ياسر السليس
11-18-2009, 10:29 AM
السلام عليكم
قصيدة تتحدث عن نفسها
اقبلوهآ
/
|
\
التغاضي والتراضي والركود=ما لها عندك محل ولا مكان
والتعدي والتحدي والصدود = لعنة العشاق من طول الزمان
واللعانه والخيانه والجحود= هي نهايات المحبة والحنان
والسذاجه والسماجه والبرود=دمرت فيني تفاصيل الكيان
والتودد والتوجد والجمود= انتهت عندي ولا عندي أمان
سهم حبك كان في حالة صعود = بس الأسهم سوقها ماله ضمان
صار سهم الحب في حالة خمود = والهوى يا سيدي ماضي وكان
كان يا ما كان من بين الحشود =كان به ترفٍ كما الحور الحسان
كان يمشي ويتمايل في شرود = مثل عود الموز والا الخيزران
مِظهرٍ سحره وحسنه ما يجود = غير بالفتنه وهاذيك الثمان
والعيون الذابحه دعج ٍ وسود = حدها يسطي كما حد السنان
وضحكته تملا الزوايا والحدود = وعطره اللي مثل فوح الزعفران
وكثروا العشاق من بين الوفود = والتغزل فيه عم المهرجان
وكل قناص ٍ طمع بالزين كود = يملكه من بعد طول الافتتان
من خِلقت وعادتي طول المدود = ما ارتضي عيش الاهانه والهوان
معود ٍ رجلي على المرقى سنود = ولا يماشيني ضعيف ولا جبان
لكن اللي صار منك اليوم (عود) = شيءٍ أكبر من تعابير البيان
وقتها لاح بسما كوني رعود = وأظلمت دنيا الهوى والحظ شان
الله أكبر كيف فرّحت الحسود = كيف بعد الحب وقت البين حان
انتهينا لا تلاقي لا ورود = ولا رجوع ولا شموع وشمعدان
ما به إلا حزن وعيوني شهود = وقلبي الملتاع هو شاهد عيان
والدليل إن الشقا فيني يزود = انتهينا يوم وقت الوصل زان
اسكت اسكت ما ورى هالحكي فود = انتهينا والنوى فالقلب ران
ما تعوْد أيام وصلك ما تعود = لو رسول الحب يرسل لي بيان
لو توسط لو تحلى بالصمود = كيف نرجع والهوى باقي دخان
ولو يقوم المَيْت من تحت اللحود = ما رجعنا للأسف فات الأوان
ما نعوّد ما نهوّد والعهود = دين .. واللي نزل السبع المثان
انكتب لفراقنا عمر الخلود = وانكتب لي وانكتب لك قل شان
انتهت كل المشاعر والوعود = وانتحر قلبي على سور الزمان
امتحنتك فالمحبة يا جحود = والنتيجة راسبٍ فالامتحان
وسلآمتكم
ياسر السليس
قصيدة تتحدث عن نفسها
اقبلوهآ
/
|
\
التغاضي والتراضي والركود=ما لها عندك محل ولا مكان
والتعدي والتحدي والصدود = لعنة العشاق من طول الزمان
واللعانه والخيانه والجحود= هي نهايات المحبة والحنان
والسذاجه والسماجه والبرود=دمرت فيني تفاصيل الكيان
والتودد والتوجد والجمود= انتهت عندي ولا عندي أمان
سهم حبك كان في حالة صعود = بس الأسهم سوقها ماله ضمان
صار سهم الحب في حالة خمود = والهوى يا سيدي ماضي وكان
كان يا ما كان من بين الحشود =كان به ترفٍ كما الحور الحسان
كان يمشي ويتمايل في شرود = مثل عود الموز والا الخيزران
مِظهرٍ سحره وحسنه ما يجود = غير بالفتنه وهاذيك الثمان
والعيون الذابحه دعج ٍ وسود = حدها يسطي كما حد السنان
وضحكته تملا الزوايا والحدود = وعطره اللي مثل فوح الزعفران
وكثروا العشاق من بين الوفود = والتغزل فيه عم المهرجان
وكل قناص ٍ طمع بالزين كود = يملكه من بعد طول الافتتان
من خِلقت وعادتي طول المدود = ما ارتضي عيش الاهانه والهوان
معود ٍ رجلي على المرقى سنود = ولا يماشيني ضعيف ولا جبان
لكن اللي صار منك اليوم (عود) = شيءٍ أكبر من تعابير البيان
وقتها لاح بسما كوني رعود = وأظلمت دنيا الهوى والحظ شان
الله أكبر كيف فرّحت الحسود = كيف بعد الحب وقت البين حان
انتهينا لا تلاقي لا ورود = ولا رجوع ولا شموع وشمعدان
ما به إلا حزن وعيوني شهود = وقلبي الملتاع هو شاهد عيان
والدليل إن الشقا فيني يزود = انتهينا يوم وقت الوصل زان
اسكت اسكت ما ورى هالحكي فود = انتهينا والنوى فالقلب ران
ما تعوْد أيام وصلك ما تعود = لو رسول الحب يرسل لي بيان
لو توسط لو تحلى بالصمود = كيف نرجع والهوى باقي دخان
ولو يقوم المَيْت من تحت اللحود = ما رجعنا للأسف فات الأوان
ما نعوّد ما نهوّد والعهود = دين .. واللي نزل السبع المثان
انكتب لفراقنا عمر الخلود = وانكتب لي وانكتب لك قل شان
انتهت كل المشاعر والوعود = وانتحر قلبي على سور الزمان
امتحنتك فالمحبة يا جحود = والنتيجة راسبٍ فالامتحان
وسلآمتكم
ياسر السليس