محمد بن دغيم السميري
10-13-2005, 05:35 PM
مرثيّه في الفقيد صنهات بن جبر بن عوّاد الذيابي الروقي العتيبي الراوي المعروف وصاحب المساعي الحميده في إصلاح ذات البين غفر الله لنا وله واسكنه فسيح جنّاته وجزاه خير الجزاء,,,
الا يالله اني طالبٍ رحمتك هاليوم=وعفْوك وغفرانك ولطفك والإحساني
لنا ولفقيدٍ بأمر رب الملأ مرحوم=برحماك يالله تدخله دار رضواني
بعد مارحل صنهات جا في العلوم علوم=على دار أهلنا خيّمت سحب الاحزاني
ونمران واهل دغيبجه مع هل ام الدوم=وشاركهم الاحزان سكّان مرّاني
فقدنا الشجاع اللي ليا قام في اللزوم=يحل الصعاب ويكرم الضيف والعاني
ورضانا بحكم الله وراضين بالمقسوم=ودنيا الفنا جميع من فوقها فاني
ولوالموت ساومنا وقال إفرقو فالسوم=فدانا سلايل جبر بخيارالاثماني
عليّ الحرام إنا لندفع كبار القوم=ونفداه بألقاصي ونفداه بألداني
لكن العار مسجّله والاجل محتوم=وكل العمار إلها نهايه وحدّاني
خبر موته احدث في قلوب العباد ثلوم=وصدّع قلوباً مابها قبل صدعاني
اهلّ الدموع ولا علي ان بكيته لوم=وابا اخبّر اللي قال لي ويش بكّاني
(صديقي صديق ابوي) يوم اذكره ملزوم=اكنّ العباير في ضميري وتعصاني
ورفيقٍ مثل صنهات نبكي فراقه دوم=ولا ينمحي حزنه على طول الازماني
كمنه شجاع وطيّبٍ منهجه معلوم=ليا صالح الاخصام صاروا كألاخواني
ليا قام ابن بألسعي بين خصوم=يسدّ اللزوم وكان للحق ميزاني
ويملا يد السائل ويملا يد المحروم=ويعطي عطا صفطان ماهوب منّاني
وله مجلسٍ دايم من اهل الوفا مزحوم=وصينيّةٍ يشبع بها كل جاعاني
ومشب الدلال يحط فيه الحطب بألكوم=وعلى جال ناره تاجد دلال رسلاني
دلالٍ يحط البن فيها ثلاث قسوم=عويدي وهيل وزعفران من الايراني
ابن جبر قرم ولا يجيله ياكود قروم=يرافق هل الطاله طويلين الايماني
تمتع بحسن الخلق مافيه كبر وزوم=تواضع تواضِع عزّ مافيه نقصاني
يسامح ويرجي رحمة الواحد الرحوم=مثل قصّة (السميان)يوم الحدث كاني
وأنا أرجي عسى عمره بزين العمل مختوم=وعسى قبر أبن عوّاد جنّه وريضاني
وبعد غاب نجمه باقيٍ فالمحل نجوم=حراراً ذخاير حرّ مافيهم إهداني
(أبو جبر )عندي كنّه الراحل المحشوم=وأنا يوم أشوفه فألمحل أفقد أحزاني
مسك نهج أبوه اللي بدرب الوفا مرسوم=وجوده بعد فرقى كحيلان عزّاني
وصلّوا على خير الملأ المصطفى المعصوم=وعسى الله لدرب الحق والخير يهداني
(قصّة السميان) دهس أحد السميان من قبيلة البقوم أحد أبناء صنهات بن جبر وتسبب في بتر رجله وحضر صنهات إلى مكان الحادث ووقّع تنازلاته ورفض جميع التعويضات المقدّمه له من البقوم
محمد بن دغيّم السميري العتيبي
(ابوجبر الذي وَرَدَ اسمه في القصيده:هو ضيف الله بن صنهات بن جبر بن عوّاد الذيابي الروقي العتيبي.. اكبر أبناء الفقيد) حفظه الله
الا يالله اني طالبٍ رحمتك هاليوم=وعفْوك وغفرانك ولطفك والإحساني
لنا ولفقيدٍ بأمر رب الملأ مرحوم=برحماك يالله تدخله دار رضواني
بعد مارحل صنهات جا في العلوم علوم=على دار أهلنا خيّمت سحب الاحزاني
ونمران واهل دغيبجه مع هل ام الدوم=وشاركهم الاحزان سكّان مرّاني
فقدنا الشجاع اللي ليا قام في اللزوم=يحل الصعاب ويكرم الضيف والعاني
ورضانا بحكم الله وراضين بالمقسوم=ودنيا الفنا جميع من فوقها فاني
ولوالموت ساومنا وقال إفرقو فالسوم=فدانا سلايل جبر بخيارالاثماني
عليّ الحرام إنا لندفع كبار القوم=ونفداه بألقاصي ونفداه بألداني
لكن العار مسجّله والاجل محتوم=وكل العمار إلها نهايه وحدّاني
خبر موته احدث في قلوب العباد ثلوم=وصدّع قلوباً مابها قبل صدعاني
اهلّ الدموع ولا علي ان بكيته لوم=وابا اخبّر اللي قال لي ويش بكّاني
(صديقي صديق ابوي) يوم اذكره ملزوم=اكنّ العباير في ضميري وتعصاني
ورفيقٍ مثل صنهات نبكي فراقه دوم=ولا ينمحي حزنه على طول الازماني
كمنه شجاع وطيّبٍ منهجه معلوم=ليا صالح الاخصام صاروا كألاخواني
ليا قام ابن بألسعي بين خصوم=يسدّ اللزوم وكان للحق ميزاني
ويملا يد السائل ويملا يد المحروم=ويعطي عطا صفطان ماهوب منّاني
وله مجلسٍ دايم من اهل الوفا مزحوم=وصينيّةٍ يشبع بها كل جاعاني
ومشب الدلال يحط فيه الحطب بألكوم=وعلى جال ناره تاجد دلال رسلاني
دلالٍ يحط البن فيها ثلاث قسوم=عويدي وهيل وزعفران من الايراني
ابن جبر قرم ولا يجيله ياكود قروم=يرافق هل الطاله طويلين الايماني
تمتع بحسن الخلق مافيه كبر وزوم=تواضع تواضِع عزّ مافيه نقصاني
يسامح ويرجي رحمة الواحد الرحوم=مثل قصّة (السميان)يوم الحدث كاني
وأنا أرجي عسى عمره بزين العمل مختوم=وعسى قبر أبن عوّاد جنّه وريضاني
وبعد غاب نجمه باقيٍ فالمحل نجوم=حراراً ذخاير حرّ مافيهم إهداني
(أبو جبر )عندي كنّه الراحل المحشوم=وأنا يوم أشوفه فألمحل أفقد أحزاني
مسك نهج أبوه اللي بدرب الوفا مرسوم=وجوده بعد فرقى كحيلان عزّاني
وصلّوا على خير الملأ المصطفى المعصوم=وعسى الله لدرب الحق والخير يهداني
(قصّة السميان) دهس أحد السميان من قبيلة البقوم أحد أبناء صنهات بن جبر وتسبب في بتر رجله وحضر صنهات إلى مكان الحادث ووقّع تنازلاته ورفض جميع التعويضات المقدّمه له من البقوم
محمد بن دغيّم السميري العتيبي
(ابوجبر الذي وَرَدَ اسمه في القصيده:هو ضيف الله بن صنهات بن جبر بن عوّاد الذيابي الروقي العتيبي.. اكبر أبناء الفقيد) حفظه الله