000يانجد يانجد الشرف نشكي البين000

[النووي]

000يانجد يانجد الشرف نشكي البين000

--------------------------------------------------------------------------------

الاخوه أعضاء وزوار هذا الصرح العملاق

تمنيت ان اكون شاعرا متمكن لكي اعبر عن ما بقلبي واترجم مايجول في صدر ي من احاسيس ولكن هذه ارادة الله

وهذه محاوله مني ارجو ان اكون قد وفقت في صيغتها





عيدك مبارك بأول اعياد الالفيـن =
ياللي من جبال السروات جينـاك

جينا نعسـك مانوينـاك بالشيـن =
يسوقنا وقت السـروات لرعـاك

ثم اعتزة دونك خيـار الشياهيـن =
وثور عسام الموت مع تلة رشاك

هم اذبحو من طلعنا حول عشرين =
وحنا ذبحنا ما كسبنابـه رضـاك

ثم اعتلينا فوق عرشك سلاطيـن =
نسقيك دم ونشرب الحلو من ماك

متكاتفيـن ومالنـا فيـك راييـن =
وبروحنا يانجـد يانجـد نفـداك

واليوم أشوف بهامتك ضاح نورين =
وأخاف من تيارها تطفي اضيـاك

يالله عسى ماهوب ذنب المجليـن =
ويالله عسى ماهوب تالي منجـاك

يانجد يانجد الشرف نشكي البيـن =
ومن همنا روح القصيدة تنصـاك

[النمر الروقي]

صح لسانك يا النووي

ماشاء الله اذا كانت هذه محاوله .. فنحن في شوق لانتظار رائعة اخرى . تحياتي

[** راس حربه **]

صح السانك يالنووي ولاهنت قصيده رائعه

وسلمت يمناااك طال عمرك

دمت كما تحب

[النـايــــــف]

صح لسانك اخوي النووي


وبيض الله وجهك يا الغالي

[نوف]

مشكور اخوي النووي خيالك أوسع من أقول عليه واسع قمه في الجزاله , كم هي رائعه تلك اللوحه اسمحلي يالغالي لايسعني أن أقول المزيد أخاف يخونني التعبير ولا أوفيها حقها.




تقبل تحياتي وتقديري

[سلمان]

صح لسانك يا النووي
وبيض الله وجهك

[إبن ثعلي]

بيض الله وجهك يالنووي ماقصرت قصيده رائعه وانشاء الله يبقى ضاح النورين(برقا و روق) على العز ولايجي بينهما مايكدر صفوهما
تحياتي لك

[فهد العايضي]

الــــنــــووي

صح لسانك وعلا شانك

وسلمت ودمت

والف لاهنت على هذه الجزله