.:. لغز فقط للمنتدى نأمل مشاركة الجميع في حله.:. // محلول من ابوهاني صح لسانه

[{ أبوفيصل }]

لغز من ابداع اخوكم خليجي نت ندعو الجميع للمشاركة في حله



ياويــش بنتـن لهـا راسـن تمـاريبه ** تشتال دوْمَتْها دايم في طـرف يدها

تِشْغِلْ لها عَوْدن ماصفت مشاريبه ** معْتَرْضتن في عِلُـوْ البطن يكابدها

عوْدن لِيا من تعـدّا الحـد تدري به ** وتاقـف في حلْـقه ولا يقدر يزايدها

[وجودك يكفي]

صح لسانك ياخليجي نت وبيض الله وجهك


جاااااري التفكير

[{ أبوفيصل }]

مرحبا بوجودك وبانتظارك
تحيتي

[خيال الصفراء]

لغز من ابداع اخوكم خليجي نت ندعو الجميع للمشاركة في حله



ياويــش بنتـن لهـا راسـن تمـاريبه ** تشتال دوْمَتْها دايم في طـرف يدها

تِشْغِلْ لها عَوْدن ماصفت مشاريبه ** معْتَرْضتن في عِلُـوْ البطن يكابدها

عوْدن لِيا من تعـدّا الحـد تدري به ** وتاقـف في حلْـقه ولا يقدر يزايدها

الله لا يهينك ياخليجي نت ودنا لو توضحلنا لاهنت الكلمه هذه ويش مقصودها
(((( دوْمَتْها ))))

[صبار المضياني]

صح السانك يا خليجي نت

وشرايك في العوامة التانكي الماء

[فهيد مقعد الرويس]

صح لسانك

ياخليجي نت

وانا مع رمعت صبار

الظاهر انه فقع عينه

[غزال الرافدين]

صح لسانك بس صعب كلماتك

[غزال الرافدين]

يمدحون الرمعات والمسن فاتح

[{ أبوفيصل }]

خيال الصفراء دومتها بمعنى راسها والكل يعرف هالشيء

لكن مر على لغزك وعطني رايك تراني عطيته رمعه

[{ أبوفيصل }]

صح لسانك ياصبار
مافيك حيله يالذيب جبتها

الحل صحيح

(( عوّامــة خزّان الماء ))

تحيتي لك

[{ أبوفيصل }]

صح لسانك يابومقعد
بيض الله وجهك وتأكيدك لأخوي صبار في محلّها
اي والله فقع عينه

تحيتي لكم جميعاً

[{ أبوفيصل }]

غزال .... الكلمات دارجه بالعامّيّه ومعروفه
في قاموس العرب قديماً وحديثاً
تحيتي لكم جميعاً

[وجودك يكفي]

صح لسانك يابوهاني على الجواب القاضي وصح لسانك ياخليجي نت على اللغز الجميل والرائع


بيض الله وجيهكم

[{ أبوفيصل }]

صح ابدانك ياولد ثابت

للمعلومه اللغز جتني فكرته اليوم وصغت أبياته قبل المغرب

وعسانا نجيكم بالجديد اللي يرضيكم

اعذب التحايا

[غزال الرافدين]

وصح لساني بعد

[{ أبوفيصل }]

وصح ابدانك ياغزال
مايفوتك شي وانا على بالي رديت
عموماً صح ابدانك مره اخرى
ههههههه