ميـــر ربي على حيل العجيز يعينه! .. توصل للحل ]وجودك يكفي[

[روقي قرم]

السلام عليكم ورحمة الله وبركاته


يسع ـد صبآح ـكمـ،

لغز طقطقت عليه لين ضبط


ويش رجلاً موالف عيشته مع عجوزه=والعجوز المريضه كل مره تهينه
مدري وشلون صابر دامها ماتجوزه=ميـــر ربي على حيل العجيز يعينه


طبعآآآآ المتابعه معي ومع شيخ الشيوخ..

[ناصر بن سعدي]

صح لسانك يامحمد ..

وننتظر من يحل لغزك .. وأبا أفكر وأجي ..: )

[روقي قرم]

صح بدنك يابو ترآحيب..

بإنتظآر رمع ـتك طال عمركـ..

[النجم الأصيل]

روقي مرحبا الوووووووف

مرور ولي عودة برمعات

ودي واحترامي

[روقي قرم]

مرحبا هيــل يالنجم الاصيل

اول شي مبروك ماسمعنـا..

ثانياً حي هالمرور وننتظر رمعآتك..

[وجودك يكفي]

صح لسانك يالروقي القرم ولآ هنت على اللغز الرائع


إذا كان المقصود بالعيشه الحياة وش رايك في اللستك والله يعينه على الكفره القديمه والتعبانه

وإذا كنت تقصد من العيشه الغذاء
وش تقول في الجوال والبطارية أو الإشتراك وبطارية السياره

[روقي قرم]

صح بدنك ياوجودك يكفي..

العيشه المقصودهـ حياته..

ومالك لوا على رمعاتك..

[وجودك يكفي]

وش تقول في القوس والربابه يالروقي القرم

[روقي قرم]

مالك لوا

[روح الورد]

اولاً ..صح لسانك ولاهنت عاللغز الجميل

ثانياً لي عوده مع رمعه بعد الغداء <<يمكن الجوع مقفل المخ شوي وتطلع رمعتي صح :)

[وجودك يكفي]

وش تقول في
بيت القصيده او الوزن والقافيه
بيت القصيدة حياته دايم مع القصيده والقصيده إذا كانت مكسره تهين البيت

او فنجال القهوة أو القلم والبرايه

[الأدميرال]

8
8
وجودك ما خليت شي ماقلته اختر يالقلم اوفنجال القهوه
ولي رجعه بعد اختيارك

[وجودك يكفي]

8
8
وجودك ما خليت شي ماقلته اختر يالقلم اوفنجال القهوه
ولي رجعه بعد اختيارك

هههههههههههههههه
الله لايضيق علينا هههه
وانت مالقيت غير الاجابات إللي أنا اخترتها ؟؟؟؟؟؟

ياخوي شف اجابات غيرهن أو تعال بدري ثاني مره هههههه

واصلا أنا حاس إنهن كلهن غلط
فلا تشغل بالك بوحده منهن

يعني أنت فكر على رواقه وشف إجابه مرستكه وحلوه وحله ياحلو

[الأدميرال]

وجودك انت صاحب الغاز والرمعات اللي تقوله وحده من الثنتين يافيها ياحولها
مانسينا حق العم السنعوسي
وحترت بالرمعات الي قلتها قلت اربك تقول الرمعه اللي حولها وانا اخذ الصحيحه
وفقع عينها والقلوب صحاح ياحلو بس كذا حترت بين اختيارتك العشر
ون ماخاب ضني ان الحل الحاجون

[بن فريح]

السلام عليكم ورحمة الله وبركاته


يسع ـد صبآح ـكمـ،

لغز طقطقت عليه لين ضبط


ويش رجلاً موالف عيشته مع عجوزه=والعجوز المريضه كل مره تهينه
مدري وشلون صابر دامها ماتجوزه=ميـــر ربي على حيل العجيز يعينه


طبعآآآآ المتابعه معي ومع شيخ الشيوخ..
صح لسانك وفكرك اخوي روقي قرم
وش رايك طال عمرك
بارجيلة الدخان ( الشيشه) عادة التدخين
او
نظرة العين
النفس وهواها
دمت والجميع بخير
بتوفيق الله
الاحلام

[ابوخديجة]

لي عودة

[روقي قرم]

عذرآ على الاطاله وكل اجاباتكم غلط يالربــع


ونسيت أعلم الشيخ بالجواب:6:
::

[بنتـ الشيخ ..]

لي بــأإأإك ..
كأإأإن ما أحد حله ..
أبشر بحله .. << ثقه ..

[اخر رجل]

ويش رجلاً موالف عيشته مع عجوزه=والعجوز المريضه كل مره تهينه
مدري وشلون صابر دامها ماتجوزه=ميـــر ربي على حيل العجيز يعينه[/poem]

حل لغزكم ..!!

اتوقع العصاء الى بيد العجوز


اتمنى روعتي صايبة !!

[روقي قرم]

مالك لواء يالرجل

العجوز = بالنسبه لكبرها عنـده ليست العجوز كبيرة السن
وروعتك مهيب صايبه قصدي رمعتك :)

حياك الله يالشيخه ننتظر جوابك

[اخر رجل]

طيب وشرايك بالجواب هــــــــــــــــذا !


الوقت !!
الزمن !!

[ابوخديجة]

الحل هو( الذكريات ) انشاء الله

[روقي قرم]

مالكم لوا

[وجودك يكفي]

وش تقول في سيخ اللحام وعجوزه مكينة اللحام
أو الملقاط وعجوزه النار
او
المسمار والله يعينه على المطرقة

[شيخ الشيوخـ]

هالحين انا روقي ماعلمني بالحل اشارك والا ما اشارك؟

ومالها الا حل ولد ثابت المسمار والمطرقه

[الأدميرال]

الدباسه؟

[روقي قرم]

صح لسانك ياوجودك

والجواب صحيح

المسمار والمطرقـه

شاكر لكل من مر ونعتذر على التأخير

[وجودك يكفي]

صح بدنك يالروقي القرم
ولآ هنت على اللغز

احترامي