..::’’_إحتفال عتيبة بقدوم سلطان الخير_’’::..

[كــــآتــم المـــــعنى]

http://www.iamsaudi.com/img/3/07424933401_thumb.jpg


إخواني الكرام


وتماشياً مع مهرجان عتيبه للإحتفال بقدوم وعودة غالي الوطن صاحب السمو الملكي الأمير سلطان بن عبدالعزيز نائب رئيس مجلس الوزراء وزير الدفاع والطيران والمفتش العام... يسرنا هنا وفي قسم الشعر الشعبي المنقول أن نفتح الموضوع الخاص للقصائد المنقولة والتي قيلت في صاحب السمو الملكي الأمير سلطان بن عبدالعزيز آملين أن نجمع ما أمكن مع العلم أنه يشترط أن تكون القصائد لشعراء عتيبه فقط وكدلك مراعاة عدم التكرار.

ونهيب بجميع إخواننا الأعضاء والإداريين والمشرفين أن يشاركوننا في فرحتنا وفعاليتنا في قسم الشعر الشعبي المنقول.... شاكرين ومقدرين لإدارة المنتديات ومشرفيها وأعضاؤها الكرام جهودهم.

وبالله التوفيق,,

[ناصر بن سعدي]

على القوة يا سيف العضياني ..

وبالتوفيق لـ الجميــع ..

[» عبدالعزيز «]

عسآكم ع القوه ..

ولاعدمانكم .

[كــــآتــم المـــــعنى]

الشاعر
عويض المزيني العازمي العتيبي



هات القلم واكتب كـذا ولا بـلاش=يكاتب اكتب كل حـرف مـن أولـه
مشاعرن بالوصف ارق من القمـاش=وصفا من المعسول في بطن نحلـه
دون الوطن ندفع حياة الروح كـاش=أرواحنـا دون الوطـن تستأهـلـه
عين غطا للأرض والأخرى فـراش=نأكل من إثمـاره ونشـرب منهلـه
وحده أبوتركي بسيفـه يـوم هـاش=عسـاه بالفـردوس عالـي منزلـه
واليوم في عهد أبو متعب عاش عاش=وإخوانه اللـي كـل واحـد بعملـه
يالله يامنزل مـن المـزن الرشـاش=ياخالـق خلقـه ورزقــه تكفـلـه
تحفظ ولي العهد أبو وجـه بشـاش=ياكافـل الأيتـام وأبـو الأرمـلـة
شعبك على غيبتك صايبـه اندهـاش=متى يجي راعـي الوفـاء نستقبلـه
مهما كتب مهما يدور مـن النقـاش=قليل فـي غيـث الديـار الممحلـه
سلامتك للـروح والقلـب انتعـاش=يامكرمه يـا مـا حلمـه ياماعدلـه
متنه يشيل الحمـل ويدينـه معـاش=مأيرتكـي للحمـل ياكـود جمـلـه
متى تعود وتفرح أٌقلـوب إعطـاش=نسعـد بشوفـك باليـال المقبـلـه
رجل الأنسانيه وحب القلـب جـاش=يمناك يمنـا الخيـر تـزرع سنبلـه

[كــــآتــم المـــــعنى]

حياكـ يا ناصر ويا عبدالعزيز ولا نستغني عن مشاركاتكم طالت أعماركم

[كــــآتــم المـــــعنى]

على روس المشارف رفرفي يا راية التوحيد=وحنّا في حماك وتحت ضلّك شعـب وقيـادة
على راي المليك اللي بعون الله يضد الكيـد=أبو متعب ذرى و استبشري بالخير يا بـلادة
وحّنا لك جنودٍ مـا دخلنـا مركـز التجنيـد=فطرنا الله لنخزي كل عـادي يقـدح زنـادة
ولجلك يا وطنّا لـو تبيـد أرواحنـا ونبيـد=فلا نوفي بحقك لـو بذلنـا العمـر وزيـادة
كن ألبس ثياب العيد و استبشر بيـوم العيـد=هلال العيد يبـدي فالسمـا لا حـان ميعـادة
وأزف لك التهاني وأكثِر التشكير والتحميـد=سلامة سيدي سلطان سعـد القلـب ومـرادة
سليل المجد نال بطيبـة التعظيـم والتمجيـد=على ذروة سنام المجد فعلـه ثبّـت شـدادة
على الشدة جبل شامخ عن الهفوات نايف حيد=وبأوقات الرخا ينبوع صافي عـذب ميـرادة
وعدله لو يكون العدل في ساق الظليمة قيـد=فهو من تخضع لعدله زمول الظلـم منقـادة
وجوده لو يكون الجود سيلٍ مع طمان البيـد=فهو وبل الخيال اللي سمر برقـه ورعـادة
ولأهل العلم والتعليـم درّ المكرمـات يزيـد=وشيّد جامعـة باسمـه تبـث العلـم لأولادة
مواصل سيرة التطوير والتعميـر والتشييـد=يا كم من مركزٍ صحي بناه وكم مـن عيـادة
وكم جمّع شتات أسرة تصارع و طية التشريد=تحت سقفٍ حماها من هجير الوقت وبـرادة
يقولـون اليتامـى والأرامـل رددوا ترديـد=عسى ربي يعيدك للوطن يـا سيّـد السـادة
وحنّا كلنـا نرجـي مـن الله للبـلاد يعيـد=وليّ العهد سالم بسمته تسطع علـى العـادة




عبدالاله بن محمد المقاطي.

[غزال الرافدين]

يسلمو أن شالله أذا لقيت بلطشه لعيون عتيبه واسجله أن شالله....

الله يديم عليكم الأفراح وبفرح معكم أن شالله


عوافي أخوي سيف

[فهيد مقعد الرويس]

نحمدالله على سلامة

ولي العهد

وعلى القوه ياعتيبه

لاهنت ياسيف

تحيتي وتقديري

[الماجــد]

الحمد لله على سلامة ولي العهد

وعسآكم عـلى القوه ..

ولاعدمانكم .

تحية لأخي السيف العضياتي

[كــــآتــم المـــــعنى]

حياكـ يا فهيد ويا الماجد ويا بنت عز ولا نستغني عن مشاركاتكم طالت أعماركم

[وجودك يكفي]

لآ هنت اخوي سيف والله يعطيك العافية على هذا الأحتفال بقدوم ولي العهد سلطان بن عبدالعزيز

وهذي مشاركتي وانا اخوك

هذه قصيدة الشاعر الدكتور/ حمد بن وصل العصيمي في الامير سلطان


البيرق إللي كلمة التوحيد فوقه والرسول=الكلمتين إللي نقدس لفظها وحروفها

بيرق عيال إللي سرى ليله على كور الذلول=كن الحصى يشتب نار ليا وطته خفوفها

الموت ماردها وهي ماهي عن المارد جفول=اعطت نحرها للمنايا وذخرت سرجوفها

صوله وجوله كونت دوله عساها ماتزول=ولا تغيرها صواديف العبر وصروفها

دار غلاها عندنا مايقبل انصاف الحلول=مغروس باقفاص الصدور وحافظينه جوفها

فيها الزعيم إللي كلامه فعل وافعاله تقول=ان المناصب من وصوفه تستمد وصوفها

السيف قاطع والمليك القاطع البر الوصول=راعي يمين تاصل ولا ينقطع معروفها

واخوانه اعوانه كعام الروس ماضين الفعول=موطية هامات روس الشر تحت كتوفها

واخص ابو خالد وابو خالد عسى عمره يطول=غانم وسالم من مقادير الدهر وصدوفها

راع اليدين إللي على المدات ماتقصر تطول=كن السحايب بين اصابعها وبطن كفوفها

تعقل مطاليق بنداها الغمر وتفك معقول=من تحت قوم جردت يوم القصاص سيوفها

يامرحبا حييت يامن فيك حيرت العقول=وابكيت في غيبتك سكان البلد وضيوفها

قلوبنا بصدورنا تركض مثل ركض الخيول=خطوة رجاها فيك تبعد منك خطوة خوفها

والبحر والبييد الوسيعه والنوايف والسهول=والكعبه إللي كل مسلم فوق الارض يطوفها

ماهي على خبرك تراها في مطار الوصول=تبغاك مع مستقبلينك بالعيون تشوفها

وسلامتكم

[نايف تراحيب]

لاهنت ياسيف العضيآني على هذه النآفذه الجميله

كل الشكر على ما تقوم به


اترككم للأستمتاع بما قاله الشآعر / ناصر تراحيب سويلم العتيبي


- } .. ضلع طويق .!




حسب توقيت المحب اللي غلاه يشده = لك يابوخالد حبيب المملكه غاليها

غيبتك يوم الغياب نفصله ونعده = السنه ماباقي الاّ ينطوي تاليها

ودارنا من حدها الشرقي لساحل جده = تنتظر طلة سموك والوصول إليها

والمدن في شوقها مثل البحر في مده = ما يريحها سوى صوت المآذن فيها

ويوم بشرنا المبشر بإنفراج الشده = شكرت كل النفوس وهللت باريها

والوطن من حده القاصي ليا أقصى حده = بشر الدنيا من أقصاها ليا دانيها

وبشر الطفل الصغير امّه وأبوه وجده = والعيون من الفرح ماكفكفت صافيها

والنظر حسب إتساع الشوف يوم امده = مايشوف الا الكفوف اللي دعت واليها

شفت ظلع طويق يدعي حالته منهده = يلتفت صوب الرياض ويفتقد راعيها

قلت قلبك من حجر وتحن له وتوده = كيف عاد قلوبنا اللي شوقها يدعيها

سيدي سلمان أخو سلطان جزل المده = حبه قلوب الخلايق كلها ماليها

وقفته مع راعي الوقفات طول المده = نادره في حاضر الدنيا وفي ماضيها






/



،



كل الود

[كــــآتــم المـــــعنى]

هلا وجودك يكفي وشرفتنا وصح لسان الدكتور واسمحلي بالتنسيق يالغالي

[كــــآتــم المـــــعنى]

هلا نايف وشرفت يالغالي وصح لسان ابو تراحيب

[البارق]

الحمد لله على سلامه ولى العهد
مشكورين على المبادره الغير مستغربه

تكريما لاهل الوفاء والمجد

[صاحبة السموـو]

يعطيكم العآفيـــــــــــــه

[..{غ ـير البشـ}ـر..]

الله يعطيك العـآفيه سيف

وعسآك ع القوه يآبعدي

[شيخ الشيوخـ]

لاهنت ياسيف وبيض الله وجهك


وهذي مشاركتي وهي قصيدة للأمير عبدالرحمن بن ماجد بن ربيعان

في صاحب السمو الملكي الأمير / سلطان بن عبدالعزيز آل سعود

وهي قديمة جداً وقد تشرف بإلقائها أمامه حفظه الله
وهي أيضاً تبين موقف قبيلة عتيبة مع الاسرة الحاكمة




حييت ياعز البلاد وسعدها
ياللي ليا جا بالوطن حلبه نور
تحية ٍ ما والله احصي عددها
ابديتها من خاطر زاد بسرور
يامرحبا بك عد ما ارزم رعدها
وتاريخنا معكم يزكي عن الزور
ادنى مواقفنا وطارف بددها
ميصال جدك من ورا سبعة ابحور
زرناه يوم الناس وني ٍ جهدها
ولاردنا دونه مخافه ولاشور
وانتم عمار الداروانتم عمدها
وانتم لجاحي ٍ من الخوف مذعور
والله يخلي للجزيرة فهدها
اللي لهاظل ٍ عن الظلم والجور
ليث ٍعيون عداه يطول سهدها
ورث ٍلبوه وورث كابر لمكبور
كم جادل ٍ سمت على اسمه ولدها
تباه مثله بالمهمات صاطور
هاذي بلاده كل حي ٍ حسدها
وحكم الشريعه مايقارن بدستور
وولي عهد المملكه هو سندها
مسقاًحليب المجد من مشة الزور
وانت الذي سيرتك كل ٍ حمدها
جعلك تدوم لساير الشعب مذخور

[عبدالله عابد]

الحمد لله على سلامة ولي العهد

ونسأل الله أن يمتعه بالصحة والعافية ويجعله ذخرا وفخرا للوطن


والشكر موصول للأخ العزيز سيف العضياني على جهوده وإمقترحاته الأكثر من رائعة

[اصايل]

يعطيك العافيه اخوي سيف


فكره رائعه


ولي عوده بإذن المولى

[دمي عتيبي]

... قصيدة سيدي صاحب السمو الامير سلطان بن عبدالعزيز


للشاعر : غازي العصيمي



هبت هبوب الشعر وأعذب تعابير =وجتك المعاني بالفرح مِسْتجله
أتقدم أدلال المشاعـر مباهـير =بالانتماء والصدق والحـب كله
لرضٍ حباهاالله بالإسلام تنوير =والشرع فيها مثل شمسٍ إمطله
في ظل حكامٍ بنوها بتطوير =شجرة معزي كل طودٍ وحله
من عهدأبو تركي ذراهامن الغير =وبظل انجاله ربت مستظله
وياحساسي الفرحان غرد مع الطير =وأطلع على الشعب السعودي وقله
اليوم هذا غير صفوا طوابير =واجنوا من الورد البنفسج وفله
وزفوا تهاني للملك والتباشير =سلطان عاد وعاد بالجود دلـه
سلطان سفيان الجيوش المغاويـر =سطام لطام الوجيه المْخِلة
الحازم الجازم حكيم التدابير =ومافيه أمرٍ ٍيصعـب إلا يحله
الرازي البازي هموم المضارير =الباسم الراسم رحابة محله
المصغي الداعم لدعوة هل الخير =مُنيب قلب وثابتٍٍ بالأدلـه
عطاه غيثٍ ٍلاتحدر مزابير =يروي عطش كبد البلاد ويعله
له بالكرم معيار فوق المعايير =ومعنى المكارم مرتوى من سجله
وله بالضماير قصر مافيه تقصير =والقلب صندوق الغلا يستحله

[كــــآتــم المـــــعنى]

حياكم الله جميع ولا شكر على واجب وطني وانتمائي للوطن والمنتديات

والله يقوينا على جمع المزيد

[كــــآتــم المـــــعنى]

للشاعر سطام بن محمد بن عون


اليوم عيد(ن) كبير وعمـت الفرحـه=كل(ن) من الشعب فيه يهنئـي الثانـي
يا عظم هاك البيان ويا حلـو طرحـه=فرحت به المملكه والشعب من دانـي
اصدورنا حين مـا ذاعـوه منشرحـه=ومن الفرح طايرين بـدون جنحانـي
لو بأشرح شعورنا يكودنـي شرحـه=عيد ومطر وانتصار وشوف سلطانـي
حتى المصوب على الجبهه برا جرحه=في شوف ابو خالد وفي شوف سلماني
يالله عسى عزنا مـا ينهـدم صرحـه=ويطول اعماركم يا اطـوال الايمانـي
عاش الوطن والمليك ودامت الفرحـه=وعاش ابو خالد وعاش النائب الثانـي

[رغدالشيباني]

قصيده في عودة الامير سلطان بن عبدالعزيز حفظه الله بعد شفائه

قالها الشاعر عبدالله بندر تركي الشيباني


قولوا معي ياساكنيـن الجزيـره=قولوا هلا باللي حياتـه نذرهـا
قولوا لبو خالد دروبك عسيـره=لاحدا تهمقاها ولاحـدا عبرهـا
تعبر بنا عبر البحـور الغزيـره=امواجها ماردتـك عـن بحرهـا
في راي ابو متعب زعيم المسيره=اللي الى طالت برك وختصرهـا
يديرها بالفكـر وهيـه خطيـره=حتى يخفف عن بـلاده خطرهـا
والجيش يفخر بالمليك اوزيـره=سلطان هو عز الجيوش وافخرها
يامرحبا من كل فخـذ وعشيـره=ومن القلوب اللي فرحها غمرها
باللي رعى جيشه ابصر وبصيره=حتى المحبه في جنـوده بذرهـا
مانحتمل فرقاه لوهـي قصيـره=قلوبنا سيطـر عليهـا واسرهـا
وفي عودته كلن يعبـر ظميـره=بعد شهـور طايـلات انتظرهـا
الجيش كل الجيش يفرح باميـره=فرحه عظيمه ماتوصف صورهـا
والهرج تكفي بلغته عن كثيـره=نامت عيونن طولت في سهرهـا


أشكرك ..سيف العضياني.

[كــــآتــم المـــــعنى]

صح لسان عبدالله يا رغد وسلمتي على النقل

وبانتظار ما تبقى من الجميع

[كــــآتــم المـــــعنى]

يا فرحة(ن) عمت على كل الأوطان=بوصول سلطـان السعـد بالسلامـة
شعبك يا بو خالد بشوفتـك فرحـان=ياللـي ملكـت قلوبهـم بالكـرامـة
سلطان غيث و مروي(ن) كل ضميان=نو(ن) تحـدر مـن معالـي تهامـة
راع الوفاء راع المكارم و الأحسان=طلق الحجاج اللـي بعيـدن مرامـه
أليا جلس سلطان و ن قـام سلطـان=رجلن تعلـى المرجلـة و الزعامـة


الشاعر
منيف لفيان العتيبي

[ابــ عــتـب ــو]

يا طير غرد وازهـري يـا نواويـر=يا شمس طلـي وانزحـي يـا غمامـه

ويا نفـس زفـي للوجيـه التباشيـر=ويا جفن كف من البكى والندامـه

من هالدقيقه مـا للأحـزان تبريـر=برجوع ابو خالـد لنـا بالسلامـه

مـادام سلطـان الكـرم حـي وبخيـر=معاد ننشـد لـو تقـوم القيامـه

بشـت يـذري عـن عجـاج المعاصـيـر=ووجـه يـرد ارواحنـا بإبتسامـه

وكـف يجـود بـلا حــدود ومعايـيـر=وشهامـة مـا بعدهـا مـن شهامـه

اكرم من اللي ماخذ الجود تبذيـر=واصدق من عتاب الخـوي فـي خصامـه

واشد من ظـرب السيـوف الشواطيـر=واجـل مـن وصــف يـحـدد مقـامـه

سلطـان ياقـرم يقـود الطوابـيـر=ياسيـد الجيـش السعـودي وإمامـه

ياشوق تلعات الرقـاب الغناديـر=يا منبـر الديـن الحنيـف وحسامـه

جيتك وفي صـدري وطـن مـن تعابيـر=وبخافقـي حـب الكـويـت وغـرامـه

لان الرفـيـق يـحـن ويـحـس ويغـيـر=والصف الاوحـد مستحيـل انقسامـه

شعب الكويت يكن لـك كـل تقديـر=ويبلـغ الشعـب السعـودي سـلامـه

ويعاهـدك مهمـا تـدور المقـديـر=نبقى لكم مثل الفشـق فـي حزامـه

لأن قـدر المملـكـه عنـدنـا غـيـر=المحـتـرم يـفـرض علـيـك احتـرامـه

واللي يوفي بألتزامـه مـع الغيـر=عيـب علينـا مـا نحفـظ التزامـه

ياجارنا اللي ما حصل منه تقصيـر=يا كبر دروع اهل الجزيـره ظخامـه


ارض الحرم .مهد الكرم.منبع الخيـر=طهر الظبا.ستـر العبـي واللثامـه


يا قصة الكوثر ويا زمـزم البيـر=ويا موقع اقدام الخليـل ومقامـه


اغلى ثرى تاطابـه الرجـل وتسيـر=واكثـر عبـاد الله ورع واستقامـه

ان كبروا هـز الفضـا صـوت تكبيـر=ولسجودهـم فـي ناصيتـهـم عـلامـه

طول اللحـا لوقارهـم زود توقيـر=وقصر الثياب ابهـم جمـال ووسامـه

اصحـاب نهـج ودينهـم ديـن تذكيـر=وآمالهـم تبنـي وطـن مـن عـدامـه

لأن العمـل يجمـع شـعـوب وجماهـيـر=عمر الجهل مـا عـز للديـن قامـه

ومن يدعـي الاصـلاح لأغـراض تدميـر=ماظـن للرحمـه صـلـه بأهتمـامـه

الموعضـه تيسيـر ماهـيـب تعـزيـر=وحـنـا نمـيـز بالـحـلال وحـرامـه

ما للهدف من قتل الاطفـال تفسيـر=وصبـر علـى فعـل الجرايـم غشـامـه

اكثر من اللي صار وشعـاد بيصيـر=المسألـه وصلـت حـدود الكـرامـه

مالله خلقنـا فــي سمـانـا عصافـيـر=والحـمـد لله مالـنـا بالـرخـامـه

جهالنـا عنـد المواجـه مغـاويـر=وافعالنـا صبـر وثبـات وجـزامـه

يوم الضعيـف بالشديـده معيثيـر=حنـا ليـا ضاقـت نطـش العمامـه

نفزع بوجـه المدفـع بسيـف وبعيـر=ولا عـاش فينـا مـن يـرد بكلامـه

ياميـر مـا يلحقكـم الشـك ياميـر=ولا غيركم يا اهل الزعامه زعامـه

الله مدبـر فيكـم الـعـدل تدبـيـر=ومعكم يسود امن البـلاد ونظامـه

وإن كان للفتنه على الشعب تأثير=يمكـن تـزود وحـدتـه والتحـامـه

الحكـم حكـم الله ولا فـيـه تغيـيـر=ودوامكـم ياسيـدي مــن دوامــه

والله لا عنـتـر ولا سـالـم الـزيــر=يقدر يزعزع بـأرض الاسـلام هامـه

دام الفهد طيب وابـو متعـب بخيـر=والنايب الثانـي رجـع بالسلامـه

هلت على الشعب السعـودي تباشيـر=وقامت على حزب الضـلال القيامـه
قصيدهـ/ حامد زيد
الف سلامه يا سلطان الخير

شكرا يا سيف العضياني على الموضوع