطبخ عليها




مالك لوا

[شيخ الشيوخـ]

رمعه ثانيه

السلطه

[صبار المضياني]

رمعه ثانيه

السلطه



مالك لوا

[{ أبوفيصل }]

صــح لســــاانك ياصـــبار

سلمت ودمت

توقعـاتي ان البنت المذكوره

((( الرفلاء )))

ومثل ماقيل

طبخٍ طبختيه اِكليْه يالرفلاء


مير المشكله فـ الحكحكه هههه

[بن فريح]

اخواني اليكم هذا الغز على قافية الغز السابق

ياويش بنتن من الماضي = موجودتن يحكحكو جنبه

تآكل وآكله على الفاضي = حرام ياكان تسمنبه

اكلن عطته الى القاضي = يومه على الربع راهنبه
صح فكرك وبدنك اخوي صبار
على اللغز الوافي
وش تقول
بالملعقه
او
محماسة القهوه
ويدها
والقاضي النجر يطحنها
او
الرحى
تقبل كل تقديري

[بن فريح]

او
الصلايه والمصليه
او
ريشة القلم
او
ريشة الرسام

[{ أبوفيصل }]

لالا لاعاد تروح بعيد يابن فريح خلك حول الرحى

اعتقد انه هو أصبته مير ودي انك تحلله وتذكّيه قدام يموت حرج

وينك ياصبار الهمام

[صبار المضياني]

صــح لســــاانك ياصـــبار

سلمت ودمت

توقعـاتي ان البنت المذكوره

((( الرفلاء )))

ومثل ماقيل

طبخٍ طبختيه اِكليْه يالرفلاء







مير المشكله فـ الحكحكه هههه









مالك الوا

[تركي ابن خالد]

،‘


صح السانك

ونقول البندق :/



،‘

[صبار المضياني]

صح فكرك وبدنك اخوي صبار
على اللغز الوافي
وش تقول
بالملعقه
او
محماسة القهوه
ويدها
والقاضي النجر يطحنها
او
الرحى
تقبل كل تقديري






صح السانك يا ابن فريح

والحل هو محماست القهوه


والقاضي ماهو النجر

القاضي هو محمد القاضي

يوم يراهنونه ربعه يجيب

اربعين بيت في القهوه


يومه يقول


دنيت له مـن غالـي البـن مـا لاق = بالكف ناقيها عـن العـذف منسـوق
إحمس ثلاث يا نديمـي علـى سـاق = ريحه على جمر الغضى يفضح السوق
وإيـاك والنيـة وبالـك والأحـراق = وإحذر تصير بحمسة البـن مطفـوق
إلى إصفر لونه ثم بشـت بالأعـراق = أصفر كما الياقوت يطرب لها المـوق
وعطت بريـح فاخـر فاضـح فـاق = ريحه كما العنبر بالأنفـاس منشـوق



الى اخر القصيده

[صبار المضياني]

،‘


صح السانك

ونقول البندق :/



،‘


صح بدنك يا تركي


والغز انحل يا عزيزي

[{ أبوفيصل }]

عُذراً

,, أخي صبار ,,

لغزك فيما يبدو لي أتى بصيغـة مؤنث والمحماس معروف انه مذكر

محماس البن ( محماس ) ماهوب محماسه

تقول

ياويش بنتن من الماضي
. . . . . . . . موجودتن يحكحكو جنبه

تآكل وآكله على الفاضي
. . . . . . . . حــرام ياكــان تسمنبـه



تحيتي

[صبار المضياني]

عُذراً

,, أخي صبار ,,

لغزك فيما يبدو لي أتى بصيغـة مؤنث والمحماس معروف انه مذكر

محماس البن ( محماس ) ماهوب محماسه

تقول

ياويش بنتن من الماضي
. . . . . . . . موجودتن يحكحكو جنبه

تآكل وآكله على الفاضي
. . . . . . . . حــرام ياكــان تسمنبـه



تحيتي





هلابك يا اخ خليجي

احترم وجهت نضرك

بعدين شف ابن فريح مقال محماس

قال محماسه
ويكفي اني قلت يا ويش بنتن ؟