لغز ... الجزيرة.. توصل للحل ]شيخ الشيوخ[

[وجودك يكفي]

مساء الخير

اللغز هذا كتبته امس واللغز بسيط واتمنى يحوز على رضاكم

يقول :

انشدك عن بنت)ن( بوسط الجزيره=تشبه لاسم بنت)ن( قديمه وبالحرف

والاسم نفس الاسم بآيه قصيره=مايقبل التحريف بالنحو والصرف

والحل بالمقلوب في وسط بيره=يموت مع راعيه وانشد هل العرف

[الأدميرال]

وجودك لاهنت على طرحك للغز

ولي عوده

[وجودك يكفي]

وجودك لاهنت على طرحك للغز

ولي عوده
هلا بك يالرياضي هلابك

وبرسل لك الجواب على الخاص لأن حصل عندي بعض الاشغال ومدري متى تخلص
ولآهنت وانا اخوك تسلم اللغز والرد على الرمعات ولا عليك امر يالغالي

[الأدميرال]

تامر امر وانا اخوك
ماتشوف شر ياوجودك و الله يستر عليك

[{ أبوفيصل }]

وجودك يكفي اسعدالله مساكم بكل خير
لغز محبُوك ومْرَسْتك تسلم يمينك
لي عوده

[الأدميرال]

ياهلا ومرحبا فيك اخوي خليجي نت
وبنتظار عودتك

[إبن ثعلي]

لغز محكم مافيه كلام لكني عرفت حله ولن افشيه كذلك يحضر على الأخ ناصر بن سعدي المشاركه في الحل
وموفقين ان شاء الله ومثل ماتعرفون وجودك يكفي كل الغازه من القرآن الكريم وشدوا حيلكم
وتحياتي للجميع

[الأدميرال]

حياك الله يا ابن ثعلي ولاتنسى شيخ الشيوخ برضو محضور عليه
وهلا ومرحبا فيكم

[مدهـال]

لغز محكم مافيه كلام لكني عرفت حله ولن افشيه كذلك يحضر على الأخ ناصر بن سعدي المشاركه في الحل
وموفقين ان شاء الله ومثل ماتعرفون وجودك يكفي كل الغازه من القرآن الكريم وشدوا حيلكم
وتحياتي للجميع


هههههههههه

اثرك ما أفشيته يا ابن ثعلي ماخليت شي


لكن خل الموضوع ســر بيني وبينك

صح

[شيخ الشيوخـ]

ليش محظور علي وش دخلني يالادميرال ؟
الرسائل الخاصه انا ماشوفها هههههههههه الله يهديك

عندي رمعه وتقبل الخطاء والصواب

(رس )
الرس الي بوسط الجزيره هي مدينة الرس
والبنت القديمه هي اصحاب الرس اللي ورد ذكرهم في القران ( اصحاب الرس )
والمقلوب وسط البير هو الـ (سر) يموت مع راعيه محد يعرفه


وفي انتظار التعليق على جوابي

[{ أبوفيصل }]

سبقتني ياشيخ الشيوخ ،، صح لسانك
لو للغز عيناً ثانيه يمديني ألحقتها ههههه

[الأدميرال]

ليش محظور علي وش دخلني يالادميرال ؟
الرسائل الخاصه انا ماشوفها هههههههههه الله يهديك

عندي رمعه وتقبل الخطاء والصواب

(رس )
الرس الي بوسط الجزيره هي مدينة الرس
والبنت القديمه هي اصحاب الرس اللي ورد ذكرهم في القران ( اصحاب الرس )
والمقلوب وسط البير هو الـ (سر) يموت مع راعيه محد يعرفه


وفي انتظار التعليق على جوابي

الجواب صحيح ياشيخ الشيوخ


البنت المطلوبه والجواب
مدينة الرس

تشبه اسم قرية قديمه من قرى ثمود دمرها الله وكانت في آذريبيجان وذكرها الله في سورة الفرقان

قال تعالى :
‏)واصحاب الرس وثمود(

وإذا قلبنا كلمة رس تصير سر
والسر مثل ماقالوا سرك في بير
وبير السر صدور الرجال

وإذا حافظ الإنسان على السر يموت وسره معه وإذا أفشاه ماصار سر

[الأدميرال]

سبقتني ياشيخ الشيوخ ،، صح لسانك
لو للغز عيناً ثانيه يمديني ألحقتها ههههه

خيرها بغيره ياخليجي نت ولاهنت

[الأدميرال]

هههههههههه

اثرك ما أفشيته يا ابن ثعلي ماخليت شي


لكن خل الموضوع ســر بيني وبينك

صح

مدهال
ابن ثعلي قربه قال من القران
ولاهنت

[شيخ الشيوخـ]

ياولد ثاااااااااااااابت الله يوفقك في اشغالك وترا من غلاك ريحناك من التعقيب على اللغز وقلنا خل الرجال يخلص اموره ويرتاح من اللغز ومتابعته :)


(ملاحظة)
<<< بيرفع ضغطه :9:




صح لسانك وبيض الله وجهك ولاهنتو انت والادميرال

[مدهـال]

مدهال
ابن ثعلي قربه قال من القران
ولاهنت



حياك يالأدميرال

انا عرفت الحل على شان كذا قلت لإبن ثعلي خله ســـر بيني وبينك
بس مابغيت أحرقه بسرعه

وكتبت الحل بس بطريقه غير مباشره

[الأدميرال]

من يوم شفتكم اتناتفون للغز الي يقول القران والي يقول السر والي يضحك ويقول ماشوف الرسايل
قلت كلها اربعه وعشرين ساعه ان ماحله احد ولا حليته بس شيخ الشيوخ حله

ولاهنتو كلكم وبيض الله وجيهكم

[وجودك يكفي]

من يوم شفتكم اتناتفون للغز الي يقول القران والي يقول السر والي يضحك ويقول ماشوف الرسايل
قلت كلها اربعه وعشرين ساعه ان ماحله احد ولا حليته بس شيخ الشيوخ حله

ولاهنتو كلكم وبيض الله وجيهكم

‏ ‏ ‏
أنا اخو الادميرال صدق

لا يهمك يالذيب لايهمك

هالحين كتبت لغز وبطرحه لهم

وإن حلوووه جبت لهم غيره واخليهم يفحطون شهر

دقيقة وحده واطرح اللغز

[الأدميرال]

عساك على القوه وانا خوك
الربع خاشين بثقه للغز ومن زود الطنخه محد يبا يحله هههههههه
بس نشوفهم بعد ماتحط لغزك الجديد